اندماج مجموعة بيجو سيتروين مع ميتسوبيشي

[horas3000]

المشاركة الأصلية كتبت بواسطة فادى كرايزلر اشترت ميتسوبيشى عام 1970 و كانت ساعتها ميتسوبيشى بلا اسم و بلا مبيعات و كل انجازاتها هو تجميع سيارة لفيات اسمها تيبو 3 و تجميع نسخة مدنية من سيارة ويليز (جيب فيما بعد), و بعض السيارات الأخرى كان أشهرها الPXX 33, لكن البداية الحقيقية لميتسوبيشى و دخولها السوق الامريكى كان على يد كرايزلر, و تحت مظلتها و اسمها, الى ان بدأت فى الدخول باسمها الخاص فى أوائل الثمانينات (بشراكة أيضا مع كرايزلر و حسب نسبة متفق عليها), اذن ميتسوبيشى صناعة كرايزلر و لو لم تشتريها و تدعمها كرايزلر لما سمعنا عن ميتسوبيشى لانسر و لا كولت و لا باجيرو و لا ايفو! على فكرة المحرك الحالى الذى تعتمد عليه ميتسوبيشى فى معظم مبيعاتها طور فى عهد دايملر كرايزلر و اسمه 4B1 و هو من فئة المايفاك, و تم تطويره بشراكة مع هيونداى أيضا التى استفادت منه فى سياراتها. http://media.mitsubishi-motors.com/p...detail156.html اما موضوع انو ميتسوبيشى مخدتش حاجة من كرايزلر فعندك مثال بسيط لعلبة تروس خاصة بكرايزلر استخدمتها ميتسوبيشى فى معظم سياراتها : http://en.wikipedia.org/wiki/TorqueFlite#A470 و ده ما يدعم نظريتى صناعة السيارات اليابانية هى فى الأساس قائمة بدعم أمريكى سواء على مستوى المساعدة فى فتح الأسواق أو المالية أو المساعدة التكنولوجية. مع العلم انو مايفاك هو اسم أخر لتكنولوجيا توقيت الصمامات المتغير معروفة منذ الستينات(من تطوير فيات و استخدمت للمرة الأولى فى الفاروميو سبايدر) و لا تعتبر فتحا تكنولوجيا, و الCVT تكنولوجيا معروفة أيضا(استخدمت فى داف الهولندية لأول مرة) منذ زمن بعيد و جربت فى العديد من السيارات قبل ذلك, و استخدامها يضمحل نظرا لعدم اقبال السائقين عليها.

في 1970 كرايسلر كانت بتمتلك 15% بس من ميتسوبيشي و ساعتها ميتسوبيشي كانت بتنتج في حدود ال 75000 عربية منهم الجالانت يعني مكانتش ضايعة زي ما انت بتقول
و بالفعل كرايسلر هي اللي ساعدت ميتسوبيشي لدخول السوق الامريكي لكن الموديلات كانت كلها من صنع و تطوير ميتسوبيشي و كانت بتباع بالفعل في اليابان و بعض الدول الاسوية و كرايسلر كانت يتسوقها باسمها تحت علامة دودج. يبقي ازاي ميتسوبيشي هي من صناعة كرايلسر. اي نعم كرايسلر ساعدتها لكن الرك علي الهندسة و التكنولوجيا اللي كانت يابانية خالصة. و الدليل علي كده ان لما تم الانفصال في التمانينات ميتسوبيشي كانت بتعتبر في قمة مجدها بينما كانت كرايسلر علي شفي الانهيار.
و اصلا السبب الاساسي في الموضوع ده هو ان ميتسوبيشي لم يتسني لها الفرصة اصلا انها تتطور لانها بعد الحرب العالمية التانية تم وقفها و تقسيمها الي 3 اجزاء بسبب مشاركتها في صنع المقاتلة زيرو و لك ان تتخيل موقفها بدون الحدث ده. و طبعا سيطرة امريكا علي اليابان هي اللي اعطت الفرصة لكرايسلر انها تعمل كده
http://en.wikipedia.org/wiki/Mitsubishi_Motors

