|
|||||||
 |
|
|
أدوات الموضوع |
|
|||||||
|
|
|
أدوات الموضوع |
|
#11
01-01-2010, 09:50 AM
|
|||||
|
|||||
رد: خارج دائرة الضوء : حرب أكتوبر64 معركة.. انتصرنا في51 بشهادة ديان وكيسنجر وديبويه وبوف وقائد الـ200 قتيل الذين مزعتهم الكتيبة 16 مشاة!
انا كنت مستنى الرد ده بالظبط لان التطبيق اللى حضرتك بتقولة ده هو خلاصة اختلافنا اما كون انتصرنا ونمازج البطولة والبسالة ديه مش محل نقاش اطلاقاً
بس خلينا نحسبها بالورقة والقلم لان مينفعش نتكلم عن احداث بالحجم ده بعد السنين ديه كلها كده بالشبه لما اى حد يقول انتصرت او خسرت فى الحرب ده بيبقى بناء على ايه ؟ مش بيحدد اهداف ولما بينجح فيها بيبقى انتصر ولو فشل بيبقى فشل طيب بسيطة ايه هى اهدافك من حرب 6 اكتوبر خد بالك انت اصلا كنت فى حالة حرب ومعارك الاستنزاف برضو كان فيها بطولات ونجاحات كبيرة دخلت الحرب وانت عندك جاهزية عالية من المعدات والخبراء ونظم التسليح والناس متجندة بقالها سنين وعندها خبرة العمليات قولت انط الناحية التانية واعمل نفسى بحارب بجد (انا بتكلم على النية اللى فوق) وادخل معايا سوريا والعرب كلهم وتبقى هيصة هوب الدنيا تقوم هوب نقعد قعدة عرب ونتراضى ايه السلام التلاكيكى ده بقى انت بتتلكك علشان تعمل سلام متاخد كل ارضك امن حتى اللى اخدتة مش تحصل ثغرة تدخل شارون السويس وبعدين تكلمنى عن سلام الاقوياء طيب حتى لو انت ليك رؤيه ما بتقول ان ده انسب الحلول تخدع سوريا الحليف الاساسى حليف ايه ديه دراعك اليمين وتقولة انا داخل احرر كل ارضى وخش معايا وبعدين تخش 12 كم وتقف وتسيبة هى الحرب ديه مش ساعدك فيها كل العرب وسوريا طبعا طيب انت بس اخدت حقك (ده ان صح) وهما يولعو !!!؟ محدش قال ابادة انت حتى ما اخدتش كل ارضك ولا دخلت فلسطين وبعدين اسرائيل علشان تبقى حرب ابادة وبعدين هما كانو بيضربو مدارس اطفال هنا وبيقتلو اسرى وليهم مذابح فى كل حتة فيه ايه لما تعمل اجتياح كامل لسينا كلها وتقف مع سوريا لحد ما ترجع ارضها وعلى الاقل متعملش معاهدة سلام وتتكلم فى تطبيع الا بعد حدود 67
عندهم حق لما نبقى خمسة سته اخوات حتى ولينا حقوق عند واحد حرامى ونتفق نقوم نضربه وناخد حقنا واخ ياخود حقة ويروح والباقى حقوقة ضايعة لحد دلوقتى قول انت يبقى ايه ؟
فين البقية بقى ؟؟ ايه البقية بالنسبالك باقى سينا بس ولا حدود 67 ولا استرجاع القدس ولا اقامة دولة اسرائيل اصلاً ولا ايه ؟ ايه هدفك من الحرب ؟
وليه دايماً المفروض نقبل اللى يتعرض علينا امال احنا كنا بنحارب ليه مش علشان نملى شروطنا !!! يعنى احنا نسف التراب واجيال بحالها تتبدهدل ولحد دلوقتى بيقولك تخلف من اثر الحروب وبرضو نقبل بشروطهم لا يا سيدى مش هنقبل وزى ما انت حاربت ضد قيام دولة اسرائيل ايام الملك كان المفروض تحارب اسرائيل وتركز مجهودك ضدها بدل ما استنذفت فى حرب اليمن والجزائر ومساندة الثوارات وسياسة المعتقلات لحد ما اتنكست ولا كمان ما اتنكسناش !!! طيب انت قبل النكسه كنت تقدر تعمل منوارات وتحشد قوات فى سينا دلوقتى تقدر تطلع لواء دبابات واحد ؟؟ فين الباقى وفين اللى عايز نرضى بيه ولا يرضو بيه ؟ فين الجولان وشبعة والقدس فين القدس !!! فين حق صبرة وشتيلا وبحر البقر فين حق كل الناس اللى ماتو من قيام دولة اسرائيل لحد دلوقتى فين دم الاسرى اللى اتقتلو بدم بارد فين دم الشهداء مدينين وعسكرين فين ده كله انت راضى بكده خلاص !!!
