|
برليانس Brilliance بريليانس Brilliance من الشركات الصينية الجديدة التى حققت نجاحاً كبيراً فى فترة صغيره نتجية تعاونها مع الشركة البافارية وتقديمها لموديلات بجودة متميزة وتصميمات حديثة اوروبية الطابع BS6 -BS4 - BC3 - FRV - سبليندور |
|
أدوات الموضوع |
#11
|
|||
|
|||
رد: انا جيبتلكم النهارده اسعار قطع غيار FRV بريليانس
شكرا ياغالى
على المجهود المبزول ومنتحرمش من مجيبك الحلوة دة بس عايزين منك المرة الجاية تيجيب لنا اسعار ارخص شوية اوعة تزعل انا بضحك معاك اشرف |
#12
|
|||
|
|||
رد: انا جيبتلكم النهارده اسعار قطع غيار FRV بريليانس
مساء الخير على فكرة انا قريت لحضرتك كلام كتير بخصوص البريليانس وكمان ال frv وملاحظ انك متحامل اوى على العربية على الرغم انى لم اجد فرد واحد من ملاك العربية اشتكى منها وانا ان شاء الله هكون من ملاكها قريب بس هتكون ال fsv ان شاء الله وكمان انا مستغرب انك لسه واقف عند حكاية النجمة الواحده بتاعت اختبار التصادم رغم ان كتير فى المنتدى قالوا انها اتعدلت وعاوز اقولك ان اختبار الامان ده بيكون فى سرعات متوسطة بغض النظر عن العربية لكن بقى فى حالة السرعات العالية ربنا وحده هو اللى بيستر ممكن تبقى عربية واخده خمس نجوم وتتبهدل وكمان ممكن اللى فيها يموت من الخضة هههههههه وكمان انا شفت كلام عن قطع الغيار بالنسبة لناس كتير فى المنتدى انها غالية وانت بتشكر فى الاسبرانزا ام 11 وعلى فكرة تلت تربع ملاكها بيشتكوا منها وكمان الاسبرانزا قطع غيرها غالية طحن الفرق الوحيد بينهم ان ابو الفتوح سوق عربياته صح بعكس البافارية اعتمدت فقط على انها وكيل بى ام دبيلو لكن هما حاليا بداو يتداركوا انهم مخطئين وبدأو فى تنزيل سعر العربيات وكمان يعملوا اوفر على العربيات وده اللى خلانى ان شاء الله هجيب ال fsv .....مثلا لو هنقارن الرينو ميجان موديل 2004 و2005 و 2006 اللى انا كنت هشترى واحده منهم من قريب وعلى فكرة العربية دى واخده خمس نجوم فى الامان يعنى المقارنة مش بتتحسب بحكاية اختبار الامان .. لان الميجان ناس كتير بالمنتدى خوفونى منها وانا لم اقتنع بكلام حد غير ملاكها وبنفس الطريقة اقتنعت من ملاك البريليانس انها عربية قوية وثابتة انا عارف انى اتكلمت كتير لكن الخلاصة اللى انا حابب اقولها ان محدش يحكم على عربية بانها صينى او هندى او كلام من ده لانها مش لعبة اطفال من الصين هتتكسر وتترمى لا دى عربية وليها معايير مختلفة وانا اتمنى ان يكون اللى هيبدى رايه فى العربية يكون من ملاك العربية وفى النهاية احب اقول ان اختلاف الراى لا يفسد للود قضية واتمنى انكم تتقبلوا كلامى بصدر رحب واسف على الاطالة |
#13
|
|||
|
|||
رد: انا جيبتلكم النهارده اسعار قطع غيار FRV بريليانس
بالنسبة لحكاية اعظم شركة او لا فاولا محدش فينا عايش فى الصين هههههههههه ثانيا الشركة دى هى مصنع البى ام دبليو فى الصين وانا مش هعلق اظن كده محدش يقدر يتكلم لو شركة اى كلام مكنتش بى ام خلتها تصنع عربيتها فيها ثالثا لو تعرف الميركوباص اللى اسمه جين بى اللى ملا الشوارع فى مصر كلها فده من انتاج شركة بريليانس وهو من اكتر الميكروباصات مبيعا فى الصين وكمان بيستخدم فى الصين فى الاسعاف ووغيرها يعنى منتجات الشركة بتدل اذا كانت شركة عريقة او لا وبرضة اختلاف الراى لايفسد للود قضية مع العلم ان الكلام اللى انا كتبته ده مش رايى الخاص ده معلومات مؤكده العالم كلها عارفها واسف انى طولت |
#14
|
||||
|
||||
رد: انا جيبتلكم النهارده اسعار قطع غيار FRV بريليانس
السلام عليكم و رحمة الله و بركاته و كل عام و أنتم بخير بمناسة قرب حلول شهر رمضان الكريم أعاده الله عليكم و على جميع المسلمين بالخير و اليمن و البركات. أنا قريت مرة فى الأهرام أن العربية البريليانس فعلا تكنولوجيا بى ام , حتى انا كنت قريت فى الأهرام برضه أول ما الجالينا نزلت مصر أن المدير الألمانى بتاع بى ام اللى فى مصر عنده عربيتين: بى ام الفئة السابعة و بريليانس جالينا و أنه بيركب كل واحدة منهم أسبوع - أكيد عشان اما يركب البريليانس, يعرف قيمة البى ام الفئة السابعة اللى معاه - و أنا عن نفسى لما بشوف البريليانس جالينا و هى ماشية فى الشارع عندنا فى المنصورة , بحس أنها مازيراتى أو جاجوار, بس لما بفوق من الحلم ده و أفتكر أنها عربية صينى, نفسى بتتصد منها مش عارف ليه ؟؟ يمكن عشان أنا ثقافتى فى العربيات اللى هى الجيل القديم قبل ما يبقى فيه كورى و ماليزى و صينى و الكلام ده, أو أن أنا ماعرفش عن البضاعة الصينى الا الحاجات الرخيصة اللى بتشتغل كويس طول ما الواحد بيتعامل معاها كويس و أول ماتبوظ بتترمى , مش عارف بالظبط؟؟؟؟؟؟؟ بس بالنسبة لقطع الغيار بتاعتها , أسعارها مباااااااااااااااااالغ فيها جدا جدا , لأنها كده تبقى مقاربة على أسعار قطع الغياربتاع الألمانى و دى عربية صينى مش ألمانى . مرسيدس
__________________
MERCEDES E-class بسم الله الرحمن الرحيم عَسَى رَبُّكُمْ أَن يَرْحَمَكُمْ وَإِنْ عُدتُّمْ عُدْنَا وَجَعَلْنَا جَهَنَّمَ لِلْكَافِرِينَ حَصِيرًا صدق الله العظيم
|
#15
|
|||
|
|||
رد: انا جيبتلكم النهارده اسعار قطع غيار FRV بريليانس
يا ترا ممكن أعرف الأسعار ديه فين بالظبط ( أشتريها منين )
|
|
|