اول حادثه في حياتك

[hamed2020]

لو عايز اكتر انا كنت بردو هعمل حادث اول امبارح بس نفسي تقلولي انا الي غلطان و لا هو
انا ماشي راجع من المعادي علي التحرير ففي كده كوبري كبييير قبل الكوبري الي بينزل علي مجري العيون و القصر العيني
انا ماشي علي الشمال علي 70 و ببص لقت ادامي واحد بيكنس جمب الرصيف بعربيه الكناس الصغيره دي
فانا بصيت في المرايه و اديت اشاره النحيه التانيه و عديته والحته بتاعتي كنت راجعها تاني عادي
ببص لقيت لانسر بومه بتزمر جاااااااااااااااامد عايز يعد من الحته ده و انا ببص جمبي لقيته زي ما تقول تحت عربيتي !!!
كان قدامي حل من اتنين اما البس انا في لادا جايه من ورا لو حاولت احود او اركب فوق عربيته
رحت انا دايس سنه فرامل و ديبرياج علي الاخر و استنيت اما الادا عدت و كان هو بجد تحت عربيتي لدرجه ان اكصدام الاماي ليا فتح له المرايا
يادوب الاادا عدت و انا دوست بنزين و بصيت بالمرايه و كنت من اقصي اليمين لليسار علشان بجد لو مكنتش عملت كده كان زمان و الله عربيتي فوق عربيته لانه تخيل المرايا بتاعته شلتها بالاكصدام
طبعا كل ده حصل في اقل من دقيقه
دلوقت انا الي غلطان اني فديت كناس و لا هو الي عايز يعدي من حته اخرها تعدي موتوسكل
و كمان ليا سوال هو ازاي زحف تحت عربيتي كده هي فرامل اللانسر بزحف ؟
بس و بعد ما انا رحت اقصي اليمين و طبعا هو كان تحت عربيتي ووقف في اقصي الشمال نزل بص علي عربيته مفهاش حاجه غير المرايه اتفتحت و انا عربيتي وفهاش حاجه و مشي ولا كان حصل حاجه

[hero 203]

اول حاثة لية و انا عندي 19 كنت ماشي علي مصر اسكندرية الصحراوي بسيارة 127 وكنت ماشي علي 130 وكانت قدمي عربية مقطورة محملة زلط وطبعا في صوت طقطة علي الزجاج العربية بس كنت متنش و قولت دة زلط صغير وقولت اعدي منة لقيت زلطة نزلة من المقطورة كبير اوي كسرت الازجاج الامامي وطبعا اتخضيت وسعتة كن هلبس كل العربيت الي علي الطريق كسرت يمين من غير مدي اشارة وطلع علي الصحراء وقفت وحمد للة محدث اي اصابة غير زجاج العربية هههههههه

[mohamed hossam elemam]

عايزين ردود اكتر

[AbOnOrA]

تسلم على الموضوع اولاً وانا كنت حكيت اول حادثة لى فى موضوع سابق بس علشان خاطرك هحكيها تانى

اول حادثة كنت فى اعدادى وانا كنت فاكر انى بعرف اسوق من المشاهدة كده فقط لكن فى الحقيقة انا مكنتش اعرف عن السواقة غير الدريكسيون ودواسة البنزين لكن الفرامل والنقل والغيارات والمرايات واى حاجة تانية مكنتش اعرف عنهم اى حاجة

يوميها كان شم النسيم وكنا واخدين شقة جديدة بنوضبها وقولنا هنقضى شم النسيم هناك فى الشقة الجديدة وجبنا معانا فى العربيه كل حاجة وطلعنا وبعدين افتكرنا اننا نسينا حاجة فى العربية فاخدت المفتاح اجيبها والساندوتش فى ايدى

نزلت العربيه والشيطان لعب فى دماغى ياواد هما بياكلو فوق ومحدش واخد باله ... خد العربيه واتمشى بيها شوية وبعدين ارجع مفيهاش حاجة يعنى
وقد كان
دورت العربيه ودوست بنزين طلعت علشان كانت متعشقة ومشيت حاجة بتاعة 100 متر كده وانا ماشى اخر ظأططة وباكول الساندويتش وفجاءه حسيت ان فيه حد بيزمر جامد من ورايا ولمحته فى المراية بتاعة الصالون وقولت ياواد هما الناس كده بيزمرو لبعض رخامة فانت رخم عليه زمرلة وطنش عادى بقى

اتارى انا كنت ماشى بشكل غير مستقيم ورامى على الشمال وهو جاى بسرعة من الشمال فراح خابطنى

هى بصراحة مكانتش خبطة هى كانت هبدة شال فيها الجنب الشمال من اوله لاخرة وطلع بالعربيه على الرصيف والعربيه كلها كيانها اتشقلب وكل حاجة وقعت على بعض والساندوتش حتى وقع من ايدى

نزلت لقيت العربيه ضايعة والراجل اللى خبطتنى عربيته وشها طاير خالص وكانت بيجو 7 راكب والناس اتلمت وربنا ستر ان الحادثة كانت قريبة لسه من البيت وصوت الحادثة خلى الناس تنزل ومنهم اهلى فانا سيبتهم يتعايشو مع بعض وهربت على بيت جدى وعدت

العربية كانت دوجان اوائل التسعينات وكانت حالتها ممتازة بعد بعد الحدثة اتبهدلت خالص وبعيناها بخسارة وبعدين جبنا الكيا برايد وفضلت محروم من السواقة سنين بسبب الحادثة ديه

[mohamed hossam elemam]

شكرا علي الرد المفيد يا استاذ ابو nora