محاولة منع السرقة من خلال التثبيت فالشارع

[broadband]

المشاركة الأصلية كتبت بواسطة tarek/ المشكله وقت التثبيت تفكيرك هيكون وضعه ايه غير ان المهاجم لك بيكون مرعوب وخايف يتمسك وعنده استعداد يعمل اى شىء علشان مايتقبض عليه وممكن يضربك بالنار عادى عنده وطريقه الاسبراى ما اظنش هتلحق تعملها لانهم بيكونوا مسيطرين عليك فى ثوانى هى فيه طريقه ممكن تنفع ولها هى مخربه شويه بس احسن ما العربيه تضيع منك لو العربيه اوتو هاتها على وضع d واكسر المفتاح فى الكونتاك وممكن الحرامى يبقى قلبه حنين وما يضربك طلقه تبقى بكده عربيتك عطلتها والخسائر هتكون بسيطه وربنا يبعد عنا الكلاب دى

يعنى ايه الفكرة فى كسر المفتاح وهى على ال D????

[uosif]

انا عن نفسي بعت العربيه واستريحت

[طارق عبد السلام]

المشاركة الأصلية كتبت بواسطة broadband يعنى ايه الفكرة فى كسر المفتاح وهى على ال D????

منا قلت هى فكره مخربه
انا قصدت الدى بالزات لان المفتاح مابيطلعش من العربيه فكده معاك حجه انه انكسر لانك مرتبك
ثانى حاجه لو الحرامى حاول يطلع المفتاح حتى هو مش هيعرف ده لو هو فاضى انه يطلع المفتاح
بعد كده انت تجيب الفتيس على وضع البى وتطلع مفتاحك وتشتغل بالمفتاح الاحتياطى ده لو ماخدتش طلقه واحلى تحيه للامن فى مصر اللى خلانا بنضرب اخماس فى اسداس ونفكر اكتر من مره لو هنتأخر ونمشى على اى طريق ووووو وحاجات كتير

الله ستير

[طارق عبد السلام]

المشاركة الأصلية كتبت بواسطة uosif انا عن نفسي بعت العربيه واستريحت

كده انت جبت من الاخر وحليت المشكله

[محمد فيصل]

اللهم إحفظنا جميعاً من شر السلب والنهب والسرقة والتثبيت والنصب والاحتيال
اللهم إنا جميعاً نسألك الامن والامان


ملحوظة :تمت اليوم سرقة ظرف من جيب البنطلون الامامى الايمن والجيب ضيق وفى ترام الرمل بالاسكندرية والساعة 11ص وحتى الان لا اعلم كيف تم ذلك والاغرب عندما مسكت يد السارق وكان ولد صغير السن وقام جميع الركاب مع الكمسارى بالضرب والتفتيش لم اجد اى شىء وايضاً راكب آخر لم يجد محفظته وسوف اتحمل رد قيمة ما سرق لاصحابه والاهم ان ممكن ان يكون ما سرق ليس ملك الشخص المسروق
الموضوع لم يصبح سيارات فقط ولكن سرقة كل شىء واى شىء من الممكن ان يسرق