تحركو لانقاذ مرافق الدولة

[mainz]

المشاركة الأصلية كتبت بواسطة AbOnOrA انهاردة مات على الطرق اكتر من 100 شخص فى حوادث مختلفة وعلى مدى الاسبوع كان فيه حوادث وكوارث فى جميع المرافق (مترو المرغنى - مترو الانفاق - قطار الفيوم واسوان وعشرات الحوادث الاخرى على الطرق ) 67 في منفلوط + 33 في طريق مصر أسيوط + 7 في أسوان + 1 في اسماعيلية + 1 في الإسكندرية + 7 في البحر الأحمر + 20 في الواحات بالإجمالي 136 مصاب وقتيل في طرقات مصر في 8 ساعات فقط يعنى واذا اضفنا ليهم ماهو معلوم مسبقاً هنلاقى ان مرافق الدولة كلها بتنهار وتحولت من وسائل خدمة للمواطن لاسلحة قتل واراقة دماء للمواطنين اكثر فتكاً من اى سلاح او حرب اخرى ولا عجب ان مجمل من قضو فى حوادث المرور تجاوز من ماتو فى جميع الحروب التى خاضتها مصر حادثة انهاردة للى بيشوف بعين واحدة مشكلة سواق او عامل مزلقان لكن بالعنين الاتنين هيشوف انها مشكلة مرافق حكومية (مترهلة) و(فاسدة) و(فاشلة) لأبعد حد وكل يوم هنموت ونتذل أكتر واكتر طول ما اركان وزوايا الفساد والفشل موجودة (قمة الفشل) ان عشرات الاطفال يموتو فى حادثة المتسببين فيها ميتقدموش للمحاكمة (((الجنائية))) قبل الادارية (قمة الفساد) ان تستمر المرافق الحكومية بدون هيئات رقابية حقيقية فعالة تمتلك كل الصلاحيات والاستقلال لتطهير كل هيئه ومؤسسة من الداخل (قمة الترهل) ان الهيكلة الادارية من اول موظف لاكبر مدير معتمدة على الواسطة والمعارف والاقدمية وبدون حد ادنى او اقصى للمرتبات او نظام حقيقى لقياس الاداء والمحاسبة والنتيجة مرافق الدولة اللى هى اساس الدولة ودورها خدمة المواطن بقت وسائل لاذلال واراقة دماء نفس المواطن تحركو لانقاذ مرافق الدولة الطرق والكبارى والسكك الحديد والنقل العام والمترو وشبكة المياة والكهرباء كل ده مهدد بالانهيار الكامل لو فضلنا ساكتين يجب ان يقدم للمحاكمة الجنائية المسئولين المقصرين فى هذه الحادث ويقدم للمحاكمة الإدارية والسياسية كبار المسئولين فى السكك الحديد ووزارة النقل يجب ان يقدم للمحاكمة المسئولين عن هيئات الرقابة والتفتيش لجميع مرافق الدولة ويتعين غيرهم وهما عارفين انهم لو مشتغلوش صح هيتعمل فيهم زى اللى قبلهم لازم القيادات السياسية بداية من ادارات المرافق للورزاء للرئيس يصدرو قرارات وقوانين ولوائح وكل ما يلزم لتنظيم وتطوير مرافق الدولة بكره الصبح مش بعد بكرة

شويه انصاف بس يا ناس حضرتك ياابونورا راجل متعلم وفاهم ...حاطط صوره ومكتوب عليها قطارات النهضه زى ما يكون ان حزب الحريه والعداله صاحب مشروع النهضه هوا الى جاب كل القطارات ديه وشال مرافق الدوله من ايام مبارك وجاب بدلهم مرافق دوله وقطارات نهضه ... شويه انصاف بس يا عالم يا متعلميين ....حضرتك نسيت اظاهر ان ديه تركه المخلوع حسنى مبارك واعوانه الحرميه من رجال الحزن الواطى او رجال الاعمال الكبار التابعين له والموجودون حاليا ومازالوا موجودون يتاجرون بارواح الشعب المصرى وابسط مثل اصحاب توكيلات السيارات الصينيه التى لا هويه لها من ناحيه عوامل الامان ...حضرتك نسيت حسنى مبارك وشله الحرميه الى حوليه هما الى بنوا البنيه التحتيه ومرافق الدوله على مدى 34 سنه والكل يعلم علم اليقين ان هذه المرافق لا تصلح للاستخدام الادمى فى اى بلد يحترم النفس البشريه ...
حضرتك كاتب ان مرافق الدوله كلها بتنهار وحط تحت كلمه بتنهار ديه كذا خط واصبحت وسائل قتل للمواطنيين ...حضرتك بتقول بتنهار ده على اساس ان حسنى مبارك واعوانه والمجلس العسكرى مسلم المرافق ديه بجوده بناء عالميه وبنظام امان وجوده عالمى ...ونسيت ان اصلا مرافق الدوله منهاره اصلا بعد ما بيسلمها المقاول للوزارات بعد استلام وتسليم العمولات المتفق عليها من تحت الترابيزه وعلى حساب ارواح المواطنيين الكلام ده تم وكان بيتم تحت مباركه وزراء كبار فى حكومه الحزن الواطى سابقا برأسه مبارك . دلوقتى بقى فيه حكومه لسه ماكملتش 4 شهور مستلمه الدوله منهاره كامله وليست المرافق فقط من المجلس العسكرى نيابه عن مبارك وحزبه .
تعليقى فقط على هذه النقط لكن باقى الموضوع انا احيك عليه وموافق عليه وارجوا ان يوصل للمسؤليين وينفذ ...
ولك تحياتى