محدش يجيب الجنط 17 عشان بيقلب

[mohamed504]

المشاركة الأصلية كتبت بواسطة waleed88 يا جماعة ياريت تقروا كل الكلام الى قولوتا عن انقلا السيراتوا انا بقول ان الجنط تقيل على مقصات العربية عشان العربية نزلة بنفس العفشة للجمع موديلاتها يعنى المقص الى شايل الجنط ال15 هوة الى بيشيل الجنط ال17 طب تيجى ازاااااااااااااااااى(ودة على فكرة كلام الcustomer service فى kia ان كل العفشة واحدة) بس فا كل الحكاية ان تقل الجنط ومع العربية واطية فا اى خبطة بتجى فى المقص ما بتستحملش بعدها انها تشيل الجنط التقيل دة فا المقص بيتكسر

Kia
مع كامل احترامي لوجهة نظر حضرنك ..... على أي أساس بتجزم ان العفشة واحدة في جميع الموديلات ..؟؟ هل هذا الشخص اللي في kia Customer Service مهندس أم فني على قده ؟ لأنه لو مهندس وفاهم وتم تدريبه في المصنع في كوريا كان عرف يجاوب على السؤال صح بدل الهمهمه في الرد على السؤال ... وأكثر من كده ...احنا بنبني ونستنتج بناء على معطيات غير موثقة المصدر ....الحل هو اننا نحصل على معلومات مؤكدة من مصدر موثوق به ( هل العفشة واحدة في كل الموديلات ولكل الجنوط ) وبعدها نستطيع استخلاص النتائج الدقيقة ..... مع خالص شكري .

[waleed88]

المشاركة الأصلية كتبت بواسطة mohamed504 Kia مع كامل احترامي لوجهة نظر حضرنك ..... على أي أساس بتجزم ان العفشة واحدة في جميع الموديلات ..؟؟ هل هذا الشخص اللي في kia Customer Service مهندس أم فني على قده ؟ لأنه لو مهندس وفاهم وتم تدريبه في المصنع في كوريا كان عرف يجاوب على السؤال صح بدل الهمهمه في الرد على السؤال ... وأكثر من كده ...احنا بنبني ونستنتج بناء على معطيات غير موثقة المصدر ....الحل هو اننا نحصل على معلومات مؤكدة من مصدر موثوق به ( هل العفشة واحدة في كل الموديلات ولكل الجنوط ) وبعدها نستطيع استخلاص النتائج الدقيقة ..... مع خالص شكري .

ايوة حضرتك دة مهندس هناك عشان لما اتكلمت بيسالنى السؤال عن اية و لو حاجة ليها علاقة بلعربية بيحولنى على الصيانة والصيانة دى المفروض كل الى فيها مهندسين
غير كدة انا لما جيت اشتريت عريتى الex سالت نفس السؤال للمهندس الى سلمنى العربية فى احد الوكلاء المعتدين فى مدينة نصر وقالى ايوة كلها عفشة واحدة وهى العربية دى او من الاخر الكورى(توبوا ال16 ودة اخرو) دى كلمة الراجل بلظبط

[capink]

في أكثر من موقع بيقول ان موديل ال sx عفشته رياضية و هي دي اللي بيبقى فيها جنوط 17

http://www.jbcarpages.com/kia/forte/2010/
http://beta.edmunds.com/kia/forte/2010/
http://www.auto-broker-magic.com/2010-kia-forte.html

[Atrees]

ممكن اتكلم معاكم شوية بالعقل ؟؟

انا معايا جنط 17 واول مرة اركب كوري ومش حدافع عن السيارة ولا حتكلم في حقها اللي هو المفروض معروف وباين للناس كلها لكن حتكلم بعقل

نعم العفشة في السيراتو واحدة لكل الموديلات ال 1600 للجنوط 15 -16 -17
طيب نمسك لحتة دي الاول

شركة ليها مهندسين وطاقم مصممين يالمئات ومراقبة جودة واختبارات وبلاوي لن نرقي اننا نفهمها تصمم سيارة سوف تباع في العالم كلة بنفس الجودة لكل طبقات المجتمع والارواح اللي سايقاها -

تفتكروا الصح اية - اصمم عفشة تستحمل جنط 17 او اكتر و ممكن اركب عليها جنوط اصغر وابقي مطمن ولا اصممها لجنط 15 وابقي بستهبل واركب عليها حاجة مجهدة وتسبب سمعة واسواء سمعة الشركة ؟؟؟

دة الواحد لما بيجي يعلق تابلوه علي الحيطة بيحط مسمار كبير يشيل تقلها وزيادة عشان متقعش - ودة احنا في البيت بدون هندسة او اختبارات - ما بالك شركة بالضخامة دي - مظنش يعني حتفرق معاها انها تصممها للجنط ال17 او اكتر للامان وتبقي تركب عليها اي مقاس اصغر

يبقي الكلام اللي متداول هنا في مصر عبارة عن فتييييييييييييييييييييييي

العفشة مصممة للجنط 17 فيما فوق وتم تركيب مقاسات اصغر حسب الفئة والاحتياجات ودة المنطق - لو انا غلطان في العقل قولولي

نيجي بقي للحوادث اللي حصلت بسبب الجنط ال17 وهما حسب انا ما اعرف حادثة واحدة فقط

الجنط ال 17 متعب كراحة للراكب في شوارعنا لاسباب كلنا عارفينها والناس فضلت الجنوط الاقل للراحة

الجنط ال17 بيدي ثبات هايل للعربية
الجنط ال 17 مش سبب المشكلة - السبب الشوارع + السواق

التجار في المعارض طلعو الاشاعة دي لان اغلب السيارات الموجودة في السوق فيها فئات بنفس كماليات ال SX لكن بجنط 16 لكن التاجر لازم يحلي البضاعة يقوم يشتم في كل ما هو اعلي من اللي عندة

طيب اقولكم علي حاجة تضحك - لية صديق عايز يجيب سيراتو كسر زيرو - روحنا معرض يتفرج - قالو خد الجنط ال 16 احسن وابعد عن ال 17 في الزيرو

ولما قولناله عايزين مستعمل قال عندي واحدة بس جنط 17 قولناله بكام ؟
قال بكذا - ردينا قولنا دي تقريبا تمن الزيرو ال جند ال 17 - قال اية

يا باشا دي جنط 17 ركوبة وشياكة وثبات اكتر - ههههههههه

الراجل غير كلامه في ربع ساعة - حسبي الله ونعم الوكيل


النقطة بقي من تجربتي الشخصية

ال 17 ناشف علي الطرق الخشنة والنقر ومفاصل الكوبري وناعم جدا علي الاسفلت النضيف

ال 17 مش مريح زي ال16 وال 15 طبعا - انشف شوية مش كتير لكن ملحوظ
ال17 ثبات ممتاز بسبب وزنة وعرضة
ال17 ممن تستحملة لو شاب - لكن متعب للكبار في السن
ال17 مريح جدا في السفر حتي للكبار لكن مع النقر والمطبات مش مريح

واخيرا اشكركم واتمني لو حد عندو استفسار للمقارنات حكون محايد جدا

[ahashish]

السلام عليك
دى اول مشاركة ليا ولى سوال
منذ اسبوعين اشتريت سيراتو كوب 2011 بكل التعديلات الجديدة من فتيس وما الى ذلك السيارة ظريفة لاكن اول ما استلمتها كانت بتحدف شمال وبعد صيانة 1000كم
ظبطت
لاكن الان بعد تعدى سرعة 130 بتحدف يمين وغير ثابتة هل من افادة فى هذا الشان؟