صيانة الفتيس الاوتوماتيك؟

[waelsalah]

السلام عليكم
ممكن نعرف من حضراتكم كيفية الحفاظ على الفتيس الاوتوماتيك بخلاف الزيت
وهل ممنوع زق السياره نهائيا حتى ولو هى على وضع المور N (اكسيل 94 اتوماتك 1500 )
السحب بطيئ من سرعة صفر الى سرعة 40 كم تقريبا هلى ده طبيعي للاوتوماتيك ولا له سبب وحل ؟
ولكم جزيل الشكر

[phantiza]

انا كمان كنت عاوز استفسر عن الفتيس الاتوماتيك بما اني عمري ماسقت اوتوماتيك
في المانيوال الواحد لما بيكون ماشي علي سرعة90 مثلا ممكن يمور الفتيس والعربية تمشي لوحدها لحد ماتقف
هل الاتوماتيك كدة برضة؟؟
حاجة تانية.. العربية هل ممكن تتشد لو عطلت باي عربية تانية ؟؟؟

[waelsalah]

السلام عليكم
ممكن اعرف اسعار قطع غيار الفتيس الاتوماتيك ( مكوناتها واسعارها لو سمحتم وسعر كله كام جديد واستيراد وهل لو ركبت بتاع اللانسر البطه يوما ما هيبقي بكام وهلى ينفع فى المرور ولا ايه النظام ارجو الاجابه بالتفصيل ( عربيتي اكسيل 1500 اوتوماتيك )
وياريت حد يدلنى من المنصورة على متخصص فتيس اتوماتك يكون له كل الخير
2- الميكانيكي غيريلي البوجيهات كلاكيت تانى مره من 2 شمعه الى واحد شمعه وقالى مسمار الهوا بتاعك مطبوب ومحطوط مكانه مسمار بلدي وعاوز يتعمل عموله بحوالى من 100 الى 150ج هل هذا حقيقي وهل مسمار الهو ده هو اللى بيعمل دخان الشكمان وهل عدم وجود مسمار الهوا يبوظ البوجيهات وبيخنق سحب العربيه ياريت الافاده السريعه لانقاذى من غش الصنايعين ع لما بانه الميكانيكي رقم 3 فى ظرف اسبوعين
قالى الفتيس الاتوماتيك مقلل عزم العربيه فى الطلعه وعايز يتكشف عليه احتال يكون اللوف بتاعه على حد قول الميكانيكي فيه مشكله ؟؟؟
بالنسبة للكوبلن فيه داخلي وخارجي ايه الصح يتغيروا الاتنين ولا ممكن واحد بس وهل الجديد افضل ام الاستيراد وهل الكوبلن الكوري يعتمد عليه ولا اليابانى افضل بكتييييييير حيث ان اليابانى اغلى ؟والامكانيات مش متظبطه الان ؟
مشتريات ( فلتر بنزين كورى 18ج - طقم بوجيهات ngk يابانى واحد شمعه 45 ج سن رفيع 16 -طقم نفس النوع 2 شمعه 70ج )
ممكن اعرف اسعار سير الكاتينه والدينامو والباور وانواعهم واجيب ايه بالظبط ومصنعية تركيبهم ؟؟ ارجو الافاده واسف للاطاله متبخلووووووووش يا اخوانا لتعم الفائدة

[samirayad]

هو أيه المشكله إللى فى المكنه عندك يا أستاذ : وائل

1- السلانسيه على سرعة كام

وهل فيه رعشه فى المكنه ولا السلانسيه عالى

وهل الدخنه دى بتحصل وأنت رافع رجلك من على البنزين

ولا مع تزويد بنزين

وحاليا

أجل التفكير فى الفتيس شويه على ماتظبط الدخنه

فممكن لما تظبط مكنتك

تلاقى العربيه بأت تمام

بس أهم شىء طبعا تغيير زيت الفتيس وفلتر زيت الفتيس

وفى نفس الوقت تكون حرارة المكنه كويسه ( علشان نطمن لحرارة زيت الفتيس )

[waelsalah]

المشاركة الأصلية كتبت بواسطة samirayad هو أيه المشكله إللى فى المكنه عندك يا أستاذ : وائل 1- السلانسيه على سرعة كام وهل فيه رعشه فى المكنه ولا السلانسيه عالى وهل الدخنه دى بتحصل وأنت رافع رجلك من على البنزين ولا مع تزويد بنزين وحاليا أجل التفكير فى الفتيس شويه على ماتظبط الدخنه فممكن لما تظبط مكنتك تلاقى العربيه بأت تمام بس أهم شىء طبعا تغيير زيت الفتيس وفلتر زيت الفتيس وفى نفس الوقت تكون حرارة المكنه كويسه ( علشان نطمن لحرارة زيت الفتيس )

شكرا جزيلا لردكم القيم