ناوي اعمل دوكو وسمكرة لسيارتى تنصحونى بأية ؟؟

[kashtoot]

ربنا يباركلك فيها و ترجع زى الفل

[أرطبون العرب]

يعنى الافضل انى اديها فرشتين زيت واريح نفسى

[سيف الدين سعيد]

المشاركة الأصلية كتبت بواسطة أرطبون العرب يعنى الافضل انى اديها فرشتين زيت واريح نفسى

ايه ياعم . هو احنا بنتكلم عن مطرحين وعفشة ميه ؟؟؟؟؟؟؟؟:craz yW14:

[NicEgypt]

اشكر كل من مر ف الموضوع
انا والله بحاول اجد وقت علشان اكتب لحضرتكم كافة التفاصيل
الحمد لله اكتسبت خبرة خلال شهر ونصف يومياَ قاعد معاهم من اول ما يفتحو لحد ما يقفلوا
وطبعا سبت شغلي علشان الموضوع دة .. لكن طلعت عربيتى بسم الله ما شاء الله زى منا عايز
وزى منا مخطط مش زي مهما عايزين .. المهم اكتسبت خبرة من الخارج مش من عندهم
لدرجة انى عدلت على السمكري والبوهيجي اللى كنت معاهم واللى اثبت لكل الموجودين ان البوهيجي دة مش بيفهم
كنت بعلم على اجزاء بقلم فولمستر ف كل استلام للعربية .. ودة ادي ف النهاية انة عايز يخلص من العربية
بأي شكل وعيزها تروح الكابينة وحاول لمدة 14 يوم كل يوم يقولي خلصت هوديها الكابينة وانا برفض واقولة
لاء لسة فية كذا وكذا .. ان شاء الله امسك وقت بس وهبدء اشرح بالتفصيل للافادة . لان الموضوع مش مجرد
سمكرة ودوكو زى ما الناس فاهمة .. كل واحد فيهم لة قصة ولة نظام ولو حس انك مش فاهم للاسف بيستغلك
وربنا وفقنى ولحقت عربيتين من تحت ايدة واحدة هيونداي اي تن لدكتورة والتانية 128 لمدرس .. لحقتهم بمعنى
انى كنت ايجابي ومعجبنيش اللى حصل واتصل بأصحاب العربيات دى يجيو يشوفو العك اللى بيحصل . ودة ادى
ف النهاية لتشابك وعراك بينى وبينة بالايدي وجروح متبادلة ومحاضر متبادلة وفية جلسة الاسبوع دة بأذن الله .

[momen_bondok]

المشاركة الأصلية كتبت بواسطة NicEgypt اشكر كل من مر ف الموضوع انا والله بحاول اجد وقت علشان اكتب لحضرتكم كافة التفاصيل الحمد لله اكتسبت خبرة خلال شهر ونصف يومياَ قاعد معاهم من اول ما يفتحو لحد ما يقفلوا وطبعا سبت شغلي علشان الموضوع دة .. لكن طلعت عربيتى بسم الله ما شاء الله زى منا عايز وزى منا مخطط مش زي مهما عايزين .. المهم اكتسبت خبرة من الخارج مش من عندهم لدرجة انى عدلت على السمكري والبوهيجي اللى كنت معاهم واللى اثبت لكل الموجودين ان البوهيجي دة مش بيفهم كنت بعلم على اجزاء بقلم فولمستر ف كل استلام للعربية .. ودة ادي ف النهاية انة عايز يخلص من العربية بأي شكل وعيزها تروح الكابينة وحاول لمدة 14 يوم كل يوم يقولي خلصت هوديها الكابينة وانا برفض واقولة لاء لسة فية كذا وكذا .. ان شاء الله امسك وقت بس وهبدء اشرح بالتفصيل للافادة . لان الموضوع مش مجرد سمكرة ودوكو زى ما الناس فاهمة .. كل واحد فيهم لة قصة ولة نظام ولو حس انك مش فاهم للاسف بيستغلك وربنا وفقنى ولحقت عربيتين من تحت ايدة واحدة هيونداي اي تن لدكتورة والتانية 128 لمدرس .. لحقتهم بمعنى انى كنت ايجابي ومعجبنيش اللى حصل واتصل بأصحاب العربيات دى يجيو يشوفو العك اللى بيحصل . ودة ادى ف النهاية لتشابك وعراك بينى وبينة بالايدي وجروح متبادلة ومحاضر متبادلة وفية جلسة الاسبوع دة بأذن الله .

ياخبر ابيض للدرجة دة ياريت تكتب لنا اكثر عن هذا النزاع واتمنى ان تكون بخير دة انا كنت هعمل عربيتى سمكرة ودوكو لكن بعد الكلام دة هأجل الحكاية شوية