السول هاى لاين ولا السيراتو كوبية هاى لاين؟ محتاررررررررر

[fares515]

الكوبيه أجمد بكتيييير جدا في الشكل لاسيما الأحمر والنبيتي مستحيل ان اى حد يقاوم الرغبه بالنظر اليها وتأملها..في رأيي افضل بكتير من السول والسول أضيق كمان وشكلها حلو فقط لانه جديد لكن بمرور الايام هيقدم وسوقه هيقل
انا شايف ان الكوبيه تكسب كشكل وعمليه واعاده بيع وهتديك كل اللى حضرتك عايزه

[محمود سامى محمود]

ده مين بقى اللى قال إن السول ضيقة أو أضيق من السرايتو !!!!!!!!!!!
شوفو .. أنا مقيم بالخليج و كنت محتار نفس حيرتك ... لحد ماجبت السول الحمد لله .. وحمدت ربنا إنى وفقنى فيها ..
و طبعا اللى هيقول السيراتو كوبيه أفضل .. بس بصراحة هيا أفضل فى الشكل بس .. مش فى أى حاجة تانية خاااااااااااااااااااااااا الص ..
السول سيارة أثبت على الطريق .. من جوه أفخم بمراحل من السيراتو .. الخامات اللى مستخدمة فيها أفخم بكتير من السيراتو .. عالية عن الأرض و دى هتساعدك عشان الطرق فى مصر .. و اللى هيقولى يابانى و كورى
هاقولكو حاجة بإختصار .. أنا كان معايا لانسر 2006 ,,, 1600سي سي .. لما ركبت السول حسيت إن مكنتش راكب عربية قبليها .. دى تجرتي .. و اللى هايقول أصل مش بيعيش .. و الله حسب اللى راكب العربية هو يعرف يحافظ عليها و بإديه يهنها و يبهدلها برده .. فيه أكتر من إن شوفت كورولا 2006 بيتعملها نصف عمرة موتور ... لو كورى هنقول شوفتو .. أصل و فصل ... خلينا نفكر بمنطقية .. هركب سيارة بنفس امكانات السيارة اليابانى و بوفر يمكن 40000 جنيه .. بالنسبة بقى للخليجي أو المصرى .. هو مش هاتفرق .. بس أحسنلك أكسب ضمان الخمس سنين أو ال 100 ألف .. مع العلم برده .. إنك لو جبت الخليجي مش هتندم والله .. يمكن مش هاتروح التوكيل خالص .. و الزيت و الفلتر أبقى غيرهم انت عند أى حد ... أسف على الإطالة .. و انا عارف إن فيه ناس كتير هتختلف معايا .. بس ده رأى شخصى .. بحكمى إن جربت الكورى و اليابانى .. و جربت السيراتو و السول
أشتري السول و أنت مغمض .و ربنا يباركلك فيها
كمان فيه حاجة تانية .. اللى بيقول إنها مش منتشرة . ياخد باله من حاجة .. أن السيراتو بتنتج يمكن من 2000 .. السول أول إنتاج ليها 2009 و نزلت مصر 2010 .. يعنى السيارة مش بقالها سنة فى السوق.. فلو منتشرة بنسبة 10 % بكره هتنتشر بنسبة 200 % لأن الناس هتعرف قيمتها بس مش دلوقت ... ربنا يوفقك
و أسف على الإطاله

[بدر بسيونى]

بص يازيزو باشا طالما اسرة يعنى اطفال ونازل وطالع ان شاء الله حيكبروا يبقى لو بنفاضل بين السول والكوبية يبقى السول بلاادنى شك لانها حتكون مناسبة لكل متطلبات الاسرة

[zizoo21]

المشاركة الأصلية كتبت بواسطة fares515 الكوبيه أجمد بكتيييير جدا في الشكل لاسيما الأحمر والنبيتي مستحيل ان اى حد يقاوم الرغبه بالنظر اليها وتأملها..في رأيي افضل بكتير من السول والسول أضيق كمان وشكلها حلو فقط لانه جديد لكن بمرور الايام هيقدم وسوقه هيقل انا شايف ان الكوبيه تكسب كشكل وعمليه واعاده بيع وهتديك كل اللى حضرتك عايزه

