رد: هل من الذوق إنك ترمي حاجة من شباك العربية ؟؟؟؟؟
المشاركة الأصلية كتبت بواسطة mesho70
فعلاً موضوع يستحق المشاركة
- والاخطر على الطرق السريعة تلاقى ناس بترمى اعقاب السجاير مشتعلة وممكن تدخل من شباك عربية خلفة وتبقى كارثة
- عنى فانا سبق انى نزلت ابنى من العربية لاخذ علبة كنز فارغة القاها هو من الشباك
- اظن ان تعليم الجيل الجديد واجب علينا
- واخشى اننا " نحاول ترقيع ثوب اخذتة الثقوب بل العيوب "
|
ربنا يبارك فيك على تعليم أبنك هذا السلوك الراقى
المشاركة الأصلية كتبت بواسطة AbOnOrA
تسلم ايدك على التذكير
وللناس اللى بترمى من الشباك الموضوع مش صعب كيس صغير ترمى فيه كل حاجة وبعدين ترمى الكيس على بعضه فى صندوق الزبالة
ودلوقتى كمان فيه باسكت زبالة صغير شيك كده بيبتباع للعربيات فى محلات الاكسسوارات فياريت فعلاً كلنا نبطل العادة المهببه ديه ونربى عيالنا كمان على كده
|
المشاركة الأصلية كتبت بواسطة sehsss
أنا بحط أي حاجة عاوز أرميها في كيس أو شنطة على الكرسي اللي جنبي لحد ما أشوف صندوق أرمي فيه، وبقرف جدا من اللي بيرمي حاجة من الشباك، والغريبة تلاقي عربيات فارهة بتعمل نفس الكلام (للأسف)
|
بفضل الله كان عندى باسكت صغير لوضع القمامة لكن الله يسامح إللى سرقة هو والكاسيت والسماعات جزاكم الله خيرا على المشاركة
__________________
بسم الله الرحمن الرحيم سؤال على بال كل شاب أو رجل يُريد أن يتزوج كيف اختار الزوجة التي ستظل معي طوال العمر اوووووووعة تفكر كتير شاهد هذة الحلقة وبأذن الله تأخذ القرار الأخير وذلك مع فضيلة الشيخ أبي إسحاق الحوينى الحلقة بجد راااااااائعة والله طبعا الحلقة (مرئية) وبمساحة خيالية
|