#11
|
||||
|
||||
رد: حكايه كوبرى اكتوبر و الانوس و ونش المرور
الحمد للة على السلامة للوالد وفدا 100 عربية المهم هوة بخير
|
#12
|
||||
|
||||
رد: حكايه كوبرى اكتوبر و الانوس و ونش المرور
قدر الله و ما شاء فعل و الحمد لله علي سلامة الوالد
__________________
Sharief Mansy
Farewell my Cayenne, you were the best car i ever had and driven |
#13
|
||||
|
||||
رد: حكايه كوبرى اكتوبر و الانوس و ونش المرور
الف سلامة على الوالد يا احمد والحمد لله انها جت على قد كدة
بس بدام انت زعلان اوى ان الونش اتأخر عليك يبقى لازم احكيلك الموقف المهبب ده مع انى مبحبش افتكرة اساسا من حوالى سنة وزيادة كنت واخد المدام ورايح كارفور اللى فى اول طريق مصر اسكندرية واخدت الدائرى تمام التمام وبعدين المحور وكان اياميها لسه الطريق بايظ من القواطع الحديدية اللى فيه وكانو بداؤ تقريباً اول مرحلة وواخدين جزء من الطريق بيشتغلو فيه والناس ماشية فى الباقى المهم انا ماشى على الطريق بسرعة عاديه (سرعة اللى حواليا) وفجاء لقيت ورايا 2 ميكروباص من التويوتا الجديد شادين ورا بعض وعمالين يقلبو انوار وعايزين يعدو منى (بصراحة فى الاول انا كنت فاكر انه ميكروباص واحد) انا قدمى فاضى وعلى اليمين عربية سيات او حاجة كده ماشية زى السحلفة المهم اخدت يمين ورا السيات وهديت جامد لسرعة اقرب من سرعتها علشان اعدى عم المتصربع ده وبعدين ارجع تانى لحارتى وسرعتى وقد كان بس اول ما عديتة وبرجع تانى للشمال وكان لازم ارجع لان العربية السيات ديه كانت تقريباً شبة واقفة مش ماشية بسرعة خالص لقيت ان فيه غبى تانى بيجرى ورا الغبى الاولانى وعايز يلحق يعدى وراه هو كمان طبعاً كان مستحيل ارجع لليمين تانى والا هلبس فى السيات وضيقت عليه المساحة علشان ميطلعش من شمالى لكن برضو بكل الغشم والغباء اللى فى الدنيا زنق نفسة على شمالى وطار من جمبى وواخد معاه جمب العربية كله طبعاً شىء مرعب ان تلاقى حد بيعدى من جمبك بالغباوه وديه ويكمل ويجرى عادى كانة زقك وجرى وفى لحظات تماسكت نفسى والعربية وتاكد ليا انه بيجرى لسه وعادى برضو مكمل طريقة وانا اخدت كتف غير قانونى والحكم مش واخد بالة وكمل لعب بصراحة معرفتش افكر او اعمل اى حاجة غير انى ادوس بنزين علشان اجيبة عصرت الدواسة وحرقت وجزيت على سنانى وجبتة وزنقت علية لحد ما وقفتة لو حد جرب يجرى ورا حد زى لعبة most wanted كده هتشوف بعد مخاطرة زى كده انت هتبقى نازل عامل ازاى ادرانالين فى كل جسمك عصبية وتهور ومستحيل تفكر وده اللى حصل فعلاً بدون تفكير نزلت اضرب الكائن اللى كان راكب العربية بس للاسف كان من النوع الحلوف فالضرب مكانش من اتجاه واحد ptmnlo123per184 بعد فاصل من الضرب والشتيمة والتهليل نيجى للمهم اتصلت بالنجدة محدش بيرد !! اتصلت تانى محدش بيرد !! المحور وقف وصاحبنا بتاع الميكروباص حب يهرب روحت راجع بضهرى لازق الاكصدام فى الاكصدام ودب دب وشتيمة وزعيق وبردو التليفون مبيردش بعد حوالى ربع ساعة محاولات اخيراً رد " الو فيه حادثة فى الطريق والطريق واقف وعايزين النجدة بلابلابلا بلا طيب ماشى حاضر من عنينا الاتنين " حللنى اتصلت تانى وتالت ورابع والناس كان على وشك الانفجار وانا عربيتى تمشى بس الجنب الشمال مطبق خالص ومش هينفع امشى الا لما اعمله محضر انا دماغى قفلت على كده وخلاص بعد ساعة الا شوية فوجئت بعربية نجدة جاية من الناحية التانية وبردو كانت جاية بالصدفة وقفتة وحكيتلة الحكاية واخد بطايقنا احنا الاتنين ورخصنا وحصلونى على النقطة طبعاً هو كان فى الناحية التانية وانا العكس فعقبال مالفيت كان تاه منى وحتى بتاع الميكروباص ملقيتهوش مشيت ادور على النقطة مش لاقى طبعاًُ نسيت المحضر وكل حاجة وبقى همى فى البطاقة والرخصة اللى اخدهم الظابط اتصلت وسالت وركنت مفيش غير نقطين فى محيط المكان اللى انا فيه والظابط مش فيهم اتصلت وسالت ووووو طلع ان ادارة النجدة فى المهندسين بعد نادى الصيد كده روحت دخلت سالت فيه ظابط اسمة فلان الفلانى فين ده مشى مشى فين ؟ مشى روح !!! عادى كده روح طيب ممكن تليفونة اه اتفضل اتصلت بالبية وتفضل مشكوراً بانة اداى ميعاد اروح اخد منة البطاقة والرخصة طيب يا سعادة الباشا بتاع الميكروباص عملت معاه ايه ؟ (الظابط) مشيتة (انا) ليييييييييييييييه ptmnlo123per155 (الظابط) كنت هعمل ايه ديه صاج فى صاج لو كان فيه اصابات ولا حاجة كان هيبقى فيها كلام تانى !!! (انا) طيب انا عايز حقى (الظابط) قالى طيب هتروح تعمل محضر فى قسم العجوزة (مش متزكر قسم ايه بالظبط بس كان حاجة بعيدة ) (انا) طيب ممكن لو سمحت رقم البطاقة بتاعتة والرخصة (الظابط) لاء انا مسجلتش ارقامة بس لو عايزها اجيبهالك مفيش مشكلة طبعاً اى كلام فى اى كلام وقعد يصعب عليا انى اروح اعمل محضر واتأكد انى محكيتش موضوع انه اخد الرخصة والبطاقة وروح لحد فى القسم وسلام سلام من يوميها عرفت وتأكد فعلاً ان انا اكيد اكييييييييييد فى مصر |
#14
|
||||
|
||||
رد: حكايه كوبرى اكتوبر و الانوس و ونش المرور
الحمد لله علي اد كده يا احمد ممكن يكون سرح او حاجه
و اهم حاجه انه كويس و الخسائر في العربيه مش كبيرة الحمد لله و ربنا يعوض عليكم
__________________
my peugeot 306 gti6
|
#15
|
||||
|
||||
رد: حكايه كوبرى اكتوبر و الانوس و ونش المرور
مصر ام الدنيا يا وائل لازم تحسسك بحنيتها ولا ايه
__________________
my peugeot 306 gti6
|
|
|