اما بانسبة للمحرك ال 4B1 فهو نتاج للمشروع المشترك بين كل من ميتسوبيشي و هيونداي و كرايسلر و اصلا كرايسلر دخلت المشروع ده عن طريق شراء اسهم من ميتسوبيشي و هيونداي يعني هي مكانتش في الصورة من الاول. و المشروع ده كان في 2002 يعني بعد انفصال ميتسوبيشي عن كرايسلر بزمن يعني الاتنين كان راسهم ببعض و مفيش شركة ليها الفضل علي التانيه.

http://en.wikipedia.org/wiki/Mitsubishi_4B1_engine
http://en.wikipedia.org/wiki/Global_...uring_Alliance

بالنسبة لعلبة التروس فمعاك حق مكنتش اعرف عنها حاجة و ان كانت ميتسوبيشي عدلت عليه

معاك ان المايفك هو بالفعل تكنولوجيا توقيت الصمامات المتغير و بالفعل فيات هي اول من طبقة في السيارات لكن الفكرة نفسها موجوده من 1920 و كل شركة معدلاه حسب فلسفتها و دي بحد ذاته تطوير بدليل ان نظام بي ام مختلف عن الهيونداي
http://en.wikipedia.org/wiki/Variable_valve_timing

و احنا لو هنفكر بطريقتك يبقي العربيات كلها كراسي و اربع عجلات و دريكسيون و موجودة من زمان يعني كل العربيات الموجوده حاليا دي دقة قديمة و مفيش فرق بين بي ام و شيري و كله محصل بعضة و طبعا الفضل يعود الي مستر ديملر.

و من كلامك نفدر نقول كرايسلر هي صاحبة الفضل علي ميتسوبيشي و ميتسوبيشي صاحبة الفضل علي هيونداي و بروتون و عربيات صيني كتير و هيونداي معاها كيا
و حيث ان فيات دلوقتي هي صاحبة الفضل علي كرايسلر يبقي هي صاحبة الفضل علي ميتسوبيشي و هيونداي و كيا و بروتون و عربيات صيني كتير
ده طبعا غير الفيراري و الالفا و اللانشيا و المازيراتي
ده الفيات دي طلعت ميه من تحت تبن و احنا مش عارفين علي كده

[فادى]

يا أستاذ حورس حضرتك مفهمتش قصدى كويس,
كرايزلر هى التى أتاحت لميتسوبيشى الانتشار, قبلها كانت ميتسوبيشى تبيع فى سوقها المحلى فقط, و لم يكن لها وجود عالمي, لذا فانه لولا كرايزلر لما كانت ميتسوبيشى, و لولا ان سيارات ميتسوبيشى بيعت تحت اسم كرايزلر فى البداية, لما بيعت أصلا, تماما كما تباع سيارات دايو الرديئة تحت اسم شفروليه, فلولا علامة شفروليه عليها لما اشتراها أحد.
ليس معنى ذلك ان سيارات ميتسوبيشى تحمل فى طياتها تكنولوجيا جبارة جعلت كرايزلر تشتريها, فلم أسمع ذات مرة أن ميتسوبيشى تنتج سيارات جيدة (و لا كرايزلر أيضا), بل كانت السياسة الأمريكية تقتضى بتقوية مراكز الشركات اليابانية عالميا لضرب المنافسة الأوروبية, و لم تعرف ميتسوبيشى بأى نوع من الهندسة و لا السيارات جيدة التصميم فى هذا الوقت (و حتى الأن تعتبر ميتسوبيشى أسوأ اليابانيات و كرايزلر اسوأ الأمريكيات).
و صحيح أن ميتسوبيشى كانت تبيع 75000 سيارة قبل كرايزلر, و لكن مبيعاتها قفزت الى 260000 سيارة مع كرايزلر أى زيادة ثلاثة أضعاف فى سنة واحدة!!!! فهل كانت تكنولوجيا و هندسة ميتسوبيشى العظيمة التى لم يشهد العالم لها مثيلا بعد (ده كفاية البومة يا راجل معجزة تكنولوجية!) تنتظر تحت الرماد فى اليابان لمن يكتشفها؟!
كرايزلر كانت تريد انتاج سيارات صغيرة و رخيصة و لذا فان كلفة شراء ميتسوبيشى و تصنيع هذه السيارات فى اليابان أرخص من تطويرها و صناعتها فى الولايات المتحدة, كما أنه من غير المنطقى الاستعانة بالشركات الأوروبية و الدخول فى شراكة معها (و هى الخبيرة فى صناعة السيارات المدمجة), لذا فان تقديم الدعم الى شركة يابانية ناشئة هو الحل الأمثل.

