سايس السيارات مشكله لازم ليها حل ضرورى

[Emgrand]

لسه امبارح نزلت اجيب سندوتشين من جاد الجيزه خدت بالضبط 5 دقائق
حصلى موقفين واحد بيبيع جرايد شكله تعبان او عامل نفسه كده (ربنا يعافينا) بيرمى الجرنان فى العربيه رميته بره واللى نرفزنى اكتر وربنا يسامحنى انى شايف السايس جاى عشان ياخد الفرده وبيقولى ارجع ارجع ارجع هوووووب وبعدين جالى قولتله شكرا قالى انت فاكرنى شحات سبته وطلعت بالعربيه قالى مش مسامح !! فعلا قله ادب

[odican]

المشاركة الأصلية كتبت بواسطة Emgrand لسه امبارح نزلت اجيب سندوتشين من جاد الجيزه خدت بالضبط 5 دقائق حصلى موقفين واحد بيبيع جرايد شكله تعبان او عامل نفسه كده (ربنا يعافينا) بيرمى الجرنان فى العربيه رميته بره واللى نرفزنى اكتر وربنا يسامحنى انى شايف السايس جاى عشان ياخد الفرده وبيقولى ارجع ارجع ارجع هوووووب وبعدين جالى قولتله شكرا قالى انت فاكرنى شحات سبته وطلعت بالعربيه قالى مش مسامح !! فعلا قله ادب

احسن حاجه انك عملت كدا

[patrol_615]

الحل ان محدش يدفعلهم حاجه
و المفروض الشرطه و البلاديه هي التلم الناس ديه

[باسم لانسر]

بقول عليهم عيال غلابة بديلهم الى فيه النصيب وخلاص , ناس تانية بقى بقولهم لأ شكراً سيب العربية

ابرز موقف ليا كنت طالع بعربيتى من المغسلة ورحت وقفت عند محل عشان نازل اشترى حاجة وقبل مانزل لقيته بيحط فوطة على العربية قولت له لا سيبها هتمسح فيها ايه دى لسا طالعة من الغسلة
ديرت وشى عشان اقفل الباب لقيته بيقول دى منظر عربية طالعة من المغسلة , قولت له انت مال اهلك انت هتشاركنى , ملكش دعوة ياعم انا عاوزها وسخة , قالى طيب بالراحة علينا ياعم وبعدين ابقى اقف انت خلى بالك من عربيتك بقى انا مليش دعوة
قولت له والمصحف لو اتلمست لأسجنك واسجن الى خلفوك كمان انت مفكرنا هفية يالا ولا ايه , العربية ادامك اهى وانا كنت ناوى مطولش فى المحل , انا هقعد جوا براحتى وابقى اطلع الاقى العربية ملموسة بس

[طارق عبد السلام]

الموضوع ده زاد عن حده جدا
وفعلا دى كأنها شغل بلطجه وفرض أتاوه على صاحب العربيه
دى بقت شغلانه العواطليه ومدمنى النخدرات اللى مش عايزين يشتغلوا
احسن حاجه دايما الكلام معاهم بتتخين الصوت والتعامل بأسلوب شديد شويه فى الكلام
والله نفس الموقف حصل معايا خارج من المغسله وكنا بالليل والعربيه مانشفت قوى
وسيبت العربيه وبشترى حاجه خمس دقايق بالظبط طلعت لقيت العربيه شوارع المتخلف مسحها بفوطه زفره ولقطت ميه والعربيه اتلحوست اقسم بالله الميدان كله اتفرج عليه والمشكله ان الولد ناس عملين له خريطه فى وشه مفيش مكان سليم فى وشه فعلا كله خياطات والولد فعلا جبان من صوتى العالى معاه
لقيت واحد محترم بيقولى انت مش شكلهم ماينفعش تتخانق معاه انت مش شايف وشه متقطع ازاى
ضحكت وقولت له هو لو فعلا راجل بجد وبلطجى زى ماانت بتقول كان وشه اتقطع بالمنظر الفظيع ده دى عيال بنت ستين...........تيييييييت
وبالفعل والله اغلب العيال دى بيخافوا من الصوت العالى
وبصراحه ساعات بلاقى السايس شكله غلبان وما بيطلب من نفسى انا براضيه
لو الموضوع ده بقى رسمى علينا كل واحد يعمل حسابه فى الميزانيه 500 جنيه اقل واجب للاشكال دى