إلحقوني يا جماعة العربية بتاعة مراتي بتعمل مدافع ومفيش عزم في السحب

[ahmedraafat00]

بص حضرتك انا تقريبا كان عندى نفس المشكله دى وقعدت فتره طويله و عملنا كل حاجه غيرنا فلتر البنزين و شيكنا على الطرمبه و مكنتش بتتظبط و فى الاخر طلع العيب فى حاجه اسمها " حساس الكرنك " الكلام ده فى جيب شيروكى

[xabi]

انا النهارده كنت رايح اركب سير كاتينه. الميكانيكى فك حاجات كتير فى العربيه علشان يركبه..المهم بعد ماخلص جيت اجرب العربيه لقيت مفيهاش عزم خالص ولازم تضغط على الدواسه للاخر وبرضه مافيش استجابه إلا ضعيفه خالص..فلما رجعتله ظبطلى الكهربا لقيت سحب العربيه رجع ذى الاول واحسن كمان...ممكن تكون المشكله مشكله كهربا...او ممكن ذى الاستاذ طارق ما بيقول ممكن تكون مشكله تقسيمه

[hima elgmal]

مع احترامى الشديد (غير الكندنسر) وان شاء الله مفيش حاجة غيرة

[hazem_khidr]

المشاركة الأصلية كتبت بواسطة xabi انا النهارده كنت رايح اركب سير كاتينه. الميكانيكى فك حاجات كتير فى العربيه علشان يركبه..المهم بعد ماخلص جيت اجرب العربيه لقيت مفيهاش عزم خالص ولازم تضغط على الدواسه للاخر وبرضه مافيش استجابه إلا ضعيفه خالص..فلما رجعتله ظبطلى الكهربا لقيت سحب العربيه رجع ذى الاول واحسن كمان...ممكن تكون المشكله مشكله كهربا...او ممكن ذى الاستاذ طارق ما بيقول ممكن تكون مشكله تقسيمه

كده الكاتينه بتاع العربيه الميكانيكي اخرها و علشان يداري تاخير الكاتينه راح مظبط الكهربا علي الكاتينه الجديده

[mostafakamal]

العيب طلع من الابلاتين والكوندنسر وكمان البوجيهات مش بس كده كمان طلع بك الهواء بتاع الكربراتير كان مسدود، مع العلم أن الابلاتين والكوندنسر اللي كانوا راكبين كنت مركبهم جديد، بجد يا جماعة أوحش قطع غيار هي قطع غيار الفيات كلها مضروبة، طقم الكهرباء مكتوب عليه فرنساوي وهو متعرفش معمول فين وعلى ذلك كل قطعة غيار في العربية والله مضروبة وكمان أسعار مختلفة من محل لمحل، والحكومة سايبة الناس تدي تمص في دمنا، وشكرا لكم