إيه الفيصل فى الحكم على حجم الزيت الناقص من الماتور

[AbOnOrA]

لازم تمسح المقاس قبل القياس ده اولا ً
وثانياً لازم بعد ما تمشى بالعربية تستنى شوية 5- 10 دقائق قبل القياس علشان يكون الزيت نزل بشكل كافى للكارتيرة تانى وفى حالة انك كررت القياس اكتر من مرة مع مراعة كل الشروط وفيه فقد حقيقى فى الزيت يبقى لازم فيه مشاكل

[michohat]

انا بقيس الزيت والعربية فى الجراج قبل ما ادورها او احركها بس مكنتش بمسح المقياس

[firstgenral]

ده طبة او جوان كارتيرة حصلت معايا في سوزوكي سويفت ومش طقم شنابر لاني لما بركن بشوف بقعت زيت كبيرة تحت العربية

[mrwho1982]

تسمحلي بالمشاركة

السلام عليكم اولا

ثانيا بص هاتعمل الاتي

افتح غطاء الرداتير ودور العربية وشوف المية في الرداتير بتشتغل زي دوامة ولا بتفور لو بتفور يبقي وش سلندر

سيب العربية واقفة في مكانها شوف لو بتنقط زيت يبقي الكارتيرة مشروخة او مخبوطة ودي بتتعالج عادي مافيش مشكلة

تعالي شوف الموتور وانت بتدور لو في دخنة بيضاء ولا مافيش

لو في يبقي شمايز البستم عايزة تتغير ودي مقدور عليها مش مشكلة

اما بالنسبة للتعريقة اللي عالموتور روح اغسل الموتور وبعد يوم روح ارفع العربية في بنزينة وشوف الزيت جاي منين
وغالبا هايكون يا اما جوان الكارتيرة او جوان غطاء تاكيهات او الاويل سي عايز يتغير
ودي عادي بتكون مع الوقت الجوانات جابت اخرها

وكان عندي سوال : انت بتقرص عالموتور وانت ماشي ولا لا