حيرة بين اللانوس ولا سبيرانزا m11

[@واحد من الناس@]

اشترى M11 أحسن وأهو تغير

[بدر بسيونى]

المشاركة الأصلية كتبت بواسطة elmanahry اشكر جدا كل من رد على اعضاء عظماء فعلا انتم اساتذه والاستاذ بدر كالعادة الرد الموسوعى والعزيز SAM RAM طرح كل اللى فى دماغى لان بصراحة انا عندى لانوس 2003 والسيارة اعتنيت بها صيانة وكيل عاملة 35 الف فقط غيرت سيور بالكامل فى التوكيل ركبت لها جهاز انذار ومكن رفع زجاج واخيرا البوجيهات الجديدة NGK IRIDIUM IX وذودت السحب ولكن لان كل مشكلتى معاها الثبات والاتزان وبصراحة برغم حبى لهذه السيارة طمعان فى الاقوى والاكثر ثبات هل اعملها ابيع اللانوس واشترى M11 ولا خلينى على الا انا فيه وابطل طمع واسف انى حيرتكم معايا

استاذى الفاضل المناهرى انا حسيت من كلام حضرتك انك عاوز تغيير تجديد بس هدف التغيير الاساسى مااعتقدش ان الاسبيرانزا مع احترامى لها او الصنى او اى عربية تحت ال100 الف حترضى رغبتك وده بصراحة مطلقة الثبات والقوة فى الاساس فى مصر فوق 100 الف بسبب الضرائب والجمارك المصرية فانا لو مكان حضرتك فكرة التغيير من الانوس للاسبيرانزا مش هى اللى حترضى رغبتك وده حسب ماوصلى بس اللى حضرتك عاوز ابتداء من الكروز والسيتى وممكن الالنترا والسيراتو فبلاش تغييرها طالما مش حتقدر تغيير للحاجة اللى حضرتك محتاجلها فعلا واى استفسار انا تحت امرك

[elmanahry]

شكرا جزيلا بدر باشا على ذوقك وردك النبيل فعلا اللى فى دماغى عايز اكثر من 100 الف ويمكن اكتر بكتير ولكن لان المادة قليلة ففكرت فى ال m11 سيادتك لمست لب الموضوع وشكرا جزيلا ارجو من سيادتك اذا اتيح لك فرصة لقيادة سيارة m11 تديبنى خبرة او اصبر واكتفى باللانوس

[بدر بسيونى]

المشاركة الأصلية كتبت بواسطة elmanahry شكرا جزيلا بدر باشا على ذوقك وردك النبيل فعلا اللى فى دماغى عايز اكثر من 100 الف ويمكن اكتر بكتير ولكن لان المادة قليلة ففكرت فى ال m11 سيادتك لمست لب الموضوع وشكرا جزيلا ارجو من سيادتك اذا اتيح لك فرصة لقيادة سيارة m11 تديبنى خبرة او اصبر واكتفى باللانوس

انشاء الله لو سوقتها حبلغك وبرضه الانوس حلوة وربنا يباركلك فيها وشكرا لحضرتك

[Prince2003]

السلام عليكم

أنا خبرتى ضعيفه فى العربيات بس بقترح اضافة اللوجان ضمن الاختيارات.

عربية أوروبى تقفيل مغربى (جيد) + سعرها 67000 + كماليات جميلة + 1600cc + واسعة من الداخل +شكلها مقبول لمعظم الناس + كفاية أن معليهاش جمارك

وصلى أستخارة و ربنا هيعينك على الاختيار الانسب ليك