رايكم فى هيونداى فيرنا والنبى رد عن تجربة مش سمع و خلااااص

[ENG.Bahaa Nagy]

والله كلامى بعيد جدا عن الانحياز . ومش لانى من مالكى السياره دى لكن فعلا العربيه جميله جدا من حيث السعر والاقتصاد ف البنزين وتوافر قطع الغيار ودى العوامل الاساسيه اللى بنقيس عليها نجاح السياره من عدمه . ده غير موتورها الجبار (هو صحيح شديد على البودى بتاعها لكن قوته تعتبر ميزه اذا تم استخدامه بعقل) . يعيب العربيه دى كبر حجم شكمانها اللى بخليها تحك ف المطبات وده بيتحل بتغييره بواحد صغير والثبات بعد ال 120 وده بيتحل بالتجنيط وغير كده العربيه ممتازه وتوكل على الله واستخيرالاول .. وربنا يكتبلك اللى فيه الخير

العربية معايا بقالها 3 سنين عربية ممتازة في كل شئ الا الفرامل

[fineart607]

المشاركة الأصلية كتبت بواسطة محمد فيصل من واقع اننى مالك لفيرنا منذ 3 سنوات لايوجد سيارة خالية من العيوب بمعنى ان اى سيارة من الطبيعى ان تجد فيها بعض الاخطاء نتيجة 1.التجميع المحلى وتوفير غبور من اجل الحصول على اكبر مكسب 2.شوارعنا الجميلة والتى تكفى للقضاء على اى سيارة الخلاصة ان العيوب الموجودة بالفيرنا يمكن علاجها مرحلياً والله الموفق لما فيه الخير :

وفعلا بس راى جيب اسبرانزا هيكون اوبشن اعلى

[crime]

المشاركة الأصلية كتبت بواسطة sameh samer ألف شكر انشاء الله من يوم الجمعة هبدأ أدور بشكل جااد عالفرنا

ربنا يوفقك ياباشا

[SuccessCre8or]

عربية إعتمادية قليلة الأعطال ملخص عيوبها بعد 4 سنين:
1-خفيفة بعد ال100 و مع جنط 15" خفيفة بعد 120 130 كدا
2-بتيجي بكاوتش ردئ جداً و دا اللي طلع عليها ان مفيهاش فرامل... جربها بكاوتش محترم و انت تعرف الفرق
3-ضيقة