ماذا تفعل فى هذا الموقف

[medo akef]

لو ضغط علي نفسك سنه و جبت فرنا يبقا انت جبت خلاص السعر

[@واحد من الناس@]

سيارات لا تتجاوز ال70 ألف جنية مصري
ترتيب الأهمية والأفضلية :
شيفورليه لانوس
هيونداي فيرنا
هيونداي فيفا
رينو لوجان
كيا بيكانتو
هيونداي 10
الإسبرانزا 113
والإسبرانزا 516
والمابل برايميرا
والرينو ساندريو
والسوزوكي السلاريو
والفيات البونتو الكلاسيك
و الإكس بلوجن زوتي (1) أو (2)
والجيلي CK
والجيلي MK
والليفان 520 و 520i
والجاك 107
والجاك 108
الإسبرانزا 213 أفشل سيارات السوق المصري بكل المقاييس
سزوكي ألنو

[hazem_khidr]

في الوقت الحالي الفيرنا افضل شئ ممكن شراؤه
اللوجان حلوه بس لسه مش عارفين عنها حاجه
ليها مشاكل ولا لاء و يا تري قطع غيارها حتتوفر ولا لاء
فالافضل اركب زي ما كل الناس راكبه علشان ما تتعبش في صيانه او بيع

[fars2000]

المشاركة الأصلية كتبت بواسطة AboNoRa اولاً اهلا بيك فى مصر موتورز ويارب تستفيد من اضمامك لاسرتنا المتواضعة مبدئياً كلام كل الناس صحيح وفى الغالب المقارنة هتنحصر فى اللوجان - الفيرنا - الانوس - بعض موديلات الصينى بس خلينا نتفق ان الكمال لله وحدة ومفيش شىء كامل الاوصاف حتى بعض المزايا فى بعض السيارات بتكون عيب فى نفس الوقت لناس تانية انا مقدر حيرتك جدا لان كلنا مرينا بيها زى بالظبط الى داخل على جوازة من غير حب وخايف يتدبس علشان كده قبل ما نختارلك عروسة مناسبة لازم نعرف امكانيات وطلبات العريس الاول ايه وهل انت ميال لعربية من دول او بتكرهه عربية من دول ولا كلهم زى بعض فى عينيك ؟ ايه اولوياتك فى العربية وايه اهم متطلباتك وايه طبيعة استخدامك ليها ؟ ديه كلها حاجات مهم جدا تحددها علشان تخرج من الحيرة اللى انت فيها بعد كده صدقنى هتلاقى الموضوع سهل جدا ومحسوم وهنقدر احنا كمان نوجهك للانسب تقبل تحياتى وكل سنة وحضرتك طيب

أستاذى الفاضل مش عارف أشكرك أذاى ومش مصدق نفسى أن حضرتك أخيرا رديت عليا على العموم ده شرف فى حد ذاته أن حضرتك قرأت موضوعى ثانيا ردا على رسالتكم الجميلة الخاصة بموضوعى فى تحديد متطلباتى فهى تتلخص فى أن تكون سيارة مكيفة وبها بعض الكمالبات مثل زجاج الكهرباء وباور ستيرنج مناسبه لعدد أسرتى المتكونه من أربع أفراد وأعتماديه فى صيانتها ليست كل 20يوم عند ميكانيكى بمعنى أنها قليلة الآعطال عفشة كويسه وذلك هام جدا نظرا لآننى أسكن فى مدينة شبرا الخيمة وما أدراك فى المطبات وقلة الشوارع الممهده وأمكنياتى الماديه هى 70 ألف جنيه فبماذا تنصحنى وتقبل عظيم شكرى وأحترامى لكل القائمين على هذا المنتدى الرائع والذى يشرفنا أن أكون فردا من أسرته.

[tigernet]

صينى لا لوجان اة