و احنا لو هنفكر بطريقتك يبقي العربيات كلها كراسي و اربع عجلات و دريكسيون و موجودة من زمان يعني كل العربيات الموجوده حاليا دي دقة قديمة و مفيش فرق بين بي ام و شيري و كله محصل بعضة و طبعا الفضل يعود الي مستر ديملر.

نحن لا نعاير الشركات, ما قلته ان استخدام تكنولوجيا توقيت الصمامات المتغير و الCVT ليس دليلا على التقدم, كما أن استخدام الكامات العلوية ليس انجازا فى العصر الحالى, مع انه كان فتحا تكنولوجيا منذ 40 سنة, و معظم سيارات ميتسوبيشى خارج اطار الزمن (مثل معظم اليابانيات), و اليك مثالا قريبا حيث لم تعرف ميتسوبيشى نظم الحقن الالكترونى الا مع البومة (مع انه كان رائجا فى معظم الشركات قبل ذلك بكثير).

و الدليل علي كده ان لما تم الانفصال في التمانينات ميتسوبيشي كانت بتعتبر في قمة مجدها بينما كانت كرايسلر علي شفي الانهيار.

على حد علمى الانفصال كان فى التسعينات بعد هذا التاريخ بكثير, و لكن التعاون استمر لوقت قريب كانت ميتسوبيشى تستخدم فيه مكونات من كرايزلر.
و منذ الانفصال فان ميتسوبيشى هى التى تعانى قبل كرايزلر, صحيح أن كرايزلر تعانى هى الأخرى حاليا, فالشركتين أشبه بالبطة العرجاء, و تقريبا لم نشهد أى انتاجات مميزة لكرايزلر سوى سيارات جيب, و لم نشهد اى انتاج مميز لميتسوبيشى على الاطلاق.

[m_o_sakr]

المشاركة الأصلية كتبت بواسطة فادى تماما كما تباع سيارات دايو الرديئة تحت اسم شفروليه, فلولا علامة شفروليه عليها لما اشتراها أحد.

انا ليا تعليق واحد بس على النقطه دى, عربيات دايو مثل لانوس و ليجانزا كانت تباع فى امريكا تحت اسم دايو و العلامه التجاريه دايو منذ 1996 و حققت مبيعات جيده هناك فى امريكا و بدون علامة شيفورليه, و السيارات الدايو ايضاً تسوق فى العديد من الدول الأوروبيه الغربيه (مش الشرقيه فقط) مثلها مثل العديد من الشركات الكورى و تحت علاماتها التجاريه الكوريه!!!
والعربيات الكورى موجوده فى الخليج و مصر و اوروبا و امريكا و استراليا و كندا و الكثير من الدول المتقدمه و اكيد مش بتتوزع مع علب الزبادى هناك, يعنى فى ناس بتشتريها و تدفع فيها فلوس!!

