رينو لوجان VS برايد

[sheko fun]

يا ريت حد يقوللى على أسم معرض أو توكيل كويس وياريت يكون مجربه بنفسه

عشان أجيب منه الرينو لوجان .

لأن فى ناس خوفتنى وقالتلى إن فى بعض المعارض أو التوكيلات بيبيعوا العربية وفيها عيب معين هما بيبقوا عرفينوا

وفى ناس قالتلى إنهم إضحك عليهم قبل كدة وأشتروا عربية طلع فيها عيب صغير بس بردوا أسمو عيب . ( زى اللادا و اللانسر و اللانوس )

طب دة كلام يعنى الواحد رايح يجيب عربية على الزيرو عشان يريح دماغه من المستعمل وبردو يلاقى فى الجديد عيوب .

عشان كدة أنا نفسى حد يكون أشترى من معرض كويس أو توكيل كويس والعربية يكون لقاها مفيهاش غلطة . عشان الواحد ميرميش فلوسه فى الأرض .

علماَ إنى ساكن فى القاهرة . يعنى أشترى من ( المصرية ولا من الميكانيكيون العرب ولا محمد زكى ولا منيين ....)

وأسف للإطالة على حضراتكم .

[sheko fun]

يا جماعة معلش سؤال تانى :

حد يعرف أى توكيل لرينو لوجان يكون بيقسط بدون تأمين . وللا كل التوكيلات لما بتقسط يبقى لازم أدفع تأمين .

ياريت لو حد يعرف توكيل كويس يرضه يقسط من غير تأمين . ياريت يقولى أسمه إيه أو مكانه فين .

وأسف جداَ على كثرة الأسئلة . ألف شكر لأعضاء المنتدى الكرام .

[mohamedfadel]

سمير ريان محترم جدا و تستلم بالنسبة للقسط في خلال يومين و بأقل سعر في السوق
سمير ريان عند الجبل الاخضر امام مستشفي المقاولون العرب عند نادي السكة تقريبا و ربنا يوفقك ان شاء الله

نصيحة ابعد عن الموزعين وخليك في التوكيل افضل علي الاقل هتكون ضامن ان عربيتك علي الزيرو ومش ملعوب فيها اي نعم هتتاخر شوية في التسليم لكن هتكون حاطط في بطنك بطيخة صيفي وبالنسبة لموضوع التامين في دلوقتي انظمه في البنوك بتقسط بدون تامين وبدون توكيل ونسخة مفتاح وهتلاقيهم كتير اتصل بيهم واتاكد بس نصيحة امن علي العربية افضل علشان لو لا قدر الله حصل اي حاجه متتبهدلش في مصاريف التصليح والكلام ده وتكون نايم وانتا مطمن علي العربية والف مبروك مقدما وربنا يديك خيرها ويكفيك شرها

[eskenderiya]

معلش يا باشا رايى بصراحة انك تبعد عن الاتنين

و لوحضرتك معاك50 الف ممكن تجيب فيرنا او لانوس 2007 منوال فل اوبشنز

طبعا انا عارف ان المستعمل فيه حالات ضايعة

بس ممكن تشترى عربية بيتى يعنى استعمال اسرة مش تاجر او معرض تاجير و برده اكشف عليها فالتوكيل