#11
|
||||
|
||||
رد: ايهما افضل رينو كليو ام ستروين اكسارا؟
و يباركلك انت كمان
فيه مثل معروف ... يفوز بالحسناء كل مغامر ... انا كمان متفق مع حضرتك فى الى ذكرته ... انا من مشجعى تجربة حاجات جديدة .. . بس المهم انك تكون عندك استعداد لكدة ... على سبيل المثال ... تنزل تدور و تلف على قطع الغيار و الصنايعية مفيش تطويل و لا حاجة ... و ربنا يكرمك و يوفقك فى عربية كويسة تقبل مرورى
__________________
|
#12
|
|||
|
|||
رد: ايهما افضل رينو كليو ام ستروين اكسارا؟
وسعيد جدا بمعرفة حضرتك وبالمناقشه الظريفه دى
__________________
على عبد الفتاح
أبو أحمد |
#13
|
|||
|
|||
رد: ايهما افضل رينو كليو ام ستروين اكسارا؟
النهارده حصل موقف غريب وصدفة صعب حدوثها
كنت فى جسر السويس وبعد ما خلصت شغلى كلمت صديق ليا علشان اسلم عليه واقعد معاه شويه قاللى انه عند الميكانيكى بيعمل حاجه فى عربيته روحتله لقيت عربيته (ميجان1) واقفه قدام الميكانيكى ووراها راكنه عربيه كليو وورا الكليو ستروين اكسارا وطبعا وقوف العربيتين جنب ورا بعض ادانى فرصه ممتازة انى اقارن بينتهم فى الشكل والحجم وانا واقف بتفرج عليهم لقيت صاحب الاكسارا ولقيته عارضها للبيع واتفرجت عليها مده كويسه وفرجت صاحبى عليها هى موديل 2001 اكسارا 1 وكان طالب فيها 35 الف ملاحظاتى: 1- لازالت الكليو فى نظرى احلى بكتير من الاكسارا 2- شنطه الاكسارا صغيره جدا سواء من بره (موحشه شكل العربيه) او من جوه وخصوصا من جوه اكبر من شنطه عربيتى بحاجات بسيطه ولا تقارن طبعا بحجم شنطة الكليو 3- الكنبه اللى ورا فعلا فى الكليو ضيقه جدا يعنى لو اللى بيسوق رجع الكرسى سنه صغيره محدش هايعرف يقعد وراه 4- لما قعدت على كرسى السواق حاسس ان الكرسى واطى قوى يا اما التابلوه هو اللى عالى مش عارف ورغم ان انا طويل (190 سم) ماكنتش شايف الكبوت خالص ودى حاجه ماريحتنيش بالمره خصوصا ان العربيه كبوتها طويل جدا الموضوع كده شكله هايطول معايا شويتين
__________________
على عبد الفتاح
أبو أحمد |
#14
|
||||
|
||||
رد: ايهما افضل رينو كليو ام ستروين اكسارا؟
انا كمان سعيد بمعرفة حضرتك بالحديث معاك ...
و سعيد كمان انى بعرف و بتعلم حاجات جديدة .... خد وقتك ... دور كتير و اتفرج كتير ... انا فضلت سنة اتفرج على عربيات لغاية لما جبت عربيتى ( و سبحان الله جات معايا كدة ) الميكانيكى الى كنت عنده النهاردة كنز معلومات ... و لو حضرتك وجدت عربية ممكن تتكلم مع مالكها ... لا تتردد .. اتكلم معاه ببساطة و اسئله عن كل حاجة و اتعلم منه كل حاجة انا جربت الكليو مرات قليلة ... و معجبنيش الضيق الواضح للصالون بس للأسف مجربتش الاكسارا ... لو عملت موضوع فى قسم الرينو او الاوربى ... ان شاء الله حتجد ناس اكتر عندها خبرة
__________________
|
#15
|
|||
|
|||
رد: ايهما افضل رينو كليو ام ستروين اكسارا؟
بس سنه ده كتير قوى الكليو بصراحه بعد بحث مستفيض على الشبكه العنكبوتيه لقيت ان فعلا مشاكلها كتير وخصوصا الكهربا واى حاجه بسيطه فيها بتوقف العربيه تماما ودى طبعا مش حاجه ظريفه خالص الاكسارا كل الناس بتشكر فيها بس برضه لازلت غير مقتنع بشكلها النهارده قولت ابص على حاجات تانيه بدل ما انا حاصر نفسى فى العربيتين دول فبصيت على الستروين c3 وعلى اللوجان رغم انى مابحبش شكلها خالص وبعض الانواع اليابانى والكورى زى الكريستاله والعيون التسعينات وطبعا مريت بسرعه كده على السيينا واللانوس والاكسنت والصينى بالمره بعد الجوله دى اقدر اقول ان حيرتى ازدادت ومحتاج اقعد كام يوم كده مادورش خالص واشيل الموضوع من دماغى واعمل ريستارت وابتدى من جديد
__________________
على عبد الفتاح
أبو أحمد |
|
|