[horas3000]

المشاركة الأصلية كتبت بواسطة فادى يا أستاذ حورس حضرتك مفهمتش قصدى كويس, كرايزلر هى التى أتاحت لميتسوبيشى الانتشار, قبلها كانت ميتسوبيشى تبيع فى سوقها المحلى فقط, و لم يكن لها وجود عالمي, لذا فانه لولا كرايزلر لما كانت ميتسوبيشى, و لولا ان سيارات ميتسوبيشى بيعت تحت اسم كرايزلر فى البداية, لما بيعت أصلا, تماما كما تباع سيارات دايو الرديئة تحت اسم شفروليه, فلولا علامة شفروليه عليها لما اشتراها أحد. ليس معنى ذلك ان سيارات ميتسوبيشى تحمل فى طياتها تكنولوجيا جبارة جعلت كرايزلر تشتريها, فلم أسمع ذات مرة أن ميتسوبيشى تنتج سيارات جيدة (و لا كرايزلر أيضا), بل كانت السياسة الأمريكية تقتضى بتقوية مراكز الشركات اليابانية عالميا لضرب المنافسة الأوروبية, و لم تعرف ميتسوبيشى بأى نوع من الهندسة و لا السيارات جيدة التصميم فى هذا الوقت (و حتى الأن تعتبر ميتسوبيشى أسوأ اليابانيات و كرايزلر اسوأ الأمريكيات). و صحيح أن ميتسوبيشى كانت تبيع 75000 سيارة قبل كرايزلر, و لكن مبيعاتها قفزت الى 260000 سيارة مع كرايزلر أى زيادة ثلاثة أضعاف فى سنة واحدة!!!! فهل كانت تكنولوجيا و هندسة ميتسوبيشى العظيمة التى لم يشهد العالم لها مثيلا بعد (ده كفاية البومة يا راجل معجزة تكنولوجية!) تنتظر تحت الرماد فى اليابان لمن يكتشفها؟! كرايزلر كانت تريد انتاج سيارات صغيرة و رخيصة و لذا فان كلفة شراء ميتسوبيشى و تصنيع هذه السيارات فى اليابان أرخص من تطويرها و صناعتها فى الولايات المتحدة, كما أنه من غير المنطقى الاستعانة بالشركات الأوروبية و الدخول فى شراكة معها (و هى الخبيرة فى صناعة السيارات المدمجة), لذا فان تقديم الدعم الى شركة يابانية ناشئة هو الحل الأمثل.

انا فاهم قصدك يا زعيم
بس كون ان ميتسوبيشي جاتلها فرصة للانتشار بدري ده مش معناه انها لولا كرايسلر مكانتش هتنتشر علي الاطلاق
و بالنسبة لدايو فهي موجوده من قبل ما جنرال موتورو تشتريها و الناس كانت بتشتريها و هي ملك نفسها حتي في امريكا و بيعها لجنرال موتورز اللي بتنزلها تحت اسم شفرليه ده لظروف معينة زي اللي بتمر بيها ميتسوبيشي دلوقتي و علي فكرة دايو لسه بتنزل باسمها في بعض الاسواق زي سوريا علي سيل المثال.
و اسمحلي كلامك ان ميتسوبيشي معملتش عربية جيدة ده فيه اجحاف و افتراء كبير لان لولا انها بتعمل عربيات كويسة مكانتش كرايسلر اشترت فيها اسهم و استغلت عربياتها في امريكا السوق الاكبر علي الاطلاق و اللي المنافسه فيه مبترحمش و لو كانت كل عربيتها غير جيدة زي ما بتدعي مكانتش عملت اسم. و انت بكلامك ده بتهين ذكاء فئة كبيرة من الناس اللي عندهم العربية و مقتنعين بيها و بمميزاتها.

المشاركة الأصلية كتبت بواسطة فادى نحن لا نعاير الشركات, ما قلته ان استخدام تكنولوجيا توقيت الصمامات المتغير و الCVT ليس دليلا على التقدم, كما أن استخدام الكامات العلوية ليس انجازا فى العصر الحالى, مع انه كان فتحا تكنولوجيا منذ 40 سنة, و معظم سيارات ميتسوبيشى خارج اطار الزمن (مثل معظم اليابانيات), و اليك مثالا قريبا حيث لم تعرف ميتسوبيشى نظم الحقن الالكترونى الا مع البومة (مع انه كان رائجا فى معظم الشركات قبل ذلك بكثير).

