|
مقارنات لمساعدة الأعضاء فى المفاضلة بين الأنواع المختلفة من السيارات |
|
أدوات الموضوع |
#11
|
||||
|
||||
رد: محتاج مساعده بسرعه
بص يا دوك بصرف النظر عن مواصفات العربية اللى حضرتك عايزها ولو رجعنا لسؤالك الاصلى
الجديد ولا المستعمل كل حاجه وليها ميزه وعيب وزى حسام البورسعيدى ما قالك الفلوس اللى معاك او اللى هترميها فى العربيه هى اللى هتحدد انت هتجيب ايه فلو بدانا بالمميزات والعيوب اولا المستعمل احسن من الجديد فى ان 99 % من المستعمل ماحدش بيقسطه ... لازم كاش فبناء عليه لو هنقارن بين مستعمل كاش وجديد قسط لا يبقى المستعمل الكاش يكسب لان الجديد القسط عليه حظر بيع واقساط لازم تتدفع يوم 1 فى الشهر ولو مادفعتش هتلاقى البنك بيكلمك هات فلوسنا وكمان اشتراك شركه التامين طول فتره التقسيط واللى اغلبعهم حراميه ومابتستفدش منهم بحاجه .. دا غير طبعا مبلغ الفايده الل بيوصل ل 50 % من مبلغ العربيه دا غير انك بتقول انك لسه بتتعلم السواقه جديد ... يعنى وارد لقلة خبرتك بالسواقه انها تتخبط منك وخبطة الجديد وحش قوى فى زعله يعنى الجديد القسط خراب من كل حته ... اما عن مميزات الجديد انك اول يد بتستعمل العربيه وتحافظ عليها دا غير انك مش هتحتاج انك تفتح حتى كبوت العربيه علشان تغير ميه الريداتير لمده سنه على الاقل طبعا هتتمتع بالتكنولوجيا الجديده وفخامة العربية اللى ممكن ماتلاقيهاش فى القديم طيب ... لو قلنا انك معاك مثلا ثمن الجديد كاش علشان نتجنب موضوع القسط وقرفه هنا بقى هيتدخل المبلغ فى التحديد يعنى مثلا لو معاك من 60 الى 70 الف ففى الحاله دى هتشترى لانوس جديد طيب لو حبينا نحط الرقم دا فى مستعمل هتلاقى نفسك ممكن تشترى عربية لانسر مثلا 99 بـ 45 الف وتظبطها كمان بـ 5 الاف وتلاقى نفسك راكب لانسر مش لانوس او حتى حته جولف 4 بنفس المبلغ تقريبا بتاع اللانسر يبقى لانوس ولا جولف 4 و لانسر ؟؟؟ انما بقى لو معاك 80 او 90 الف هقولك لا طبعا الجديد يكسب لانك ساعتها هتفكر فى صنى نيسان او نيو اكسنت وفى الحاله دى هما اللى هيكسبوا انا مش هديك رد محدد علشان مابقاش بوجهك ... انما انا اديتك عيوب ومزايا كل حاجه ولك الاختيار ارجوا انى اكون افادتك |
#12
|
||||
|
||||
رد: محتاج مساعده بسرعه
اغلب المواصفات اللى انت طالبها دى هتلاقيها فى رينو لوجان باذن الله .. من ناحية الوسع : اوسع عربية فى فئتها على الاطلاق .. الصالون واسع والشنطة كمان واسعة جدا .. من ناحية التوفير فى البنزين : اللوجان موفرة جدا فى البنزين برضو وده لأن موتورها 8 صباب .. وكمان هتلاقى فى اللوجان كماليات كتير مش موجوده فى العربيات المنافسة ليها فى نفس الفئة السعرية .. زى كمبيوتر الرحلات الرائع والاير باج وغيرها .. اسعار اللوجان الحالية 69 الف للفول اوبشنز و 65 الف للهاف اوبشنز تقريبا .. وهتلاقى كل المعلومات عنها فى التقرير اللى قلتلك عليه .... ده طبعا بالنسبة للجديد .. لو جينا للمستعمل يبقى هيطول الكلام مننا .. فلازم تقرر المبلغ اللى انت مستعد تحطه فى عربية هيكون فى حدود كام ... منتظر ردك يا جميل ... تحياتى .....
