عربية لانوس2005 انا قلقان اوى_ حد يطمنى

[samirsaber]

الحمد لله
تم عمل الصيانه عن الميكانيكي اللى موجود امام مسجد طولون
و اللى ظهر انه فعلا كما تفضل الاخوة الافاضل ان الزيت الموجود فى دواسة العربية هو ان الاويل سيل كان عاوز يتغير و المكانيكى قالى ان ثمنه 10ج و المصنعية 60ج و تم بحمد الله العمل و استلمت العربية بعد حوالى ساعتين و نص و بالمرة عملنا check على السيور لمعرفة الصوت العالى اللى عند الموتور و لقينا ان البلية بتعة التكييف عاوزة تتغير و الميكانيكى فك لى السير بتاع التكييف وقالى فى اول الصيف تجيب بليه جديدة و تركيبها مع السير و كما اننا قمنا بعمل check على البوجيهات و وجد انها تمام و مافيهاش اي مشكله
لكن انا رايح تانى لمكانيكى ده علشان الدريكسيون تقيل اوى و خصوصا عند الدوران
لوحد عنده حل للمشكله ده يقولى قبل ما روح للميكانيكى تانى يقول
و الحمد لله

[DrClick]

موضوع تقل الدركسيون ده ممكن يكون حاجه فى طرمبه الباور ولو بتسمع طقطقه فى اللفه يبقي تكشف على الكبالن وبيض الطرف .

[احمد على 1999]

حضرتك موضحتش طلع الاويل سيل بتاع ايه ؟ لانه لو فعلا بتاع علبة الباور و انا ميال لكده فغالبا الدورة محتاج يتاخد منها هوا مظبوط و التقل يروح نصيحة تانية متسبش التكييف للصيف اشترى البلية الجديدة و ركب دلوقتى لان لازم التكييف يشتغل كل اسبوع 10 دقايق حتى فى عز البرد عشان الكومبريسور بيعتمد على تشغيل الدورة فى تزييت الاجزاء الداخلية المتحركة فركنته بتبوظه

[sharooo]

المشاركة الأصلية كتبت بواسطة samirsaber السلام عليكم و رحمة الله و بركاته اخوانى فى المنتدى انا عندى عربية لانوس2005 لسه اول عربية ليا بقلها معايا اقل من ستة اشهر و لعدم خبرتى بالسيارات و الصيانه تم تغيير فلتر الزيت و البنزين و سير الكاتين و الدينمو و تيل امامي و تم تغيير الزيت و كانت العربية عامله حوالى 82000كم وتم تغيير زيت بنوع موبيل 5000 * السؤال ( معلش هاكتر عليكم شوية بس اخوكو عديم الخبرة فى هذا المجال و الموضوعات ده كلها قلقاني اوى و خصوصا انا معرفش ميكانيكي كويس و ان الميكانيكى اللى انا رحتله حسيت انه بشتغلنى اوى) اولا : و قبل ما اصل الى 88000كم قولت اغير الزيت المهم بدل ما ادخل بنزينة موبيل دخلت بالغلط بنزينة التعاون و اتحرجت اخرج من البنزينة من غير ما اغير الزيت لما اكتشفت انى دخل غلط(السؤال) هل زيت التعاون هايخربلى الموتور ولا ايه النظام و على فكرة انا غيرت زيت ابو جركن اصفر بسعر 99ج للجركن ثانيا : من حوالى ثلاث اسابيع حدث معى موقف غريب اوى هو ان لمبة check نورت عندى فى العربية وطبعا علشان انا شخصية قلوق جداً سألت و رحت لكهربائي و كشف ع الكمبيوتر وقالى ان بوابة البنزين هى اللى مديه الاشارة ده وانه ظبط الموضوع و اخد فى وشه 30ج ( واللى اكدلى انه بكلم صح هو انى كنت مفول و التفويله خلصت بمعدل 140ك للصفيحة البنزين) و هو بعد الموضوع ده اصبح استهلاك السيارة بمعدل 180كم لصفيحة البنزين بعدل ما كان قبل مشكلة الcheck ده كانت الصفيحة بتعمل حوالى 230كم( السؤال هل فى مشكله تانية هى السبب فى ارتفاع معدل استهلاك البنزين بالشكل ده؟) ثالثا : انا دى الوقت بلاحظ ان مؤشر البنزين بينزل بمعدل 2لتر لما بشغل العربية الصبح _السؤال هل يوجد مشكله فى العربية عندى فى موضوع البنزين ده ولا انا اللى بتوهم؟ رابعا : منذ حوالى اسبوعين لوحظ وجود اثار زيت فى الدواسه بتاعت العربية مش عارف هو جاى منين بس بيتهيئلى انه جاي من عند دواسة البنزين حد يعرف ايه المشكله؟ خامسا : منذ فترة حوالى شهر لوحظ ارتفاع صوت الموتور واظن انه من ناحية السيور (كاتينة او دينامو مش عارف) بس انا لسه مغير السيور و على فكرة العربية دى الوقت عامله 92500كم هل اغير السيور ام الموضوع محتاج تظبيط افيدونى افادكم الله معلش سؤال اخير _ حد يعرف مركز صيانه دايو لانوس يكون مضمون ومش حراق اوى علشان انا بصراحة حطيت كل اللى معايا فى العربية ده و ممعايش ولا مليم الا المرتب (انا ساكن فى القلعة) وتفضلوا جميعا بوافر التقدير

