|
Yaris تويوتا ياريس Toyota Yaris |
|
أدوات الموضوع |
#11
|
||||
|
||||
رد: مقارنة موضوعية بين تويوتا ياريس وهيونداي نيو أكسنت مستعملين
أنا بشكرك على الرد وعلى المعلومات القيمة دي بس بالنسبة للسعر أنا لي زميل شاري ياريس 2007 فابريكة وعدادها في التسعينات وزي الفل وبـ 63000 أما باقي الذي ذكرته فكله طيب وأنا معاك فيه، ماعدا حكاية قطع الغيار ... يعني أنا في المنوفية مثلا هلاقي قطع غيار الياريس متوفرة وهل هي غالية أوي عن قطع غيار النيو أكسنت بالنسبة للستينات أنا أقصد مثلا ياريس 2007 أو أكسينت 2009 يعني مش جديد ومش أوتوماتيك ولو عندك تعقيب .. يكون أفادك الله ... التعديل الأخير تم بواسطة m6r1282 ; 23-09-2012 الساعة 11:52 AM |
#12
|
|||
|
|||
رد: مقارنة موضوعية بين تويوتا ياريس وهيونداي نيو أكسنت مستعملين
عزيزي. لو لقيت في رينج ٦٣ ده المفروض السعر العادل لتويوتا يارس ٢٠٠٧
بس ياريت تلاقي حد بيبع بالسعر العادل الا هتلاقي كل واحد يقلك لاعلى سعر نقطة قطع الغيار مشكلتي انا مرحتش المنوفيه قبل كده بس استحالة تلاقي بلد مفهاش قطع غيار تيويتا. عارف لي ليه لان انتو مش عندكوا ميكروبصات تويوتا. مش عندكوا نص نقل تيويتا مش عندك عربيات تويوتا كورولا ويارس فيوم ماتقول مفيش محلات قطع غيار هتتكعبل في محليين او تلاته ... بالنسبة للاسعار حتت غالي او رخيص دي. بتبقى نسبيه من شخص لشخص على حسب مرتبوا بس انسى تااقي قطع غيار بعشرة جنيه وب ١٢ جنيه والكلام ده وهتلاقي اسعار قطع يباني بس بنفس فلوس الكوري بس فرق بسيط لكن الاصلي الاصلي بيلعب في رنج الالف جنيه او الالفين .... وفي منوا الصيني وفي منو الياباني درجة تانية وهكذا هتلاقي يعني مش هتتغلب انشاء الله |
#13
|
||||
|
||||
رد: مقارنة موضوعية بين تويوتا ياريس وهيونداي نيو أكسنت مستعملين
أنا بشكرك جدا للمتابعة وفعلا كلامك منطقي جدا ولكن بالنسبة لغلو أسعار قطع الغيار، أصل أنا كان معي نيسان صني 2003 وكان كل صياناتي في التوكيل فكان جيبي مقطوع باستمرار ههههههه لكن أظن إن لو قطع الغيار متوفرة برده وأصلي أظن إنه هايكون أرخص من قطع غيار صني .. ولا إيه ؟؟ |
#14
|
|||
|
|||
رد: مقارنة موضوعية بين تويوتا ياريس وهيونداي نيو أكسنت مستعملين
اذا كان عندك صني هتلاقي نفس قطع الغيار متقاربه. وبالعكس اليارس هتيسكييف منها اكتر من الهونداي وبمعنى اصح مينفعش تكون متجوز بت لبنانية وتيجي تطلقها وتروح تجوز وحده صومالية حتى لو مالينه اوبشن مش هتحيس بيها لكن بمجرد ما تطلق اللبنانيه خودلك حته كده تركية مدوبلجة. ساعتها تحس انك قفزت قفزة نوعية للاحسن فهمتني .... مع تمنياتي لك بالتوفيق في اختيارك بس برضوا كلوا على حسب الحالة الي قدامك في السوق وانهو انضف حالة قدامك. والمثل بيقول قبل ما تناسب حاسب. ... وقبل ماتشتري عربية حاسب . وتحياتي
|
#15
|
|||
|
|||
رد: مقارنة موضوعية بين تويوتا ياريس وهيونداي نيو أكسنت مستعملين
السلام عليكم ورحمة الله
انا يشرفني المشاركة معاكم انا بدور على عربية انا عاجباني الياريس بس مش متاكد من البودي بتاعها يعني ناشف واللا ايه (انا كنت راكب اوكتافيا وهي دبابة )؟؟؟؟ ثانيا مسالة انها مش منزلة موديلات جديدة منها , طب ليه اتوقف خط انتاجها ؟؟ أقصد الياريس طبعا ثالثا مسالة الموتور ال 1300 دي قلقاني , لما تيجي تقارنها بأكسنت 1600 ؟؟؟ |
|
|