ازاى اطنش الكلاكسات

[Hisham.Elgazzar]

المشاركة الأصلية كتبت بواسطة ahmed_zamalek7 انتو من الكلاكسات بقى انا بقى مخنوق من الكلاكسات والضوء واليكسر عليك خصوصا انى من الزقازيق يعنى سواق التاكس يعرض العربيه فى نص الشارع عشان يركب الزبون ولا سواق الميكروباص اليمشى ويكسر على اى حد ملوش دعوه ولا بقى العربيجيه اللى بيحبو يخدو غرز بالكرو والله السواقه بقيت مجهده والعربيه بقيت حسره مش رفاهيه

ومصاريف ملهاش آخر ووجع دماغ ورفع ضغط
كمان الواحد محتاج يركب فيميه فى المرايات والزجاج كله
طقم كلاكسات بتاعت النقل الهوا برضو مهمه اوى علشان الناس تتخض وتوسع الطريق
ياراجل ده الفسبا والموتسيكلات بقوا يركبوا كلاكسين وتلاتة أنواع مختلفة ده غير الزينون
هههههه أو نظارة شمس بالليل عشان النور مايضربش فعينك وتبقى العربية كلها متفيمة طبيعى
أهو الواحد بيفضفض

[Vanditta]

المشاركة الأصلية كتبت بواسطة Hisham.Elgazzar ياراجل ده الفسبا والموتسيكلات بقوا يركبوا كلاكسين وتلاتة أنواع مختلفة ده غير الزينون

انا لسة راكب توك توك صاحبة مركب فية شاشة دى فى دى واربع سماعات بيونير صوتهم تحفة وعداد ار بى ام وفرش جلد لونين جامدين بيج وبرتقالى
ومركب طارة اسبور فى الجادون دة غير طبعا الفلاشرات اللى شغالة برة

كان نفسى اقولة اناعايز اجيبلك عربيتى تظبطهالى

[حمادة ونور]

المشاركة الأصلية كتبت بواسطة خالد الجوكر فى حاجه الشعب المصرى كلو بيعملها اقفل الازاز وشغل الكاسيت وسيب الدنيا تضرب تقلب بس بصراحه انا عمرى ما عملتها انا لو الطريق قدامى فاضى اللى ورايا مبيشوفنيش

المشكلة انى مش بعرف اسوق والازاز مقفول بحب اول لما اركب العربية اروح فاتح الازاز على الاخر

[حمادة ونور]

المشاركة الأصلية كتبت بواسطة Vanditta على فكرة انا زيك بالظبط واللى بعملة انى بنتهز اى فرصة انى اوسعلة واخلية يعدى واقولة اتفضل يابية وارتاح من ام الازعاج بتاعة والمصيبة بقى انى اما بوسعلة اجى ابص علية المفروض الاقى واحد متنرفز مثلا انى ماشى على مهلى ولا حاجة لأ بلاقية ماشى عادى جدا يتكلم مع اللى جنبة او بيتكلم فى التلفوون او ماشى عادى خااااالص وسرحان ولا فى دماغة واللى اكتشفة بعد كدة ان اللى بيكلكس كتيير دة بيبقى متعود انة يكلكس اصلا ومايقصدش انك توسعلة ولا حاجة لأ هو بيحب يكلكس وخلاص فأفضل حل هو انك لو تعرف توسعلة وتعدية وترتاح يبقى تمام لو مافيش مكان يبقى اقفل ازازك فعلا وشغل الكاسيت وعييييييش

طب ما هو ممكن الشارع ميسعش الا لعربية واحدة وبعدين انا مش بعرف اقفل الازاز علشان اسمع الاصوات اللى بره كويس

[حمادة ونور]

المشاركة الأصلية كتبت بواسطة Hisham.Elgazzar حاول تسوق بطريقة دفاعية يعنى دايما تبقى فى الصدارة وتحاول توسع لنفسك الطريق وماتزنقش على حد وتدى الغيار المناسب وخصوصا وسط الزحمة لازم تنجز وتسحب بالعربية بعيد عن الدوشة والكلاكسات وقرفها مستحيل واحد هيزمرلك وسط الزحمة لأن الطريق واقف وماتسيبش عشرة متر مابينك ومابين اللى قدامك لما الطريق يبقى زحمة عشان لو عملت كده اللى وراك هيجننك بالكلاكسات ، مش معقولة هتقفل الإزاز وتعيش الساونا مع الراديو فى عز الحر ساعة الظهر والا حتى بالليل، الحل انك تدافع عن نفسك وسط الطريق وتنجز بسرعة فى الزحمة ، وطبعا تحترس من خطأ الغير لما بقى تطلع على طريق فاضى او تكون الدنيا هادية تمشى براحتك فى الطريق زى منتا عاوز وماتركزش مع الكلاكسات كتير عشان هتتعب انا عارف انه فيه ناس مستفزة اللى مستعجل خليه يجرى ، كلها بتصب فى بلاعة واحدة ، وحسبى الله ونعم الوكيل فى كل سواق مش بيراعى الناس على الطريق

انا عمرى ما زنقت على حد او كبست على حد وبعدين حتى لو الطريقة زحمة بتلاقى سواق الميكروباص وراك هريك كلاكسات وتبقى حاسس انك عايز تطير فوق العربية اللى قدامك