|
#13
11-06-2011, 10:35 AM
|
||||
|
||||
رد: تلف جوان وش السلندر علي لادا
طب صلى على النبى لو انا قلتلك الجركن دة بيقعد فى الموتور 2000كم وعضو تانى قال لالالالالا دة بيقعد 1000كم وعضو تالت قال انتو الاتنين غلطانين دة بيقعد 3000كم ....ساعتها مين فينا اللى صح ومين اللى غلط ؟؟؟؟؟ طبعا مش هتلاقى اجابة لان كل واحد مننا بيردد الكلام اللى بيتقالة من بتاع الزيت طب بتاع الزيت جاب معلومتة منين ؟ اكيد هاتقولى من الموزع اللى بينزل منة والموزع جاب المعلومة منين اكيد من الصانع .......طب لية بقى الصانع ما كتبش على الجركن ؟؟؟؟؟؟هنا مربط الفرس بص انا عندى 40 سنة وعندى عربيات من سن 18 سنة وقبلها كانت العربيات اللى مع الوالد الله يرحمة فى خلال الفترة دى جبت عربيات كتير جدا بمختلف انواعها وموديلاتها واسعارها من الزيرو للـ 128 للنقل والمعدات لزوم الشغل .....عملت عمرات كتير بايدى لمحركات بنزين وديزل ....واشتغلت شوية فى الاشراف على صيانة مولدات كاتربلر 12 v وروافع مياه ديزل ومحطات مياة وصرف ولو سمحت كفاية كدة عشان ايدى وجعتنى من الكتابة عاوز اؤلك خلاصة تجربتى الشخصية فى موضوع الزيت انا بغير الزيت اما احس انه عاوز يتغير يعنى عند الحاجة وليس بعدد كيلو مترات معين او عدد ساعات تشغيل معينة لان زى ما قلت لحضرك لو ان العربيات بالكيلو م طب المعدات زى المولدات اغيرهم على اد اية ومن هنا بدات افكر فى موضوع الزيت وانت عارف بقى اللى يستغل على معدات كاتربللر المعدة بالشىء الفلانى وكنا فى الجبل ولا حد بيسال علينا طب اغيرة امتى ؟ كنت كل يوم الصبح اشيك على المقاس واختبر لزوجتة وبحسبة معينة عدد ساعات التشغيل على الحمل الكامل لو عملت تزامن بالعربية كانت الارقام بتطلع مخيفة جدا 40 الف وانت طالع وعلى فكرة فى معدات من دول ما حلتش وش سلندر حتى ولغاية النهردة شغالة زى الفل والكلام دة من سنة 1994 ولغاية النهردة المكن ما حلش يا راجل انا استلمت مولد كات قدرة واحد ميجا تمنة كان فوق المليون جنية وكنت بغيرلة الزيت بنفس النمط اللى انا ماشي علية فى النهاية اقسملك بالله انا غيرت الزيت على 26 الف كيلو فى عربية لادا 2107 ومش اول ولا اخر مرة وغيرتة كدة عشان كان معايا فلوس واحب انوة اللى ان دى تجربة شخصية وراى خاص كونتة على مدار سنين اللى عاوز ياخد بية ياخد واللى رافض الموضوع دة لة كل احترام منى وانا غير مسؤل عن اى تلف يصيب سيارة اى عضو من الاعضاء بسبب الكلام فى موضوع الزيت
__________________
يااااااااااااا رب إرحمنا بقدرتك علينا 
التعديل الأخير تم بواسطة mr_astra ; 11-06-2011 الساعة 10:44 AM 
|
|
#14
11-06-2011, 10:39 AM
|
||||
|
||||
|
رد: تلف جوان وش السلندر علي لادا
اة نسيت اقول حاجة مهمة اوى
اثناء العمل فى الاماكن الصحراوية وخوفا منى ومراعة المعدات التى كنت اعمل عليها كنت باخد عينات من الزيت واوديها معامل اختبار ( على حساب الشغل) بس كنت بضحك عليهم ومكتبش مدة عمل الزيت مظبوطة وكنت بقول انها مثلا فترة بسيطة على عكس الوضع الصحيح وكانت النتايج بتجيلى ان الزيت بحالة جيدة وخواصة كما هى
__________________
يااااااااااااا رب إرحمنا بقدرتك علينا
|
 |
| الكلمات الدليلية |
| جوان وش السلندر |
|
|
