تجربتى مع سيراتو 2013 خليجى اول فئه اوتوماتيك

[hambosi]

كل عام و انتم بخير و رمضان كريم

المشاركة الأصلية كتبت بواسطة mahmoudeka الف مبروك يا باشا وممكن استفسار صغير هى الفئة اللى مع حضرتك فيها مريات ضم كهربا

للاسف لا و المريات اسود و مقابض الابواب اسود

المشاركة الأصلية كتبت بواسطة sherifabden ومعلش اخر سؤال خامات التابلوه والابواب ايه اخبارها ؟؟ كويسة وزي الفل ولا رديئة ؟؟ معلش احنا بنتقل عليك في الاسئلة بس ما صدقنا حد جرب العربية دي

ولا يهمك يا باشا الخامات حلو و فيها حبه فخامه كدا زى خامات الالنترا و احسن بكتير من خامات الريو الجديد

المشاركة الأصلية كتبت بواسطة برنس الليالي وسؤال كمان بعد إذنك ...... بالنسبة لصوت الموتور اللي بيظهر بعد الـ140 بيكون صوته هادئ ولا رياضي زي الفورد فيستا ولا بيبقى صوته مزعج زي الأوكتافيا والاسترا ؟ وبالنسبة للكراسي مريحة ولا فيها شئ من الصلابة زي الكروز كدا ؟

صوت الموتور بيبقى عالى بس هادى على رياضى مش المزعج بتاع الاسترا
الكرسى وسط مش ناشف اوى ولا غاطس اوى

[reda310]

الف مبروك يا استاذ محمد وربنا يباركلك وشكرا
على المتابعة وعلى ردود حضرتك الوافية

[crime]

الف مبروك يا باشا ربنا يباركلك فيها ويكفيك شرها
وبالنسبه لنقلت الفتيس بتحس بيها والغيار بيتنقل ولا ناعمه

تقبل تحياتى

[hambosi]

المشاركة الأصلية كتبت بواسطة reda310 الف مبروك يا استاذ محمد وربنا يباركلك وشكرا على المتابعة وعلى ردود حضرتك الوافية

عفوا استاذى كلنا هنا لافاده بعضنا البعض

المشاركة الأصلية كتبت بواسطة crime الف مبروك يا باشا ربنا يباركلك فيها ويكفيك شرها وبالنسبه لنقلت الفتيس بتحس بيها والغيار بيتنقل ولا ناعمه تقبل تحياتى

نقله الفتيس ناعمه فى السواقه العاديه لاكن بتكوت ملحوظه اوى لما تعمل كيك داون او تستخدم الاستبترونيك

[hambosi]

ان شاء الله قريب هكتب لكم تجربتى من داخل وكيل كيا EIT فى الاسكندريه و تعامله مع العربيه الخليجى و اسعار قطع الغيار و ايه اللى حصل معايا