مقارنة بين أرخص وأشهر سيارتيين سيدان بالسوق المصرى (شيفروليه لانوس، وهيونداى فرنا)

المشاركة الأصلية كتبت بواسطة dr.amr طب حضرتك بص رايي من الاخر الفيرنا :تقفيل مصري وتجيب نيو اكسنت افضل الانوس :بقلها 10 سنين نفس الشكل ونفس كل حاجه وتقفيل مصري لوجان : عربية تقريبا بتيجي من المغرب ... لوجان لو حبيت تحط فيها مسمار واحد مش هيكون الا اقل من 4 سنين على الاقل واللوجان كمان بدات تنتشر وسعرها معقول وعربية جميلة ومواصفات احسن _________________________ ____ ربنا يوفقك لما فيه الخير

هوه حضرتك جربت تحط مسمار في اللوجن وقعد 4 سنين زي ما بتقول اذا كانت العربية كلها علي بعضها مبقلهاش سنة يا ريت يكون الكلام علمي وعلي اساس مينفعش نحكم علي عربية مبقلهاش سنة في السوق وبعدين حد قالك ان الفيرنا بتحط فيها مسمار وتلاقيه وقع تاني يوم ولا حاجه العربية بسم الله ما شاء الله زي الفل وبعدين الفيرنا عاملة 62000 لكن النيو اكسينت عاملة 84000 يعني فرق 22000 جنيه انتا اولي بيهم وكمان شكل الفيرنا بالنسبالي احلي من شكل النيو اكسينت وكمان انا مبحبش النيو اكسينت لان عملو كل حاجه فيها 10 / 10 وسابوا اهم حاجه وهي عداد الحرارة وديه بالنسبالي كارثه

[hazem_khidr]

العربيتين كويسين و شوف انت مرتاح لاي واحده فيهم
انا عن نفسي بحب الفيرنا عن اللانوس
و دا مش عيب في اللانوس بالعكس هو ارتياح
و بالنسبه للموتور فموتور اللانوس من اقوي مواتير عصره و اكثرها اعتماديه

[_amr.mostafa_]

المشاركة الأصلية كتبت بواسطة corsair قالك ان الفيرنا بتحط فيها مسمار وتلاقيه وقع تاني يوم ولا حاجه العربية بسم الله ما شاء الله

انا مقلتش كده وياريت مفيش داعي للعصبية ده رايي

انا قلتو للاستاذ ..ولا جبت سيرت الفيبرنا غير انو هي تقفيل مصري

وحتى الشركة بطلت تنتج من الموديل ده اللبي هو الفيرنا بس في كل دول العالم تقريبا

اسمها هيونداي اكسنت الا مصر ونزلو شكل جديد زي اي عربية بس في مصر عشان الربح

سموها فيرنا واكسنت
_________________________ _______
وعداد الحرارةفي كذا عربية مش دي بس تقريبا في السيراتو كمان

[eskenderiya]

هيونداى فرنا

[luckyman]

بكل حيادية وبدون انحياز وعن تجربة شخصية دة تقيمى
دعنى اتفق معك اولا ان لكل سيارة ما لها وما عليها وبالتالى
لكل منهما خصائص والخيار لك ايهما انت تفضل وليس ايهما افضل
اولا السيارتان تقريبا من نفس الفئة الا ان اللانوس تتفوق على الفيرنا من حيث طول قاعدة العجلات وبالتالى ابعاد اللانوس اكبر وتلاحظ ذلك بشكل ملحوظ فى الحيز الداخلى وخاصة المتوفر لارجل ورؤس المقعد الخلفى الذى هو الفيرنا فى منتهى الضيق بعكس اللانوس التى هى اوسع والمقاعد افضل اى توفر راحة داخلية افضل
من ناحية اجهزة التعليق والعفشة تتفوق هنا بشكل ملحوظ ومحسوس الفيرنا على اللانوس التى تتوفر بتعليق خلفى شبة مستقل ومزودة بنوابض او مساعدين مرنة جدا مما يؤثر بالسلب على اداء السيارة من ناحية التماسك والثبات خصوصا فى الطرق السريعة وحتى على السرعات المنخفضة نبض مرن بشكل مزعج مما يبعد عنها اى شعور بالتادية الرياضية
بعكس تماما الفيرنا التى تاتى بنظام تعليق مستقل خاصة للعجلات الخلفية ونوابض متوسطة القساوة مما يعكس اداء متماسك وثابت
المحركات تاتى اللانوس بخيار وحيد وهو 1500 سىسى يوفر عزم لاباس بة مناسب وقادجر على بلوغ سرعات عالية لكنة محرك مريح جدا لانة يستخرج قدر كبير من عزمة عند عدد لفات لا يتعدى 3000 لفة لكل دقيقة واقصى عزم تقريبا عند 3400 مما يعطى راحة فائقة على السرعات البطيئة والمتوسطة وتسارع جيد بعكس الفيرنا التى تاتى بخياران 1500 سى سى و 1600 سىسى ونستبعد خيار الاول ذو 1500 لانة اثبت عدم كفاءتة بالاسواق غير انه انتج منة عدد لا بأس منة معيب وبالتالى نتكلم عن محرك 1600 هو محرك عصبى جدا نشط يوفر للسيارة نسبة وزن للقوة عالية فى فيئتها ولا غبار علية
علبة تروس اللاانوس فقط يدوية كسوله بعض الشىء فى نطاق معين من اللفات لكن ما تلبس ان تختفى الضعف وتنطلق بك سريعا
الفيرنا امامك خياران احدهما يدوى يتفاعل جيدا مع المحرك مما يوفر قيادة بنكهة عصبية رياضية لا غبار علية كذلك الحال بالنسبة لصندوق السرعات الاتوماتيكى سريع الاستجابة خصوصا ان المحرك ينتج طاقة عالية نسبة الى وزن السيارة وبالتالى يتفاعل جيدا بين النقلات
مستوى التشطيب والجودة متقاربتان ذات جودة متوسطة مقبوله حال معظم التجميع المحلى لكن هذا ربما يعوض عنك بقطع غيار متوفرة فى كل مكان باسعار زهيدة وصيانة ليست معقدة
والان ليس ايهما افضل او اسوأ فلكل سيارة سيدى ما لها وما عليها والسؤال الان ىايهما تفضل انت ؟؟ ولك منى فائق الشكر والاحترام ودمت بود
<!-- / message -->