يا ترى نفسك في ايه ؟؟

[Komy]

نفسى فى كل اللى انتوا قولتوه وهضيف حاجة مهمة بالنسبة ليا:

نفسى اعيش حياة كريمة

[blacklist002]

بجد دي حاجات جميلة , كل واحد عنده حلمه والحلم مش هيتحقق من يوم وليلة لازم كل واحد يسعي لحلمه ,يسهل تحقيق الحلم لو شاركك في الحلم ناس عايزين يحققوا ده بجد , وده دورنا احنا في الفترة الي جاية كل واحد يحط اهدافه قدامه ويعرف ازاي يحققها وافضل طريقة لتحقيق هدفه
دي بلدنا حافظ عليها علشان تحافظ عليك

لو لقيت حد بيرمي زبالة قولوا لا وفهموا حاول متقاش سلبي لو لقيت غلط متسكتش عليه وحاول يبقي عندك دور في حياتك
ومتنساش (لا يغير الله قوم حتي يغيروا ما في انفسهم )

[sam ram]

المشاركة الأصلية كتبت بواسطة ابوشروق كل ده نفسى فيه انا كمان وعايزأ قول الحكومه عايز شقه

ان شاء الله ربنا يكرمك باحلا فيلا تحلم بيها .... و احسن عربيه ... و تفرح بشروق وهي اجمل عروسه

المشاركة الأصلية كتبت بواسطة samirayad نفسى أشوف مصر متقدمه زى البلاد إللى زورتها على الأقل زى الصين

ان شاء الله مصر تتقدم باولادها ..
كفايه شكل الشباب و هما بيدهنوا الارصفه في الشارع .. يخلي الواحد يتكسف من نفسه يفكر حتى يرمي منديل ورق على الارض

المشاركة الأصلية كتبت بواسطة د.كمال أنا نفسى فى حاجه واحده بس أشوف الشعب المصرى ده ذى أى دوله متقدمه ومتحضره .

الثوره البيضاء المصريه قدمت درس للعالم المتحضر ... السياسين الغربيين منبهرين باسلوب الثوره و بيتكلموا عنها كمثال فريد وقيم يحتذى بها ... يا رب دايما يا مصر في كل مجال

http://www.youtube.com/watch?v=5PLi17pOsvw

المشاركة الأصلية كتبت بواسطة mido-spicy نفسى زى ما انا حاسس دلوقتى بفخر وانا بقول انى مصرى افضل حاسس بالاحساس دا علطول ودا طبعا مش هيجى الا بمقومات كتيـــــــــره قوى منها كل اللى انتوا قلتوه واللى لسه كمان هيتقال

ان شاء الله الحس الوطني العالي اوي دا لازم يستمر ... فعلا الواحد دلوقتي يفتخر انه مصري ... لأن العالم كله بيبص للمصريين دلوقتي نظره احترام و تقدير

المشاركة الأصلية كتبت بواسطة د.كمال عمركوا شفتوا المصريين متحدين فى حب بلدهم ذى النهارده لو سألت أى مصرى نفسك فى إيه هيكلمك عن بلده مش عن نفسه سواء كان غنى ... فقير ..مدير ..غفير ..متعلم ...جاهل ..كبير.. صغير..مسلم ... مسيحى ... ...طويل .قصير .أسود ...أبيض .... ياحبيبتى يامصر

فعلا يا دكتور كمال ... هو ده الانتماء الحقيقي ...

المشاركة الأصلية كتبت بواسطة Ahmed Anwer مفيش كلام اضيفه شخصيا مش هأختار في المسئولين الادمي غير نظافة اليد ،،،،، و كرسي تيفال

اما كمان نفسي اضيف للكرسي التيفال حته زبده سايحه ... علشان لو اللي قاعد عليه سخن اوي و فكر يلزق ... الزبده تزحلقه

[sam ram]

المشاركة الأصلية كتبت بواسطة nktis نفسي مصر تاخد وضعها كاكبر دوله سكانا ورفاهيه واقتصاد نفسي نقضي علي البطاله وعلي العنوسه.........

إن شاء الله كل احلامنا تتحقق ... المهم تكون عندنا النيه السليمه و الرغبه الحقيقيه في التغيير للافضل

المشاركة الأصلية كتبت بواسطة amrmohamed1975 بعد اللي انت قلته يا استاذ سامح معادش نفسي فى حاجة غير اني اشوف اللي انت قلته بيتحقق يارب يكون واقع قولوا امين

أمين يا استاذ عمرو ...
انا كل شويه افكر في حاجه و اتمنى حاجات ... وفي نفس الوقت عارف ومتأكد ان التغيرر مش حيحصل في يوم وليله .. مش حنقضي على كل حاجه و حشه و نحقق كل ما هو كويس و جميل .. احنا مش في الجنه ...
لكن على الاقل ... اللي جاي يبقى احسن من اللي فات .. و هلم جرى

المشاركة الأصلية كتبت بواسطة karem ali يارب بس اهم حاجه كل الحاجات الى حضرتك قولت عليها يا استاذ سامح تتنفذ

ان شاء الله يا كريم ... طول ما في شباب زيك كده واعي و غيور على بلده الواحد حيبقى مطمن

المشاركة الأصلية كتبت بواسطة Komy نفسى فى كل اللى انتوا قولتوه وهضيف حاجة مهمة بالنسبة ليا: نفسى اعيش حياة كريمة

فعلا يا استاذ كومي ... حضرتك لخصت الموضوع كله في كلمه مفيده ...
حياه كريمه يعني الستر و الصحه و راحه البال .... الشعور بالامن و الامان .. و الضمير المرتاح ...

المشاركة الأصلية كتبت بواسطة blacklist002 بجد دي حاجات جميلة , كل واحد عنده حلمه والحلم مش هيتحقق من يوم وليلة لازم كل واحد يسعي لحلمه ,يسهل تحقيق الحلم لو شاركك في الحلم ناس عايزين يحققوا ده بجد , وده دورنا احنا في الفترة الي جاية كل واحد يحط اهدافه قدامه ويعرف ازاي يحققها وافضل طريقة لتحقيق هدفه دي بلدنا حافظ عليها علشان تحافظ عليك لو لقيت حد بيرمي زبالة قولوا لا وفهموا حاول متقاش سلبي لو لقيت غلط متسكتش عليه وحاول يبقي عندك دور في حياتك ومتنساش (لا يغير الله قوم حتي يغيروا ما في انفسهم )

فعلا لازم التغيير يكون من جوانا قبل ما نطالب بيه غيرنا .. وساعتها كل واحد حيعمل اللي عليه من غير ما يتطلب منه ... و حيكون فاهم ان مصلحته الشخصيه من مصلحه الكل

[sam ram]

انا نفسي يكون المحافظين بالانتخاب مش بالتعيين ... و برضو شيخ الازهر و المفتي ...
نفسي عسكري المرور يطبق القانون على الكل و اولهم ظابط المرور اللي لازم يكون اول واحد يلتزم بقوانين المرور ... و ساعتها الناس كلها تلتزم
نفسي سواقين النقل يسيبوا الشمال و يمشوا في اليمين
نفسي نغير سلوكيات سواقتنا
نفسي مرتبات كل الموظفين تبقى مرضيه وكافيه .. علشان ميفكرش يفتح درج و لا يمد ايده
نفسي الناس تفتكر ان كلنا بني ادميين ... و مفيش فروق بين الناس الا بالتقوى