أيهما أفضل فى الركنه " السيدان " أم " الهاتش باك "

[ehabnbd]

من وجهة نظرى الاتنين واحد

المهم هو تعودك على قيادة السيارة فمتى اتعودت عليها وعرفت ابعادها هتركن وترجع للخلف على المرايات من غير ما تبص وراك

لكن
نظرا للزحام الهاتش باك اسهل لانها تحتاج مكان اصغر للركنة ، لكن كقيادة بمجرد تعودك على السيارة واستعمال المرايات هتركن لو كنت راكب نقل مش ملاكي

[akerima]

المشاركة الأصلية كتبت بواسطة MmFFoR هي مرمر عندها عربية؟

127 - مظبوط يا مرمر ولا ايه

[akerima]

المشاركة الأصلية كتبت بواسطة A7MED NASSER طبعا ً الهاتشباك افضل في كل شيء مش في الركن بس اولا ً : كتير مننا بيفضلها شكلا ً ثانيا ً: اسهل في الركن كتير ثالثا ً : و ده الاهم انها ما بتعومش عالطريق زي السيدان علشان شنطه السيدان هي السبب في ان العربيه بتعوم زياده رابعا ً : الهاتشباك اوسع في شنطتها بلاش اوي الكتير دي يا أ.مرمر علشان ما تخديش عين في عربيتك هههههههه كل عام و انتم بخير (عيد سعيد)

طبعا مش اي سيدان بتعوم بيبقي عشان شنطتها - بس اللي انا بجد مش متخيلة شانطة الهاتش اوسع من السيدان ازاي؟؟؟؟؟؟؟؟؟

[Neo206]

فعلا انا عايز اعرف شنطة الهاتش باك أكبر أزاى
ممكن توضح لانها غريبة جدا

[esafegypt]

اولا الهاتش باك افضل فى الركنة
ثانيا الهاتش باك افضل فى الزحام ممكن تعمل بيها غرز وتعدى من مساحات صوغيرة وخصوصا لو الهاتش باك صوغيرة زى الاى 10 او البيكانتو وهكذه فهى فى الاساس معمولة للمدن اللى فيها المرور صعب يعنى مثلا لو نزلت ايطاليا هتلاقى فى عربيات صوغيرة كتيرة الناس بتحب تشتريها مع انهم معاهم فلوس يشتروا البي ام دبليو او مرسيدس لكن علشان الزحمة والركن الصعب هتلاقى الناس بيفضلوا الصوغيرة
وانا ايضا لما حبيت اشترى عربية حاولت اختار اصغر عربية كويسة موجوده فى مصر والحمد لله جبت الاي10 مع انى كان معايا زمان فيات 124 وبعد الفيات كان معايا لادا 2105 وكنت بسوقهم كويس وفى الركنة موش فارقة طلاما اتعودت على السياره اللى معاك وبتعرف تسوق خلاص هتركنها حتى ولو راكب اتوبيس بس كل ما كان اصغر كل ما كان اسهل طبعا