السلام عليكم
اخي الكريم صاحب الموضوع واخواني المشاركين....
1-اهم حاجه في الزيت انك تكون غيرته بالفلتر . والزيت ده انشاء الله كويس زي ما تفضل الاعضاء ولو قلقان منه غيره بدري وريح دماغك
2-بانسبه للمبه واستهلاك البنزين..ممكن يكون حساسا الاكسجين(الشكمان)تلف ويحتاج تغيير او ممكن يكون مفيش مشكله من الاساس بس احنا في شتا صعب شويه فانت بتسخن العربيه اكتر من الاول قبل ما تتحرك وممكن تكون بتمشي في زحمه الفتره ده .....فطبيعي العربيه بتاكل بنزين اكتر
3-الزيت الي في الدواسه غالبا زيت باور (بينتج عن تلف اويل سيل علبه الدركسيون) وعلاجه انك تغير علبه الدركسيون(وياريت تجيبها جديده بلاش استيراد) والصوت الي من عند السيور ده صوت طلمبه الباور عشان الزيت بتاعها نقص
حاول تتابع زيت الباور عشان الطلمبه هتتلف كده.وده غاليه
وياريت تصلح المواضيع ده لان زيت الباور اسوا من ميه النار...بياكل اي حاجه كوتش وتسريبه هيدمرك العفشه ده غير انك مطلوب منك تعمل الاتي :
تفك الصالون كله وتاخد السجاده عند بنزينه وتغسلها ببنزين وب مسدس ميه وصابون لغايه لما تنضف وتغسل ارضيه العربيه من جوه .والله يعينك.انا عملت كده عندي وكانت علقه

لكن انا معتقدش ان الزيت ده من مصطر الدبرياج لان لو كان كده....كان العضو الكريم اشتكى من ان الفتيس بيعشق بصعوبه في المارش دير والغيار الاول بالذات.والله اعلى واعلم

شكرا لكل الاعضاء الي تفضلو بالاضافه وربنا يكرم صاحب الموضوع ويحل مشاكله.......امين:iloveyo u24:

[samirsaber]

المشاركة الأصلية كتبت بواسطة احمد على 1999 حضرتك موضحتش طلع الاويل سيل بتاع ايه ؟ لانه لو فعلا بتاع علبة الباور و انا ميال لكده فغالبا الدورة محتاج يتاخد منها هوا مظبوط و التقل يروح نصيحة تانية متسبش التكييف للصيف اشترى البلية الجديدة و ركب دلوقتى لان لازم التكييف يشتغل كل اسبوع 10 دقايق حتى فى عز البرد عشان الكومبريسور بيعتمد على تشغيل الدورة فى تزييت الاجزاء الداخلية المتحركة فركنته بتبوظه

هو غير الاويل سيل بتاع الباور زي ما قلت هو سعره 10ج واخد مصنعية 60ج
وانا لما رحتله تانى علشان مشكله الباور هو ظبطهالى معرفش عمل ايه (بس انا حاسس بردك ان الباور لسه تقيل شويه) هو جاب كلابه و نزل تحت الدركسيون وتقريبا فك مسمار أو قرط عليه مش عارف بس الباور بعدها فك التقل شويه علشان انا فى الملفات لما بلف الدركسيون المفروض انه يرجع لوحده بسرعة بس هو بيرجع بتقل شويه
لو حد ينصحنى اني ارجعله تانى يقوللى