بتدي عربيتك لحد؟؟؟؟؟؟

[koky_90]

المشاركة الأصلية كتبت بواسطة almasry1 مستحييييييييييييييييييل

ليه
مستحييييييييييييييييييل

ممكن مثلا عربيتك تعطل
وتحتاج عربيه قريبك او صاحبك او جارك مثلا

ممكن تقولى هركب تاكس
بس مش كل المشواير بينفع فيها تاكس

فاممكن حد يكون في الظروف ده ومحتاج عربيتك
ليه لا
عــــــــــــــادى يعنى

[د0تامر محمد]

منذ أول سيارة ركبتها وكانت سوزوكى سويفت إلى الصنى الآن مرورا بأكثر من عشر سيارات بينهما لم يحدث أن قاد سيارتى أحدا غيرى ولا حتى والدى أو زوجتى ولا أستطيع أن أمنحها لدقيقة لأحد غيرى وإذا حكمت الظروف فى إستعارة عاجلة أو مشوار مهم لصديق أو قريب أقوم بتوصيله بنفسى حتى لو كان على حساب عملى الخاص

[shooter123]

هو ده الكلام اخيرا لقيت حد بيفكري زي ما انا بفكر بالظبط فعلا مينفعش العربية تتسلف لحد يا جماعه وزميلنا اللي حكي قصته مع العربية ال 131 اكبر دليل علي انك المفروض متديش عربيتك لحد
وكمان احب اضيف لزميلنا اللي بيقول اني ممكن اتعرض لموقف احتاج في عربيه وتكون عربيتي عطلانه مثلا ااقولك بقي يا سيدي انا عن نفسي بروح أأجر عربية او اركب تاكسي
لكني لو طلبت عربية اي حد من معارفي بالتبعيه مش حقدر ااقوله لا لو طلب هو مني عربيتي

[king mimo20]

مفيش غير اخويا بس ام الباقى مش ممكن ابدا

[hazem_khidr]

مش اي حد يركب عربيتي
يدوب اخويا رغم انه بيرجعها بحس ان راكبها عفريت
و ولاد خالي لو حد عاوزها لاني عارف سواقتهم كويس
و اتنين اصدقائي فقط ممكن اسيب العربيه معاهم و متاكد من سواقتهم و امنتهم
و حيحافظوا علي العربيه اكتر مني
اما لو حد عاوز لفه او عاوز يجربها بسيبه لوحده عادي انما مشوار طويل لاء