ال flywheel او الحدافة

[Vanditta]

هههههه روحت للميكانيكى بتاعى اللى بتعامل معاة وعامل حسابى على يوم طويــــــــــــــــــــــ ـــــــــــــــــل ومتعب وكلمت واحد فى عزبة شلبى خليتة يجهزلى الحدافة بتاعة الموتور ال 1300 عشان اركبها بدل اللى عندى واركب الطقم بتاع ال 1300 ( قعدت ادور شوية على النت لاقيت انة ينفع عادى دى مكان دى ودة يعتبر تحسين لاداء العربية كمان light flywheel )
المهم الميكانيكى ركب العربية وادى اولانى ومارش الغيارات زعقت
راح فاتح الكبوت وربط صامولة عند سلك الدبرياج كدة بس من ناحية صدر العربية مش من الناحية بتاعة الفتيس (اللى على طول بعلى واوطى منها )مش عارف ازاى
وقالى جرب كدة
بجرب لاقيتها بقت زى الفل , الغيارات بقت بتيجى زى السكينة فى الجاتوة والدبرياج بيفصل فى نص المشوار تقريبا
اية ياعم خالد خلاص كدة , قالى اة خلاص
الحوار ماخدش 3 دقايق الحمد لله ,
كان هاين عليا انزل ابوسة من بقة هههههههه :fun_3 6_3_16[1]:
قولت لأ طالما نزلت وعملت حسابى على يوم طويل وفلوس يبقى اصلح اى حاجة فى العربية وخلاص
روحت رايح مغير تيل ورا وطقم جلد وصنفرت تيل قدام وخرطت طنبورتين ورا ورجلشت الهاند عشان اخمس براحتى بقى

الف شكر يا راجالة على الرد والاهتمام

[Vanditta]

لا مؤاخذة النت كان معلق والرد اتبعت مرتين

[eng/walaaeldeen]

السلام عليكم
الحمد لله انها بسيطه
والله المستعان

[حسام البورسعيدى]

ههههههههههههههههههه

سبحان الله هى العربيات كده .. يلا يا عم مره من نفسنا مهو كل ما بندخل الحرفيين بنبقى عاملين حسابنا على حاجة وبتفتح مننا

حمدلله على سلامه العربية يا معلم وربنا يبعدك عن الحرفيين والميكانيكيه يا رب ..






ملحوظه : هعتبر نفسى مقرأتش السطر الخاص بالبوس ده