اول عربية هشتريها محتاج مسساعده

[kimokimo]

المشاركة الأصلية كتبت بواسطة DR.AMER HASSAN مممممممممممم... انا رأيي مختلف شوية..... عشان تجيب حاجة تستحمل الي انت بتقول عايز تعمله ده و تحس بمتعة الحرق و الدريفت و كده تبقى عايز حاجة محترمة و معمرة و سهل ان تلاقي قطع غيارها و الحتة الي تتغير تعيش.... و يا سلام لو جر خلفي كمان..... انا هعرض عليك فكرتي و انت فكر فيها... ايه رايك في bmw 320 او bmw 325 موديل 99 او 2000 و طبعا ال325 احسن... و دور عالكوبيه بتاعتها.... العربية دي تعمل بيها كل الي انت عايزه و مش هتقول لا ابدا و سعرها في حدود ال 100 فوق شوية تحت شوية على حسب الحالة..... اما لو مصمم على جديد... يبقى البيرسونا بس دي تقيلة قوي في اعادة البيع و مبروك مقدما و ربنا يكفيك شر الطريق و يكفينا شقاوتك عالطريق

والله كان حضرتك شبة بتقرا افكارى انا فعلا فعلا نفسى اركب بى ام بس كنت بفكر فى الفئة التالتة موديل 80's او اول 90's و بعد كدة فكرت فى الدبانة اجهم مستعمليين بس كله قالى هتبقى قديمة و بقالها اكتر من 20 سنة هتبقى متبهدلو و قطع غيره غالية
بس الصراحة ما فكرتش فى اللى حضرتك بتقول عليه عشان لو هجيب حاجة ب 100 او اقل قلت اجيب حاجة جديدة و اقسط و دلوقتى البيرسونا عجبانى اوى هيا و الكيا ريو هاتشباك

[khaled el mekkawy]

االبروتون جميله جدا .. وانا من عشاقها الصراحه
بس هاتها هات باج لان السيدان شكلها من ورا مش اوى
وعشان شويه دلع هاتها بفتحه سقف
وهاتها لونها رصاصى الفيرانى ده .." عمرك شوفت واحده متطفل للدرجه دى ؟" D:
وعشان انت لسه اول عربيه ليك هاتها اتوماتيك وانسى السواقه هتخلى بالك من زوايا العربيه بس
ومبروك مقدما يامعلم .. ومتنساش تديلى بيها لفه D:

[MOHAMED SEIAG]

أولا احب أشارك فى الموضوع الشيق ده
ثانيا انت شكلك هتتشاقى بالعربية وده اللى انا منصحكش بيه لأنه فيه مخاطر كتير وربنا يستر على كل الناس
من ناحية العربيات اللى انت مش بتحبهم زى ما قالك زميل قبل كده انهم كويسين جدا من قطع غيار وصيانة وإستهلاك بنزين وإعادة بيع
البرسون بجد تحفة مع واحد صاحبى بيشكر فيها جدا فوق ماتتخيل بس مش هاينها خاااااااااالص
بس لو عايز تركب وتعمل اللى انت عايزه فيه c 180 موديل 2000 أو 2001 وفيه عندك الريمو سكالا جامدة وعندك الأكسنت RB بس لو بتتعلم السواقة جديد ودى أول عربية حرااام الزيرو وربنا يوفقك خبطتها بتوجع