#11
|
|
رد: ايهما افضل و لماذا : بونتو -- ابيزا -- تيمبرا -- اكسل -- سويفت -- فليشيا -- ( بسعر 30000 )
و انت لو كلفت نفسك و عملت بحث في المنتدي حتلاقي كلام كتير جدا يوضح مزايا و عيوب كل عربيه فيهم!!!! و فعلا العربيات مافيش عربيه اسمها حلوه اوي و عربيه وحشه اوي في حاجه اسمها عربيه مناسبه و عربيه غير مناسبه لامكانياتي و متطلباتي يعني ما يبقاش عندي عائله من اربع افراد بالغين و اشتري كورسا او ابيزا و العربيات اللي انت كاتبها كلها فعلا عربيات صغيره مش كبيره كلها sub compact ما عدا التمبرا الوحيده compact و دا يجلعهم جميعا الي حد ما في فئه واحده لذلك الفروق بينهم بسيطه. يعتمد شرائك للسياره في هذه الحاله علي نضافتها و مدي ارتياحك لها. مش حكايه بقي موضوع اعمله و كل ما حد يدخل يقول مزايا و عيوب كل عربيه من وجهه نظره التي قد لا تطابق مع وجهه نظرك ارجو ان كلامي يكون مفهوم دلوقتي
__________________
حـازم خـضـر
|
#12
|
|||
|
|||
رد: ايهما افضل و لماذا : بونتو -- ابيزا -- تيمبرا -- اكسل -- سويفت -- فليشيا -- ( بسعر 30000 )
ميمو و فااادى ( مشكورين اوى يا رجالة على كلامك و نصائحك الغالية و بجد بدات افكر فى التيمبرا )
حازم باشا : تمام انا فهمت قصدك دلوقتى و احنا فعلا عائلة 4 اشخاص و طفل 10 سنوات و كانت الابيزا بتكفينا بس انا فعلا شايف ان التيمبرا هتكون اكبر و اريح
__________________
اوعى تروح لنافع اللى فى شارع دمشق لأنه غشاش و نصب على
----------------------- http://www.masrmotors.com/vb/showthread.php?t=29652 |
#13
|
|||
|
|||
رد: ايهما افضل و لماذا : بونتو -- ابيزا -- تيمبرا -- اكسل -- سويفت -- فليشيا -- ( بسعر 30000 )
عمري ما شفت ميكانيكي بيفهم قال علي الابيزا او البونتو زباله !!!!!!!
الابيزا معانا من 16 سنة موتور ماشي اكتر من 420 الف كيلو و عربية بتلف كل يوم لف متستحملوش عربية من العربيات الجديدة الكوري مثلا اللي مالي البلد الايام دي من الاكسنت و الفيرنا و هكذا !!! و عشان محدش يقول انا متحيز للابيزا لانها معايا ! البونتو مش زباله البونتو ممتازة و فيات مش شركة بدأت اول امبارح عشان تنزل موديل يعتبر من اعمدة الشركة عشان ييجي ميكانيكي مصري ملوش فيها يقول انها زباله !! معلش اللفظ ده لا ينطبق بأي حال من الاحوال سواء علي البونتو او الابيزا ! البونتو عربية ايطالية الصنع محترمة ادائها حلو تصميمها جميل صيانتها سهلة ثابته علي الطريق الي حد كبير ! الابيزا عفشه جولف و موتور جولف و شاسيه جولف ! يعني صناعة المانية لكل اجزاء الميكانيكا و انا مش محتاج اتكلم عن الصناعة الالمانية عشان حد يعرفها هي غنية عن التعريف ! و التقفيل ممتاز و الاداء ممتاز مش بتاكل بنزين ابعادها سهله ثابته جدااااااا علي الطريق قطع غيارها رخيصة و موجوده في كل حته ! يبقي منين زباله ! يا جماعة و النبي اللي مجربش العربية ميسمعش لأي كلمة بتتقال من اي حد لان العربيتين دول بجد عربيتين جامدين مينفعش يتقال عليهم زباله ! و الاتنين سواء اللي هيجبهم هيستخدمهم استخدام عادي او غاوي تعديل و تسقيط الاتنين يصلحوا للنوعين دول من الاستخدام ! و عموما انا رأيي في دول كالاتي: التمبرا عربية كويسه و صاجها كويس و قطع غيارها رخيصة و صيانتها سهله مش معقده لكن شكلا انا مش بقبل شكلها ابيزا انا قايلك كل حاجة فيها و معرفهالك يا طارق البونتو ممتازة بس قطع غيارها اغلي شوية من الابيزا و مش منتشرة اوي زي الابيزا لكن موجوده اكسل ! عربية عادية ثبات ضايع سحب معقول اعتمادية اقل من الابيزا و البونتو و التمبرا كتيييييييييييييييييييير سويفت ! بلاش ! فليشيا .. حاجتها مرميه في كل حته رخيصه صاجها ناشف شكلها مش وحش لكن العربية نفسها ناشفه عن الابيزا و البونتو كدركسيون و دبرياج و كده الخلاصة : 1- تمبرا 2-بونتو 3-ابيزا التلاته ممتازين مع مراعاة ان التمبرا عربية عائلية و التانيين دول هاتش باك سبور
__________________
IBIZA |
#14
|
|||
|
|||
رد: ايهما افضل و لماذا : بونتو -- ابيزا -- تيمبرا -- اكسل -- سويفت -- فليشيا -- ( بسعر 30000 )
الله علييييييك يا محمد باشا نووووووووووورت الموضوع
بس دا انا هربت من قطع غيار الابيزا لانها غالية تطلع البونتو اغلى ؟ههههه بس بجد شرحك كافى و وافى يا معلم طول عمرك مميز --- تسلم ايدك
__________________
اوعى تروح لنافع اللى فى شارع دمشق لأنه غشاش و نصب على
----------------------- http://www.masrmotors.com/vb/showthread.php?t=29652 |
#15
|
|||
|
|||
رد: ايهما افضل و لماذا : بونتو -- ابيزا -- تيمبرا -- اكسل -- سويفت -- فليشيا -- ( بسعر 30000 )
والله يا طارق الاستيراد اسعاره رخيصه جدا و انا بجيب من ناس بتعمل معايا واجب جامد في الاسعار و اصحابي كذلك و الحاجة لو طلعت مش تمام مع انك و انت بتشتري بتاخد احسن حاجة عنده لو لقدر الله طلعت مش تمام بترجع بسهولة جدا بس انت كنت بتجيب جديد و الجديد بيبقي غالي شوية
بس علي فكرة انت لو محتاج شنطة كبيرة فكر في الكوردوبا .. الكوردوبا هي السيدان بتاعت الابيزا غير ان موتورها 1400 هاف انجكشن اوريجينال بتنزل كده مش متعدله و ليها شنطة كبيرة مش هاتش باك زي الابيزا و في نفس الوقت شكلها حلو و شبابي الي حد كبير
__________________
IBIZA |
|
|