برضو حضرتك جبت المفيد احنا بلد عاطفى وده اللى مضيعنا وعلشان طيبتنا ديه احتلنا الانجليز ميه سنة واحتلنا الفرنسيين واحتلنا الرومان والهكسوس بفضل الطيبة ديه رحبنا بنابليون وكان فيه ناس بتشتغل فى كمب الانجليز ولمعنا قبه الجامعة لاوباما ونستقبل ونرحب بنتنياهو مش كده وطبعا ده يشمل الغاز واحكام الحصار على غزة
انا مش عايزك تفهم انى ناصرى بس بموضوعية لما تختزل ايدولوجيا وفكر عبد الناصر ومبادىء الثورة والتغيرات الاجتماعية والطبقية تحديداً وكل ما تحمله خطابات عبد الناصر من مؤثرات وقيم الى كلمتين تبقى حضرتك مش موضوعى فى الفقرة ديه خالص وبعدين مين قال ان الناس كانت فقراء ايام عبد الناصر !!؟ بمعنى ايه فقراء وقياساً بايه ؟ يعنى ايام الملكية كانو اغنيا وعبد الناصر فقرهم ايوه حضرتك عندك حق احنا بيضحك علينا بس اكترنا مصدق او عايز يصدق علشان ميحسش بالذنب 
|
|
#12
01-01-2010, 10:27 AM
|
||||
|
||||
|
رد: خارج دائرة الضوء : حرب أكتوبر64 معركة.. انتصرنا في51 بشهادة ديان وكيسنجر وديبويه وبوف وقائد الـ200 قتيل الذين مزعتهم الكتيبة 16 مشاة!
معلش يا أبو نورا أنا ح أتكلم فى نقطه واحده ووضحها السادات مره واحده ( الله يرحمه ) !
احنا لم نخدع سوريا و توقفنا و تركناها تنضرب على قفاها ! همه من أول يوم كانوا تعبانين فى القتال ! و كل أو معظم طياراتهم انضربت ووقعت و كمان الجولان اتاخدت منهم مع أن كل جنرالات العالم قالوا ان من المستحيل ان الجولان تسقط لآنها هضبه مرتفعه و ممكن جدآ تضرب تل أبيب شخصيآ بالمدافع طويلة المدى منها أو بنبله أستكها جامد شويه ! يعنى العيب و الخيبه من سوريا و بترمى بلاها و خيبتها علينا ! ( أقول ذلك و أنا من أصل سورى وأنت تعلم ذلك ) بس الحق مافيهوش ياما ارحمينى ! ثانيآ : السادات اعترف ان سبب توقف الاندفاع فى سينا بعد ال 15 كم أو الممرات الاستراتيجيه هو نقص الذخيره اللى بقيت عندنا ( و ليس نقص السلاح ) ! وقال بالحرف ان كل مدفع كان فاضل خلفه 13 خط ذخيره فقط ! لا تكفى لتطوير الهجوم ! قد تكون دى سقطه فى التحضير للحرب ( وارده ) و قد تكون بسبب كثرة الضرب فى الآيام الآولى و قد تكون بسبب تقاعس روسيا و الدول العربيه عن امدادنا بالذخيره فى الوقت المناسب ! و السادات لم يكن عبيطآ ! يعنى مافيش حد يقدر يقضى على عدوه و فى نص الضرب يقول العفو عند المقدره ! أكيد هوه كان شايف اللى العامه مش شايفاه و هوه لم يكن مطالب بفضح أسرار جيشه أو النقص اللى فيه علشان يرضى بعض الناس أو سوريا أو يتقال عليه خائن ! ما هوه كان موصوم بالخيانه قبل الحرب ! خلاص جتته تنحت و ما عادش يؤثر فيه كلام و هوه كان له رؤيه و حقق مالم يحققه عربى بعد صلاح الدين ( اللى ماكانش عربى بالمناسبه ) ! وأنا لا أدافع عن السادات لآنه لم يعجبنى فى أيامه الآخيره ! ولكن أدافع عن الحق و الحقيقه ! Dr. Bolbolan ptmnlo123per122
__________________
ليت الشباب يعود يوما  فأخبره بما فعل المشيب بى ! ptmnlo123per1127
|
|
#13
01-01-2010, 11:12 AM
|
|||
|
|||
|
رد: خارج دائرة الضوء : حرب أكتوبر64 معركة.. انتصرنا في51 بشهادة ديان وكيسنجر وديبويه وبوف وقائد الـ200 قتيل الذين مزعتهم الكتيبة 16 مشاة!
