سحب بنزين مع عادم أسود... إيه الحل؟؟؟؟؟؟

[mr_astra]

ممكن تكون قاعدة الكربراتير مكسورة او مشروخة والموتور بياخد هواء منها

[محمدصلاح القاضى]

شيل احمر
ابن ستين
مضروووووووووووووووووووووو ووووووب
وعن تجربه
خليك فى الامارت الخفيف لو الموتور تمام الجركن ب 77 جنيه
او التقيل لو الموتور خفيف ب 68 جنيه
عدم الانتظام هوا وبنزين ( مخلوط ) وكهربا

[zing0]

توكلنا على الله , شكلنا لازم نروح للأسطى معتز بتاع الكربراتير.
و بإذن الله ندعى للأخ الغالى الأستاذ سيد إللى دلنا عليه.
المهم: معلش يا أستاذ محمد, زيت الإمارات ده إسمة كده (أمارات)؟ و لا هو من دولة الإمارات؟ و موجود عند أى بنزينة و لا لية بنزينات معينه.
طيب لو ما لاقيتوش فيه بدائل, عاوز أبعد عن شل الأحمر, رغم أن معظم بتوع التاكسى اللادا بيجيبوه.
فى ناس شكرت فى زيوت التعاون. بس برضه معرفش كويسة و لا بلاش منها, و أيه النوع اللى ينفع للادا؟

جزاكم الله الخير كله

[حمدى مخترع مانيوال بدون د]

عندما قمت برش المنظف داخل الكربرتير حدث هياج للرواثب داخل العوامة مما ادى الى وصول الرواثب داخل بكات الصرعة والصلنسية ولزالك حدثة البرجلة واللخبطة واكل البنزين لازم يتفك الكربرتير ويتنضف من جوة وتركب فلتر بنزين جديد

[محمدصلاح القاضى]

المشاركة الأصلية كتبت بواسطة zing0 توكلنا على الله , شكلنا لازم نروح للأسطى معتز بتاع الكربراتير. و بإذن الله ندعى للأخ الغالى الأستاذ سيد إللى دلنا عليه. المهم: معلش يا أستاذ محمد, زيت الإمارات ده إسمة كده (أمارات)؟ و لا هو من دولة الإمارات؟ و موجود عند أى بنزينة و لا لية بنزينات معينه. طيب لو ما لاقيتوش فيه بدائل, عاوز أبعد عن شل الأحمر, رغم أن معظم بتوع التاكسى اللادا بيجيبوه. فى ناس شكرت فى زيوت التعاون. بس برضه معرفش كويسة و لا بلاش منها, و أيه النوع اللى ينفع للادا؟ جزاكم الله الخير كله

اسمه زيت امارات جركن فضى
بينباع عند بتوع الزيوت ولكن يستحسن شراءه من بنزينة امارات
ومنتشره