نيسان صنى ولا نيو اكسنت ولا اوبترا , وكلهم مانيوال , ولا اكبر دماغى واجيب اللوجان ؟

[hanyyacot]

المشاركة الأصلية كتبت بواسطة Dr/Mohammed والله لو بتفاضل بين الي قولتهم دول يعني نيسان صني مادام بتحب الجري والمناورات وكده مميزاتها في الجري انها ثابته وراسيه علي الطريق وتناور علي سرعات عاليه وناعمه وحلوه عيوبها في الجري انها سحبها مش سريع قوي يعني لكن بعد ما بتجيب ال 110 هاتلاقيها بتجري معاك جامد بردوا من ضمن الاختيارات الحلوه الالنترا بس انت مزكرتهاش مميزاتها عربيه سريعه سحبها حلو جدا وجرايه جدا جدا ونعمه وحلوه عيوبها انها خفيفه بيقولوا علي السرعات العاليه بتتقلب لو مفيش تحكم كويس في العربيه لكن هي عربيه رائعه جدا في السرعات وسحبها اكتر من رائع بس عيبها الوحيد الثبات والرسيان ربنا يهديك للصح بس حبيت افاضلك بين عربيتين واحده منهم معايا الصني يعني شايفها حلوه قوي في السفر لرسيانها يعني بتحسسك بالامان بالتوفيق

شكرا يا دكتور على الرد , انا مش عايز الالنترا لانى عارف انها خفيفة جدا ومش راسية , واظن ان عنصر الامان مهم جدا , كمان هى غالية عليا , كنت عايز اسألك ايه اخبار الصنى وعاملة ايه معاك وهل فيها عيوب جوهرية زى الفرامل اللى بتفوت زى ما سمعت , انا مش مشكلة عندى عيوب التقفيل لو مش مؤثرة على حاجة مهمة , يعنى لو مش معاك عربية دلوقتى هاتختار انك تشترى الصنى ولا هتجيب عربية تانى بنفس الثمن ؟

[بدر بسيونى]

الاكسنت خارج المنافسة لانها فئة اقل

ولو بنقارن بين الصنى والاوبترا اكيد وبلاادنى تردد الاوبترا

[pito phone]

اللوجان عربية جامدة جادا بالنسمة لكماليتها وسعرها
لكنها عربية عائلية مش بتاعة سبعات و تمنيات
وغير قابلة للروشنة

[حسام البورسعيدى]

مش هقدر اقولك انصحك باللوجان والصنى لا لانى كده هكون ظالم ..

طبعا انا ارشحلك الصنى عن الاوبترا والاكسنت وده اعتقد مفيش عليه اختلاف ..

وكمان عندك الالنترا عربية ممتازة جدا برضو ..

لو مكنش وعاوز توفر فلوسك يبقى اللوجان من غير كلام .. وهى عربية ممتازة وعمر ما حد طلع فيها عيب ما شاء الله ..

ولو انا هفضل اللوجان عن الصنى هيبقى لسبب واحد .. الابتعاد عن التقفيل المصرى فقط لا غير ...

[خالدخليفة]

شوف
طالما انت شرير كده فى السواقة بسرعات عالية
فلازم تعرف ان النيسان افضل من كل الكلام ده
فرامل الاى اكس المانيوال طبعا ( عادية / تيل ) وانا فوجئت بالحكاية دى لما جيت اغير التيل
لانى كنت فاهم انها اى بى اس
لانى كنت ممكن اوصل سرعة 180 ولما افرمل كانت تكلبش فى الارض زى الاى بى اس
الصنى عربية شغل
لكن الشياكة طبعا اوكتافيا مع العلم ان النيسان نص تمنهم وموتور ها وميكانيكيا افضل