احب اضيف حاجه واحده بعد الكلام الرائع اللى قاله الدكتور
من سنه تقريبا معمر القذافى على الرغم من كل اللى السادات عمله يعنى لو حد دخل على اليوتيوب هيلاقى السادات كان ممرمط بكرامة القذافى الارض فى العلن ده غير الطائرات المصريه اللى ضربت ليبيا و مع ذلك من سنه واحده بس اعترف القذافى ان السادلت كان ابعد نظر من كل العرب و انه كان بطل و اضاف الله يرحمه
|
|
#14
03-01-2010, 09:47 PM
|
||||
|
||||
|
رد: خارج دائرة الضوء : حرب أكتوبر64 معركة.. انتصرنا في51 بشهادة ديان وكيسنجر وديبويه وبوف وقائد الـ200 قتيل الذين مزعتهم الكتيبة 16 مشاة!
ربنا يعلم قعدت قد ايه ادور على المقطع ده لحد ما لقيته
ده جزء من حوار لعبد الستار الطويلة مع الرئيس السادات ونشر فى كتاب حرب الساعات الست واحتمالات الحرب الخامسة ونشر فى 1975 ده بس تأكيد على كون اشكالية حرب التحرير والتحريك ديه قديمة مش مستحدثة "" سيادة الرئيس .. اثار البعض كلاماً حول هدف المعركة . فقالو انها كانت معركة للتحريك لا للتحرير . وانها كانت حرباً محدودة فماهى الحقيقة ؟ قال الرئيس هذه عبارات من قبيل التلاعب واصطناع الشعارات . ما التناقض بين التحريك والتحرير ؟ ان التحرير هو هدفنا من العركة .. والتحريك هو احد وسائلنا ، وهو يعنى صدم العدو ومن يقف خلفة والعالم كله وايقاظة بالنسبة لقضيتنا لارغام العدو على التراجع . اننا نعلم وندرك ابعاد التوازن الدولى وحساسية منطقة الشرق الاوسط واهميتها بالنسبة للغرب والشرق. ولذلك فان حرب اكتوبر كانت حرباً محدودة تضرب نظرية الامن الاسرائيلى فى الصميم لإدراكنا ان ذلك سيتبعة تغييرات هامة تخطو بنا نحو التحرير الكامل للارض . وفى الامر الاستراتيجى الذى اصدرتة للقائد العام للقوات المسلحة حددت له اهداف هذه الحرب المحدودة فى اربع نقاط : * ارغام اسرائيل على الحرب فى جبهتين * الحاق خسائر بها لم تتكبد مثلها من قبل * الزامها بالتعبئة العسكرية اطول مدة ممكنة * ايقاظ التضامن العربى بحيث يستخدم العرب لاول مرة كافة اسلحتهم فى المعركة وقد تحققت كل هذه الاهداف فى حرب اكتوبر واثبتنا للعالم فساد نظرية الامن الاسرائيلية وابتسم الرئيس لحظة ثم اضاف ضاحكاً: كنا ونحن اطفال فى القرية نتصور ان الملك يلبس قبقاباً من ذهب وقبل اكتوبر كانت نظرية الامن الاسرائيلية قبقاباً ذهبياً من هذه النوع الموهوم والان يعرف العالم كله كما يعرف اصحاب القبقاب انفسهم انه من خشب وان تحطيمة ممكن !! ولكن يا سيادة الرئيس ,, لماذا اخترتم ان تكون الخطة اصلاً حرب محدودة ؟ قال الرئيس: - لا تستطيع ايه قيادة ان تصنع خطة تتجاوز الظروف والامكانيات . ان الشرق الاوسط منطقة ساخنة جداً .. ومجرد تحريك مشكلتة يكفى لايقاظ العالم كله . وكل خطة مسئولة يجب ان تضع فى حسابها الظروف الدولية والامكانيات . سرح الرئيس ببصرة عبر حاجز الشرفة ، واحسست للحظات انه نسينى ، فانتظرت بعض الوقت قبل ان استأنف سؤالة . سيادة الرئيس ,,, هل الامكانيات التى تشير اليها هى السلاح ؟ قال الرئيس : - نعم .. لم يكن تسليحنا على خير حال .. وسأقول لك سراً لم يعرفة احد حتى الأن . لقد دخلنا المعركة ونصف طائرات الهليكوبتر التى عندنا معطلة .، بسبب نقص فى قطع غيارها .. وهى قطع كان يكفى لاستيعابها صندوقان تحملهما طائرة ركاب عادية ، ولكن الاصدقاء السوفييت لم يسعفونا بها . "" انتهى النقل اعتقد الكلام واضح مش محتاج منى تعليق
|
|
#15
03-01-2010, 11:01 PM
|
|||
|
|||
|
رد: خارج دائرة الضوء : حرب أكتوبر64 معركة.. انتصرنا في51 بشهادة ديان وكيسنجر وديبويه وبوف وقائد الـ200 قتيل الذين مزعتهم الكتيبة 16 مشاة!
