فيرنا 2008 ولا 516 جديدة ؟

[osa92003]

الجديد جديد وهاتحس بالفرق وبالعقل كده واحد بيبيع عربيه 2008 ليييييييييييييييييييييييي يييييه ؟؟؟؟الا اذا كان طلعت عينيها

[ezzat2002mo]

المشاركة الأصلية كتبت بواسطة osa92003 الجديد جديد وهاتحس بالفرق وبالعقل كده واحد بيبيع عربيه 2008 ليييييييييييييييييييييييي يييييه ؟؟؟؟الا اذا كان طلعت عينيها

ياباشا مش مقياس يعنى عندك واحد بيبيع اوكتافيا 2008 تقول عليها برضه طلعت عينيه ممكن يكون محتاج فلوس او بيجدد او اي سبب تانى لازم ندى النصيحه كامله مش بالتخمين وكمان الفيرنا عربيه جامده وموتورها تمام وبيعها طلقه اما الاسبيرانزا شوفها بعد سنتين بتنزل 15 الف على الاقل وياريت بتتباع على طول لانها مش بياعه فى المستعمل وانا مش باعيب فيها هيه منتشرة وفى ناس بتشكر فيها برضه المهم الاستاذ اللى بيسال يفكر كالتالى :
1- انهى عربيه شكلها عاجبه اكتر ثم
2- العربيه هتقعد معاة كام سنه (مع العلم ان ال516 مش بياعه وبتنزل جامد)
3-حاله الفيرنا لازم يتكشف عليها كويس قوى ويشوف حاله وقوة ضغط الموتور ويشوفها عامله كام كيلو يعنى الطبيعى فى حدود 17الف فى السنه لواقل يبقى كويس
4- يصلى استخارة على اللى هايشتريه ويتوكل على الله ومايسمعش كلام حد بعدها والخيرة فيما اختارة الله .

والسلام عليكم

[ENG.Bahaa Nagy]

انا ارشحلك الفيرنا. عن تجربه عربيه ممتازه وموتور جبار واعطال قليله وقطع غيار متوفره ورخيصه واستخير الاول وده الاهم

[طارق السحت]

اشترى الاسبيرانزا A516 ومش هتندم انشاء الله ودى عن تجربه ،،وربنا يوفقك

[lawyer9]

انا كنت فى نفس موقفك دا من سنه تقريبا وكنت محتاس دى ولى دى
بص يا باشا الفيرنا بكل أمانه عربيه ممتاذة جدا جدا جدا جدا هقولها تلت ايام
عيبها الوحيد الصاج الخفيف ودى الحاجه الوحيدة إلى بتتفوق عليها الاسبرنزا فيها
غير كدا دور العربيه وامشى وانسى اى حاجه العربيه قليلة الاعطال وموفرة فى البنزين وقطع غيارها رخيصه ومتوفرة عند البقالين
الأسبرنزا حلوة بس قطع غيارها أغلى كمان مش أى حد يشتغل فيها
وعلى فكرة رغم فرق اتلحجم بين الموتور فى الفيرنا والاسبرنزا لصالح الأسبرانزا إلا ان موتور الفيرنا أقوى كمان لو بصيت كويس على الموتورين هتلاقى تلت اربع موتور الاسبرنزا فيبر
رأيى توكل على الله وهات فيرنا والله أعلم