عاجل........زيادة أسعار الوقود بكافة انواعه

[حسن فتحى]

المشاركة الأصلية كتبت بواسطة محمد 2001 طيب وبالنسبة لبنزين 90 لغوة وإلا نسيوة

بالفعل بنزين 90 ملغى من فترة كبيرة وقد اعلنوا عن ذلك وقتها
ولم يعد لة وجود الان
ولعلمك هو تقريبا بنزين الــ 90 يباع على انة 92 !

صراحة انا شاكك فى كدة لكن غير متأكد

[ahmed_eng2001]

المشاركة الأصلية كتبت بواسطة حسن فتحى بدلا من محاسبة عصابة مبارك من كبار رجال الاعمال الغير شرفاء اللى نهبوا البلد ومعاهم مليارات ويحصل منهم ما يغطى عجز الموازنة ، سعادة البية بيفرد عضلاتة على الغلابة والفقراء ! ! انا تنبأت من عشرة اشهر بثورة ثالثة وكل من تحدثت معة بذلك كان يتعجب من كلامى ويضحك ولا يتوقعة ولكنى مازلت عند رأيى من عشرة اشهر ماضية من خلال قراءتى وتحليلى للازمة الاقتصادية وفشل طريقة معالجتها هناك ثورة ثالثة قادمة لا محاااااااااالة ثورة جياع ستأكل الاخضر واليابس سيثور الشعب على القادة والحكام وعلى الاغنياء وستدخل البلد فى فوضى وهمجية لا يعلم مداها الا الله نسأل الله السلامة وحسبنا الله ونعم الوكيل .

انا متفق مع حضرتك فى اغلب النقاط ... فيما عدا نقطة واحدة ... موضوع ثورة الجياع ... لسة فاضل عليها شوية
شوية دى ... ممكن تكون سنين

بس مش عارف اقول ايه .....حسبى الله و نعم الوكيل ...

اولا ... سمعت اشاعة من الجزيرة .. ان البنزين حيغلى اول شهر 7 ... رحت مونت العربية يوم 28/6 ... و بعدها بيوم سمعت خبر فى التليفزيون ان البنزين مش حيغلى فى شهر رمضان ... قلت الحمد لله ... ناس بتفهم و عندهم شوية تمييز ..
فوجئت امبارح مساءا بالاخبار على الفيس و فى المنتدى ان البنزين حيغلى الساعة 12 بالليل .... ده اسمه ايه ؟؟؟!!!

و بالطبع كل الاسعار حتزيد ... و اسعار المحمول كمان حتزيد !!!! الكهرباء زادت بالفعل ... الغاز الطبيعى للبيوت غلى بالفعل ... طيب ناقص ايه تانى يغلى ؟؟!!!

و سمعت و قرأت بعض المقالات تشرح سبب زيادة اسعار البنزين و ان ده قرار حكيم جدا ... و جه فى وقته !!!
عذرا على امكاناتى العقلية !!!! نفسى حد يقنعنى ... ايه الاستفادة الى انا حستفيدها من زيادة الاسعار عليا مع عدم زيادة راتبى !!!!

[ahmed_zamalek7]

من الاخر كده مفيش فرق بين الاخوان الله ينتقم منهم والحكومه الموجوده مهم الاخوان كانو هيعملو كده
والاستاذ حسن فتحى ياترى بعد ده كله لسه مقتنع ان حسنى حرامى يارب ترجع ايام السرقه والفساد تانى

[خالد مرسى]

المشاركة الأصلية كتبت بواسطة ahmed_zamalek7 من الاخر كده مفيش فرق بين الاخوان الله ينتقم منهم والحكومه الموجوده مهم الاخوان كانو هيعملو كده والاستاذ حسن فتحى ياترى بعد ده كله لسه مقتنع ان حسنى حرامى يارب ترجع ايام السرقه والفساد تانى

الاخوان الله ينتقم منهم ليه غلوا عليكوا حاجة عملوا ايه كانوا بيحاولوا يعيشونا حياة كريمة بالذات فى التموين اللى هيتلغى قريب برضه كاناو هيلغوا الدعم عن اللى مش يستحقوه ويبقى الدعم للتاكسى والعربيات الاجرة وده صحيح

اشرب يا شعب ياللى باديكم خلعتوا ناس محترمة كانت بتبنى البلد
محدش فيكوا دلوقتى هيقدر يتكلم كل حاجة بتغلى وهتغلى اكتر واكتر ده غير اللى بيموتوا فى الشوارع علشان بيطالبوا بحقوقهم

[nktis]

بمناسبة الدعم

حكومة قنديل كانت عايز تزيل الدعم ...... و كل حكومات مصر كانت عايزة تزيل الدعم .

بس على أيام قنديل ...... محدش كان بيفتح بقه علشان كان تبع مرسي (راعي الحرب الأهلية في مصر ) .
بس القرار و التوقيت خاطيء و لو كان زياده اسعار المحروقات تدريجيا لكان افضل .
انتظروا بقي زياده جميع الصناعات التكميليه للسيارات من كاوتش و خلافه ...