بكل صراحة . ماذا سيكون رد فعلك . اذا فاز شفيق .. مرسي ؟

[ابو فاروق]

المشاركة الأصلية كتبت بواسطة AbOnOrA حد عندة شك ان كل اللى كان بيحصل فى ال18 شهر اللى فاتو كان مسرحية محاصرة الجيش لمبارك وعزلة كان مسرحية ادعاء ان الجيش رفض اوامر بقتل المتظاهرين وانه حمى الثورة كان مسرحية التظاهر باحترام الثورة والشهداء والمصابين وشباب الثورة عموماً كان مسرحية التظاهر بالميل ناحية القوى المدنية تارة وان الدستور هيبقى علمانى كان مسرحية والتظاهر تاره اخرى بالميل للقوى الاسلامية ودفعهم لتشكيل احزاب وعمل مليونيات والحشد لتمرير الاعلان الدستوى الاول ووثيقة السلمى كان مسرحية الاستفتاء اللى اتعمل على 9 مواد وبقده قادر اتحول لاعلان دستوى من حاجة وستين مادة مسرحية انتخابات مجلس شعب نزيهة (لاعطاء الطمئانينة لانتخابات الرئاسة) مسرحية والمحاكمات كلها كانت مسرحية انتخابات الرئاسة ماهى الا المسرحية الكبرى واللى اتعملت عليها اكتر من بروفه من اول الاستفتاء لانتخابات الشعب للشورى بكل مراحلهم لحد الجولة الاولى كلها كانت بروفات لقياس متغيرات اللعبة الانتخابية الجديدة لقياس القوى والتحالفات والاعداد والكتل وكل شىء وفترة كافيه جداً وتعدد انتخابات كافى جداً لاستذكار كل الحسابات مرات ومرات واحنا اللى كنا بنستغرب ليه كمية الانتخابات ديه هما مذاكرين كل حاجة ومحصنين كل حاجة ومستعدين لكل حاجة دلوقتى المطلوب من الشعب الظريف اللطيف المهاود يعمل حاجة واحدة ينزل يشارك وباقبال كبير يدى الشرعيه لاخر فصل فى المسرحية وينجح شفيق باستخدام الحساب والضرب وبس الاخوان عشمانين انهم يمسكو تزوير ومش هيمسكو لان التزوير حصل فى المرحلة الاولى من غير ما يفهموه او يعدوه صح واللى خد باله شوية من حملات ابو الفتوح وحمدين قالك ديه حاجات بسيطة ومش هتفرق كتير وهووووب لقينا شفيق محقق ارقام هلامية منقدرش نحسبها طول ممعناش قاعدة بيانات الناخبين المخفيه عمداً والاهم ان تم تهيئه الظروف تماماً لرفض اى تحرك من الاخوان فى الشارع تانى وحتى لو نزل معاهم قوى تانية هيتعاملو على انهم اخوان كلهم كده انتخابات نزيهه اهيه قدام العالم زى الفل وبقى عندنا رئيس شرعى ياولاد برضاء من القوى الخارجية والناس هيتظبطو بعد شفيق ما يمسك على فكره لان اللى ماسك الحنفيات يقدر يظبط كتير من الهم اللى احنا فيه واى حاجة هترضى الناس دلوقتى وشوية اخبار عن انتعاش اقتصادى وكام مشروع اسكان شباب على كام قرعة اراضى وهوب الدورى يشتغل تانى وانسى وخد البنسة

والله انت خلتني ارتاح لما اخييييييرا في حد بيفكر زي وشايفها زي
الحمد لله اثبتلي اني انا مش مجنون

[ابو فاروق]

المشاركة الأصلية كتبت بواسطة د/ ياسمين بصراحة شديدة اى من الاثنين حقول لك الله يامصر شفيق نظام قامت ثورة من اجل تتخلص منه ولكنه عاد تانى وبشكل اعتقد انه اشرس ومرسى والولايات العربية المتحدة دى وغزة وحماس وانت معايا والاضدى ..انت مسلم والا مسلم علمانى والاليبرالى والامن الغزاه والا انت جالية ..!!! ربنا يسترها علينا ويحسن ختامنا ونخرج منها على خير

عندك حق . في كل كلمة
شكلنا لهنخرج هجرة لاخرة ..

[ابو فاروق]

المشاركة الأصلية كتبت بواسطة samirayad من أخطأ فعليه تحمل نتيجة خطأه ونحن كشعب بكافة الطوائف ( أخطاءنا ) فلم نكن متحدين ( وقت الحصاد ) كما كنا متحدين ( وقت الزراعه ) وطالما سيبنا عملية الحصاد للطرف التالت يبقى من دواعى الإعتراف بالخطأ أن نتقبل كلمة ( هارد لك ) هذه المره --------------- وبعد أربع سنين ( ياترى من يعيش ) نكون إتعلمنا وذاكرنا وفهمنا أن الأنانيه وحب الذات لابد أن ينتهيا من منهج حياتنا وإلا لن تقوم لمصر قائمه ------------------------ وبناء عليه ( على رأى مجلس الشعب المنحل ) فأى واحد هيفوز هقول بينى وبين نفسى الخيره فيما إختاره الله ------------------------ وغير مقتنع تماما بالتزمر على أى نتيجه لأننى أخاف أن يتعرض أحد من أخواننا أو أبناءنا للموت فكفايه إللى راحت دماءهم هباء دنيويا ولكنها لن تذهب هباءا أخرويا

انت فاكر اني فيها 4 سنين ونجيب حد تاني وبتاع .. احلام الثوار دية .. ياراجل دية خزعبلات بعد ال 4 هنرجع تاني .. شخص واحد لدية حق التصويت ب ال 90 مليون صوت .


الحل الوحيد اننا نشيل اليأس دة يا عم سمير .. ونتحد بحق وحقيقي .. ويتعمل الثلاث خطوات مرة واحدة في وقت واحد

ثورة بحق .. مجلس رئاسي حقيقي ... محاكم ثورية للجميع .


لا امل لنجاة مصر دون هولاء الثلاث..

الشعب مش مغفل .. لكن الشعب جديد .. طفل رضيع فعالم السياسة حتي ألي بيفهمو سياسة . زي الاخوان كحزب سياسي .. باع الشعب واشتغلهم .

[samirayad]

المشاركة الأصلية كتبت بواسطة ابو فاروق الشعب مش مغفل .. لكن الشعب جديد .. طفل رضيع فعالم السياسة حتي ألي بيفهمو سياسة . زي الاخوان كحزب سياسي .. باع الشعب واشتغلهم .

طيب ينفع الطفل الرضيع

يمشى من غير مايرضع

ويتفطم

ويتعلم المشى صح

[nktis]

لو فاز الفريق.؟.
هابطل اتكلم في السياسه تاني والم الدور وطبعا عارفين ليه لان الحيطان ليها ودان...
لو فاز الدكتور.؟.
هانقلب الي معارض للنظام الاخواني كما كنت...