الكلام كتير اوي يا ابو نورا و انا قريته كله بس اعذرني مش هقدر اعلق علي كل جزء كعادتي ,,, الامتحانات خلاص ,,,
بس انا واضح اني كلامي ما وصلش في المكان المظبوط ,,, يا ابو نورا كان في مشكلة في الذخيرة ,,, ماشي لا جدال طبعا و كلنا عارفين ,,, و دي حاجة لينا مش ضدنا ,,, مين قال ان الارض رجعت كاملة بالحرب ؟ زي ما قلتلك علشان تخرج ناس بالكامل بدون مفاوضات ,,, لازم حرب ابادة تموت لحد اخر واحد ,,, اللي عملته اسرائيل في 67 من النادر حدوثه ,,, انك تضرب في وقت تحس ان اللي قدامك مش متوقع و سوء تنظيم غير عادي ,,, بالتالي الخسار تكون فادحة و بالتالي يحصل انسحاب ... الحرب مكانتش كبيرة حرب عالمية تالتة يا ابو نورا ,,, و الدليل عدد ضحايا ,, 4000 اسرائيلي تقريبا ,,, و برضو مكانتش معركة صغيرة ,,, اسمها حرب و اخدت ايام ... و اخدت جزء محترم ,,, الثغرة لو كانت نجحت 100 % كانت الدبابات الاسرائيلية وصلت القاهرة يا ابو نورا ؟ ولا اسرائيل ليه هتفرط في حته من حلمها الكبير من النيل للفرات ؟! معقول بعد ما اخد حته من التورتة ارجع اسبها ؟! بسهولة ؟ لازم اخد علي دماغي علشان اوافق ,,, جولدا مائير كانت بتعيط ليه وقت الخطاب بتاع السادات ( ده اللي اتصور ) ؟ مش علان خسروا ؟ ,,,,,,,,,,,,,,,, اه ,,, الجملة الاخيرة دي ,,, عملت فرق و نورت لمبة كده في دماغي ,,, هو انت تقصد يا ابو نورا ان الحرب مكانتش بالحجم اللي بيتحكي عنه ؟ ولا تقصد ان الحرب دي كانت مكانتش حرب و هي عملية عسكرية زي بتوع الاستنذاف بس كبيرة شوية ؟ ولا تقصد انها مش حرب اصلا ولا الهوا بس هو اعادة ترتيب اوراق بشكل دبلوماسي ولا كان في حرب ولا يحزنون ؟ لو تقصد الاولي ,,, هقولك ماشي ,,, لان اي حرب هنكسبها هنعد نهللها اكتر منها ,,, بس ده ما يمنعش انها حققت اهدافها ,,, و ارضك رجعت و السبب المباشر هي الحرب دي ,,, لو التانية اقولك لا صعبة شوية ,,, في فرق كبير بين عملية عسكرية Skirmish <<< و حرب علي مسرح عمليات مفتوح الضرب فيه متوالي لايام ... كده يبقي في اختلاف في حجم الحرب انت بتقلل منها زيادة ,,, و الناس بتكبر فيها زيادة ,,, انا رأيي وسط ,,, ان كانت الحرب انتصار علي اسرائيل قوي جداً ,,, بس مكانتش مصر هتقدر تكمل لنقص الذخيرة زي ما انت قولت ,,, يعني مكانتش مصر ناوية تدخل فلسطين ,,, و في نفس الوقت ,,, كم الذخيرة مكانش يقدر يخليك تحارب الجسر الجوي الاميريكي لو التالتة بقي مش هرد عليك ههههههههptmnlo123per1127 لانك اكيد ما تقصدهاش ,,, بالعقل كده اسرائيل مكانتش هتخرج بالطبل البلدي ,,, لازم تنضرب علشان تخرج من سينا ,,, و مش عملية عسكرية صغيرة اللي تخليها تقبل بكده ,,,*
__________________
 السيارة التي قيل انها قادمة ,,, لن تأتي ,,, ptmnlo123per111 [/CENTER]
|
|
|
|
المقال كان بس نوع من التوضيح للي بدأ يساوره شك حول انتصار اكتوبر ,,, و اللي حصل من تشكيك من عرب في الحرب دي ,,, 