فارس باشا .. أنا معاك طبعا ان الكوبية أحلى بكتيير و على فكرة الأبيض كمان يعتبر من أحلى الالوان فيها ( دة رائي الشخصى طبعا) و فعلا بتجنن لما باشوفها انا كمان بس السول كمان شكلها جديد و على فكرة هى مش ضيقة من جوة بس شنطتها صغيرة شوية و دة عيب بما اننا عائلة ... بس نفس المشكلة هتقابلنى فى الكوبية فى السقف الواطى و البابين .. انا بجد محتااااااااااااااار

[zizoo21]

المشاركة الأصلية كتبت بواسطة محمود سامى محمود ده مين بقى اللى قال إن السول ضيقة أو أضيق من السرايتو !!!!!!!!!!! شوفو .. أنا مقيم بالخليج و كنت محتار نفس حيرتك ... لحد ماجبت السول الحمد لله .. وحمدت ربنا إنى وفقنى فيها .. و طبعا اللى هيقول السيراتو كوبيه أفضل .. بس بصراحة هيا أفضل فى الشكل بس .. مش فى أى حاجة تانية خاااااااااااااااااااااااا الص .. السول سيارة أثبت على الطريق .. من جوه أفخم بمراحل من السيراتو .. الخامات اللى مستخدمة فيها أفخم بكتير من السيراتو .. عالية عن الأرض و دى هتساعدك عشان الطرق فى مصر .. و اللى هيقولى يابانى و كورى هاقولكو حاجة بإختصار .. أنا كان معايا لانسر 2006 ,,, 1600سي سي .. لما ركبت السول حسيت إن مكنتش راكب عربية قبليها .. دى تجرتي .. و اللى هايقول أصل مش بيعيش .. و الله حسب اللى راكب العربية هو يعرف يحافظ عليها و بإديه يهنها و يبهدلها برده .. فيه أكتر من إن شوفت كورولا 2006 بيتعملها نصف عمرة موتور ... لو كورى هنقول شوفتو .. أصل و فصل ... خلينا نفكر بمنطقية .. هركب سيارة بنفس امكانات السيارة اليابانى و بوفر يمكن 40000 جنيه .. بالنسبة بقى للخليجي أو المصرى .. هو مش هاتفرق .. بس أحسنلك أكسب ضمان الخمس سنين أو ال 100 ألف .. مع العلم برده .. إنك لو جبت الخليجي مش هتندم والله .. يمكن مش هاتروح التوكيل خالص .. و الزيت و الفلتر أبقى غيرهم انت عند أى حد ... أسف على الإطالة .. و انا عارف إن فيه ناس كتير هتختلف معايا .. بس ده رأى شخصى .. بحكمى إن جربت الكورى و اليابانى .. و جربت السيراتو و السول أشتري السول و أنت مغمض .و ربنا يباركلك فيها كمان فيه حاجة تانية .. اللى بيقول إنها مش منتشرة . ياخد باله من حاجة .. أن السيراتو بتنتج يمكن من 2000 .. السول أول إنتاج ليها 2009 و نزلت مصر 2010 .. يعنى السيارة مش بقالها سنة فى السوق.. فلو منتشرة بنسبة 10 % بكره هتنتشر بنسبة 200 % لأن الناس هتعرف قيمتها بس مش دلوقت ... ربنا يوفقك و أسف على الإطاله

أنا متشكر جدا يا محمود على المعلومات المفيدة دى ... وأنا انشاء الله بنسبة 80 % هشترى السول ... بس أنا عايز اسالك سؤال بما انك احد مالكيها ... هل فعلا شنطة السول صغيرة؟ اصل انا لما كنت بتفرج عليها كنت شايفها صغيرة بس اخو واحد صاحبى معاة سول و بيقول ان شنطتها واسعة ... انت اية رأيك؟