|
فولكس فولكس فاجن Volkswagen من اكثر السيارات مبيعاً فى العالم وتضم حاليا شركات سكودا وابيزا واودى وتستحوز عليها بورش الالمانية من اشهر سياراتها بيتلز جولف بولو جيتا باسات توران وطوارق وسوران كروس فوكس |
|
أدوات الموضوع |
#11
|
||||
|
||||
رد: لماذا لا نكون ايجابيين
بصراحه مش عارف احيي حضرتك ازاي على ايجالبيه حضرتك بس ليا شويه نقاط
اولا حضرتك شباب في سن والدي يعني ماخفتش فعلا ان حد من العيال دي يكون متنيل شارب حاجه ثانيا ماخوفتش و حضرتك بتخبطه بالعربيه انه يموت و ساعتها يبقى الموضوع كبر بدون اي داعي انا لو كنت مكان حضرتك كنت اكتفيت بالزعيق من البلكونه و خلاص بدل كل البهدله دي و تعريض نفسي للخطر طبعا مش خطر العيال السيس دول بس خطر السجن لو كان لا قدر الله الحيوان ده مات يبقى اتحسب عليا بني ادم و السلام الايجابيه جميله بس انا ليا تجربتي ايام البسات و على فكره انا اشتريتها ب 50 جنيه بس مش اصلي برضه واحد روش و نجم النجوم دخل الجراج علشان يسرقها كلمت فرد الامن راح قفل عليه الجراج و اتخطتف عندنا لمده 7 ساعات تعزيب و في الاخر مشيناه و من يوميها مافيش عربيه من عربيتنا اتسرق منها علامه حتى البردوا محدش يستجر يقربلها لان الي كان حارق دمي الصني و هيا لسه زيرو اتسرق منها غطا الجنوط و كل العلامات و هيا قدام محل سوبر ماركت و ماعرفتش اعمل ايه يوميها لما لقيت النجم ده كلمت فرد الامن جه بسرعه و قفل عليه الجراج مش هاحكي عملنا فيه ايه علشان الرقابه |
#12
|
||||
|
||||
رد: لماذا لا نكون ايجابيين
بصراحة انا حاسيس جيدا وعارف اية اللى انت حاسيس بية اكتر من سرقة اللوجو وغطاء الرشاشات هو رد الفعل من الناس وشعورك بخيبة الامل انا عارف ان رد فعلك وصدمتك من الناس يمكن غطت على موضوع السرقة لانى نفسى اتعرضت للموضوع دة اكتر من مرة مع اختلاف التفاصيل لانى مش اقدر اسكت وبسخن بسرعة وممكن اتجنن على الضابط نفسة فى القسم لما القية بارد وبيستقبل الشكوى بكل رد فعل كانة عادى والناس اللى فى الشارع
وبالمناسبة اتذكرت موضوع ليله سفرى من قيمة سنة وشهرين كدة تقريبا غيرت مكان عربيتى لان مفيش مكان وببص كدة ثوانى ما لقيتش الغطاء الوتر بروف نزلت بسرعة وكانت العربية تحت شجرة ونور الشارع كان تقريبا فى عطل مؤقت المهم الساعة يمكن 2 بعد منتصف الليل او اكتر والجو مريب وحاسيس ان اللى سرق الغطاء لسة موجود لانة كبير ومش معقول لحق يجرى لان حسب خبرتى باللى شوفتة انة بيسرق الحاجة وبيفضل يتاكد ان الطريق خالى وبيجرى بية المهم خاطرت وكنت حاسيس انى حمسك الحرامى وفجاءة بين العربيات دوست علية اتارى الولد الحقير سارق الغطاء ونام على الارض بين العربيات ومعاه العطاء جنبة هو اترعب وانا اكتر منة المهم من الخوف هو مش عارف يعمل اية ومش عارف انا صاحب العربية ولاه مباحث لان المنطقة رغم السرقات مرشوشة مباحث سيارات بليل بيلفوا بالميكروباصات المهم مسكت فية ومش عارف اعمل اية وجت ليا حاله زى الجنون بصرخ علشان حد يجى وانا خايف منة ومن المنظر اللى بان مع بصيص من الضوء الخفيف الشاب تقريبا وشة كله رايح بمية ناء مشوة خالص كانة مسلوخ لدرجة انى كنت خايف منة وسبحان الله فى اللحظة دى لقيت عربية جاية مسكت فية فى الضلمة وربنا بيحبنا كانت العربية مباحث فى الليل المهم انا سبتة ورحت علشان احاول اخلى العربية تشوفنى وفعلا خلال تقريبا ثوانى عينى علية مكان ما جرى المهم البوليس جة وبسرعة فص وملح كان ابن اللذين اختفى ومفيش اثر حتة حتة لكن المخبرين سالونى عربيتى فين شاورت وراحوا ناحية عربيتى والمصيبة انة كان نايم تحت العربية اتجرجر فى الشارع وبالشلاليت والكفوف ومنظر فعلا صعب جدا يمكن اربعة علية فى كل حتة وهو متمكسك مش عايز يقوم معاهم وعامل مجنون وبيصوت واخد رقم المخبرين هلشان لو حصل حاجة تانى لكنى سافرت صباح نفس اليوم طبعا لا محضر ولا يحزنون وفى اغلب الاحيان حيسبوة فى الطريق مش عارف لية حسيت بكدة اسف على الاطاله وشكرا |
#13
|
||||
|
||||
رد: لماذا لا نكون ايجابيين
اشكرك على ايجابيتك فى التصرف لان الحرامى لو ملقاش الى يوقفة حيفضل يسرق طول عمة وياذى خلق الله
__________________
الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون.... ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
#14
|
|||
|
|||
رد: لماذا لا نكون ايجابيين
بعد كدة عرفت من ضابط المباحث ان دة تنظيم ( عصابه ) منظمه وان العلاقة بتكون بين قائد العصابه والاولاد دول تسليم وتسلم بعنى انه يطلب من الولد قطعة معينه من السيارة وينتظرة وعندما يحضرها له يعطيه ثمنها فورا وينتهي الموضوع والولد مايعرفش مكان الكبير بتاعهم وان الطلبات بتكون من خلال الموبيل والاستلام بسيارة فى الشارع وبعد كدة الولد بينزل فى اي حته بعد ما يكون اخذ فلوس القطعة المسروقه علي فكرة انا لما عرضت الموضوع دة كنت زعلان من سلبيه الناس اللي اتجمعت ولم يحاولوا ان يساعدوني ودة شيئ غريب على المصريين وباحاول ان اجعلهم ايجابيين لما حد يشوف غلط يحاول ان يصلحة ولو ببلاغ تليفوني لضابط المباحث لو بيخاف يدخل قسم وبكدة نقضي علي سلبيات كثيرة انتشرت فى مجتمعنا ------- بمعنى لو واحد مرتشي لماذا نتركه ولانحاول ان نبلغ عنة والرسول الكريم محمد قال (( من رأي منكم منكرا فليغيرة بيدة وان لم يكن فبلسانه وان لم يكن فبقلبه وهذا اضعف الايمان ))ولكن السلبيه اللي بقينا فيها مش كويسه كل واحد بيقول يالا نفسي |
#15
|
|||
|
|||
رد: لماذا لا نكون ايجابيين
وواحد بيقول حرام اصل الشباب مش لاقى شغل ولا علشان انتم معاكم عربيات غالية ومرتاحين مش حاسين بالناس
هههههههههه هوا ده تفكير الناس قى مصر دلوقتى يبرير اى حاجة باى كلام |
|
|