الفيرنا سياره جيده ام غير جيده ارجوا الافاده

[zoomaa&mizaa]

يا سيدى الفاضل هو دة الهدف من النقاش أننا بنحاول نستفيد وأنا ماقلتش هو دة رأيى ومش هاغيرة لا بالعكس وبعدين انتا قولت نفس المشاكل أللى انا قولتها بس أحنا بنحاول نوصل مع بعض لحلول علشان ربنا يسترها علينا وعلى فكرة انا فى ناس صحابى بيحولوا يعدلوا فى الفرامل عن طريق تكبيرحجم الطنابير بالاستعانة بطنابير الالنترا وتيل الالنترا لاكن الموضوع لسة محاولات وفى الاول والاخر الواحد بيتمنى السلامة لكل الناس ولو كان العنوان قاسى شوية فانا اسف يا جماعة

[بدر بسيونى]

اسمحولى انا ليا وجهة نظر احب اوضحها هى ان غبور بايع من الفيرنا عدد كبير جدا جدا يعنى يعتبر اكبر عدد مباع من سيارة فى مصر فلو فرضنا ان العدد المباع على سبيل المثال 100 عربية لو 10 من 100 دول بيكرهوا العربية لاى سبب فرامل او ...........
ولو 10 كمان مش مبسوطين من العربية اوى يعنى المجموع 20% ودى نسبة مقبولة جدا ده الكتيب السماوية زى القرأن الكريم والانجيل الناس اختلفوا عليهم والبعض امن والبعض لا فمابالك بعربية من صنع انسان فنسبة الرفض والاعتراض مقبولة جدا وخصوصا لمانقارن بفئتها اللى فيها اللوجان والانوس فعمليا هى الافضل من نواحى شتى المحرك والاداء وده مش معناه ان مافيهاش عيوب لكن لكل حاجة درجة من العيوب التى ممكن تقبلها لكنها فى الاخر صفقة رابحة من نواحى شتى

[waelfarid]

العربيات دلوقت عموما بقت سلعة استهلاكية وليست معمرة
يعني الصيانة وقطع الغيار في التوكيل تقعد تنش يعني
والناس بتاخد الرخصة الاول وبعدين تتعلم السواقة براحتها
وبعدين لم يعد هناك ما يسمي ب(السواقة فن وذوق وأخلاق )
والناس تقعد تضيع وقت قد كدة في كلام فاضي مش كلهم طبعاويتجننو أول ميمسكوا الدريكسيون عاوزين يوصلو في لا وقت وطبعا الشوارع فاضييية تخلي اي حد يخرج عن شعوره هههههههه

[yaser4050]

عفوا يا إخوانى والله العظيم انا من العاشقين لهذا المنتدى الجميل ولكن بأت أحس ان فيه مصالح شخصية وراء آراء ناس فى المنتدى. شوية ناس يشكروا قوى فى عربية و مبيعاتها العظيمة و تارة أخرى يسبها البعض ممن قد يكونوا يعملوا فى مجال السيارات و خصوصا سيارات منافسة أنا لا أتهم أحدا بعينة ولكن أعبر عن إحساسى الذى قد لا يهتم به غيرى.
أما بالنسبة للفيرنا عن تجربة شخصية كنت ماشى ع الزراعى 120 و فوجئت بغاق الطريق تماما و أنقذنى الله سبحانة وتعالى عن طريق فرامل الفيرنا و على فكرة كنت واخد العربية ايجار يعنى طالع عينها.
أما بالنسب للحوادث فليست الفيرنا فقط فهناك سيارات ذات معدلات أمان عالية و أسعار باهظة و بتلاقى شنطتها فى كبودعا فهذا ليس عيب السيارة فقط ولكن أسباب كثيرة على رأسها السائق نفسة الذى لا يقدر المسافات جيدا أو ينشغل عن الطريق بأى شىء.
على فكرة أنا لاأعمل فى مجال السيارات أنا مدرس انجليزى و رأيت أن أدلى بشهادتى مع شديد إحترامى للجميع

[احمد بدر1978]

الفرنا مايعبهاش غير انها عربية واطية بتحك فى كل حاجة بس بتتعلى