سؤال لذوي الخبر: ما موصفات أقل سيارة يمكن أن تتحمل السفر؟

[basosi]

المشاركة الأصلية كتبت بواسطة ahmed el gendy بصراحه رغم انه مش موضوعنا بس مستغرب جداااااااا ان ال 504 بتسافر باقل التكاليف دا كفايه بوابات البنزين اللي فيها من اسمها بس تعرفك انها عاوزه بنزينه ورا العربيه الا بقي لو هتقلبها غاز زي العربيات ال 7 راكب

باشا البيجو 504 لو فولتها من اسكندرية المؤشر يبقى خلاص في سفاجا لازم تفول تاني بما يعادل 800 كم تقريبا البيجو صالونها ممتاز احسن صالون الصالون الاروبي
انا البيجو اللي كانت معايا عدت المليون كيلومتر من سنة 1979 الى 2010 وعربية قوية بس عيبها الصاج بتاعها غالي جدا يعني الباب مثلا يعدي 1000ج ، قطع الغيار غالية جدا بس الحقيقة معمرة وقت طويل جدا

[ahmed el gendy]

المشاركة الأصلية كتبت بواسطة basosi باشا البيجو 504 لو فولتها من اسكندرية المؤشر يبقى خلاص في سفاجا لازم تفول تاني بما يعادل 800 كم تقريبا البيجو صالونها ممتاز احسن صالون الصالون الاروبي انا البيجو اللي كانت معايا عدت المليون كيلومتر من سنة 1979 الى 2010 وعربية قوية بس عيبها الصاج بتاعها غالي جدا يعني الباب مثلا يعدي 1000ج ، قطع الغيار غالية جدا بس الحقيقة معمرة وقت طويل جدا

يعني التنك يمشي 800 كيلو ؟؟؟ دا مفيش عربيه جديده وانجكشن بتعمل كده بس هو التنك بتاع البيجو كام لتر كده اصل اكبر تانك اعرفه 60 لتر ؟؟

[basosi]

اللتر في الطوالي في البيجو GR كاربراتير باب واحد بيمشي على سرعة 100 كم/ساعة أكتر من 15 كيلو عن تجربة وكمان ماتحسش بالسفر فيها تنزل من العربية ضهرك مش واجعك
بس قصدي الصالون انما انا ما سافرتش سايق بيجو استيشن
يعني بتعوم ولا ثابته ما جربتش
لكن انا ركبت باور وجنوط العربية واسبراتير اليكتروني اتظبطت بقت احسن من اللانوس 100 مليون مرة

[mr_astra]

بصراحة انا مستغرب جدا من الاقتراحات خصوصا الماروتى
يا جماعة سفر على الصحراوى يعنى نقل تقيل طول ما انت ماشى وهو مقابلك اما من الوش او من الخلف ماروتى ازاى بس ،،،غير أمنة على الاطلاق وعربية ديقة ولا هاتشيل ناس ولا شنط سفر
بيجو لا يعلى عليها طبعا اسم من ذهب واتعملت فعلا عشان السفر كل حاجة فيها واسعة صالون وشنطة ولكن اية اللى نزل سعرها غير قطع الغيار اللى غالية جدا
لو عاوز راى المتواضع تويوتا كيرسيدا 82 ..........2000 سي سي الصفيحة تعمل 200 كم فيها تكييف باور سنتر مرايات كهرباء هيدروماتك ،،،،صالونها واسع جدااااااااا ومريح على الاطلاق وشنطة تاخد عفش بيت بحالة الناس لغاية النهردة بتيجى بيها من السعودية برى اعطالها قليلة جدا وحاجاتها فى منة الرخيص وبعض القطع غالية مثلا الفتيس بتعها الوتوماتك بـ 700 جنية الاسكاترا بـ 1500 جنية

[khaled_sabry]

بصراحه انا ااؤيد 504 ... كفايه انك بتحطلها بنزين 80 عادى
حمالة اسيه رقم واحد و عمرها ماتغدر بيك .. تخوفك اه .. لكن ماتغدرشى بيك
عربيتنا موديل 1983 gr كان والدى عليه رحمة الله شاريها زيرو و مره كان مسافر بيها على طريق مصر اسيوط على سرعه 140 كم (اه بتجيب السرعه دى عادى) و فردة كاوتش فرقعت منه
العربيه بقيت تلف حولين نفسها 5 او 6 مرات --- لكن ما اتقلبتشى زى العربيات الجديده

فنفكر فيها كده .. عربيه مصاريفها قليله (بالنسبه للعربيات الجديده - كفايه البنزين ) و قويه (ماحدش يقدر يتكلم عن الوحش ده ) و صالونها و عفشتها تنافسىه حتى بالنسبه لبعض انواع العربيات الجديده
صحيح ان شكلها غبى و ثباتها مش زى الجديد .. بس فى المجمل هى تكسب
و فعلا سعرها (من 20 - 27) اقل بكتيييييييير من امكانياتها

بالمناسبه .. هو حجم تانك البنزين بتاعها كام ؟؟