كون ان الشركات بتتبني التكنولوجيا متاخره خير انها لا تستخمدها علي الاطلاق. و البوما مش اول عربية تستخدم تقنية الحقن المباشر بل الجالانت سنه 97 قبل تويوتا و نيسان و فولكس و الفا روميو يعني مش خارج اطار الزمن ولا حاجة
http://en.wikipedia.org/wiki/Mitsubishi_GDI

المشاركة الأصلية كتبت بواسطة فادى على حد علمى الانفصال كان فى التسعينات بعد هذا التاريخ بكثير, و لكن التعاون استمر لوقت قريب كانت ميتسوبيشى تستخدم فيه مكونات من كرايزلر. و منذ الانفصال فان ميتسوبيشى هى التى تعانى قبل كرايزلر, صحيح أن كرايزلر تعانى هى الأخرى حاليا, فالشركتين أشبه بالبطة العرجاء, و تقريبا لم نشهد أى انتاجات مميزة لكرايزلر سوى سيارات جيب, و لم نشهد اى انتاج مميز لميتسوبيشى على الاطلاق.

تقنيا الانفصال التام لم يحدث لان التعاون مستمر و حتي الان لكن الانفصال اللي قصدي عليه هو تسويق موديلات ميتسوبيشي تحت اسم كرايسلر.و علي فكرة سنة 1980 ميتسوبيشي اشترت فرع كرايسلر بحالة في استراليا و انشات ميتسوبيشي موتورز استراليا يعني كانت هي الاقوي ساعتها. برضه مقولتك ان ملهاش انتاج مميز هضم لحقها و راجع كده و شوف اللانسر و الباجيرو كانو بيعملوا ايه في الراليات و ما نتج عنهم للانتاج التجاري زي الباجيرو و الايفو و الاوتلاندر.

المهم انا عارف العلاقة بينك و بين العربيات الاسيوية و عارف ان النقاش معاك مش هينتهي بخصوص الموضوع ده لكن ده مش مبرر انك تتحامل عليهم للدرجة دي. علي الاقل معظمهم مستواه في صعود او مستقر و ده شيئ يحسب لهم علي عكس ماركات اخري مستواها متذبب و وجودها بقي محصور في مناطق بعينها

[فادى]

كده الاوربيين كلهم تقريبا انتمو مع الاسيويين معادا فيات الخايبة اللى رايحة تانتم مع كريسلر الخايبة التانية ليكونو اتحاد الخيبانين الاكبر

لا الموضوع هنا مختلف, فيات اشترت حصة فى كرايزلر و هو ليس تحالفا بل هو اقرب الى شراء أصول شركة للاستفادة منها, و الاستفادة هنا هى الدخول السريع للسوق الأمريكى عبر شبكة موزعين و مصانع جاهزة للعمل بدلا من بناء شبكة توزيع و مصانع جديدة, أما كرايزلر فمكسبها هو بقائها على قيد الحياة فقط بعد أن كانت على حافة الافلاس. بس ممكن نقول الفرنسيين فقط "انتموا" مع الأسيويين لكن لم نشهد أى تحالف أخر بين الألمان أو الايطاليين و بين الأسيويين.

كون ان الشركات بتتبني التكنولوجيا متاخره خير انها لا تستخمدها علي الاطلاق. و البوما مش اول عربية تستخدم تقنية الحقن المباشر بل الجالانت سنه 97 قبل تويوتا و نيسان و فولكس و الفا روميو يعني مش خارج اطار الزمن ولا حاجة

انا قلت الحقن الاليكترونى و ليس الحقن المباشر, الحقن المباشر حاجة تانية خالص و ليس بالضرورة أن يكون الكترونيا, فمرسيدس كانت تستخدمه فى الخمسينات بدون الكترونيات!