__________________
رحـــمـــــــــــة الله عـــلــــــيـــــــك يا حــبـيـبـنــــــــا ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ |
#13
|
||||
|
||||
رد: محتاج مساعده بسرعه
بص هو انا متفق معاك فى القسط لانه هيبقى كسر رقبه بس برده انا خايف من المستعمل لان انا مشغول 24 ساعه فلو عطلت مني هكتئب منها و مش هاجي جمبها و لا هبقى فاضى اصلحها و فى نفس الوقت السوق دلوقتى تقريبا اسعاره عاليه فمش عارف استني شهر كده و لا ايه و فى نفس الوقت انا كل فترة بحب اشترى احدث اجهزة علاج طبيعي بتنزل فمش هبقى قادر اشترى غيرها فبقول خليني فى الجديد و انا كده كده على قدى مش بتاع جري يعني اخرى انى اخلص شغلى و ارجع او سفر بس على سرعات متوسطه فربنا يستر و متتخبطش لان بصراحه انا اكتر حاجه انا خايف منها انى اشترى عربية مستعمله و كمان اطلع اتخميت فيها و تطلع مقلب و كمان مقدرش ابيعها او اخسر فيها النص ده الى هتبقى كسر رقبه بجد فخلينا فترة الشهر الى هيبقى فيها تعليم ده و بعدها لما اطلع الرخصه ابقي ااجر بحيث اخد شوية خبرة و اتعود قبل ما اشترى اما بلنسبه لقصة التقسيط ففى واحد قريبي اشترى افيو و دفع 10 مقدم و قسط الباقى على 7 سنين و الى انا شايفه بجد تهريج افضل ادفع فى تمنها 7 سنين حرام يعني هيبقى كتير اوى فانا لو هدفع و هجيب تقسيط هيبقى انى ادفع مثلا 50 او 60 و اقسط الباقى على سنه ولا انته رايك ايه ؟ اسف للاطالة |
#14
|
||||
|
||||
رد: محتاج مساعده بسرعه
بص يا سيدي انا قريت مقالك عن الرينو اللوجن و بصراحه غيرت رايي خالص يعني فى الاول كان كل نظرى للافيو بس شفت فيها عيوب و بعدين بصيت للنيو اكسنت و الريو بس برده سعرهم هيبقى قصه تانيه لانه بيعلى اوى اما الجميل هنا انها عائلية و فى نفس الوقت عمليه شوية و ده الى انا محتاجه و موفرة فى البنزين و ده من الحاجات الى محبباني فيها و كمان سعرها الى الى حد ما معقول الحاجات الى انا عاوز اسالك عليها هى مين وكيلها فى مصر و لو كده يبقى عملت فيه خير و تسيبلي رقم المعرض الى جبت منه و يا ريت لو تكلمنا اكتر عن الصيانه و سعر قطع الغيار و اعادة البيع و هل هى تقفيل مصرى و لا بتيجي بحالتها كده و بالنسبه للخدمه فى التوكيل عامله ازاى و كده و ربنا يكرمك يا رب انا اسف انى بتقل عليك الف شكر |
#15
|
|||
|
|||
رد: محتاج مساعده بسرعه
بالنسبه لموضوع الشغل بتاعك وانك بتحتاج انك تسافر من القاهره للسويس وانك مش فاضى انك تودى العربيه تتصلح والقرف ده يبقى انت محتاج عربيه مستعمله استعمال نضيف زى مثلا لوجان (إن وجدت ) او فيرنا وطبعا سعرها مش هيقل عن 45 الف يبقى الافضل انك تدفع 20 الف عليهم كمان وتجيب رينو لوجان زيرو افضل. وبالنسبه انك جديد فى السواقه اخر الموضوع انك بعد 3 سنين ان شاء الله لما تيجى تجدد ترخيص العربيه هتعمل لها سمكره ودوكو. والافضل لك زيرو
__________________
لا آله إلا الله. محمدُ رسول الله اللهم صلى على سيدنا محمد وعلى اله وصحبه وسلم |
|
|