اربع مشاكل كدة فى الفيرنا عندى لو حد ينصحنى فية بس........

[memodina1]

المشاركة الأصلية كتبت بواسطة corsair سيبك من كلام الصنيعيه دول اللي هيودوا الواحد ورا الشمس خليك في حاجه العربية بتاعتها واموت واعرف ليه بتخروطوا الطنابير هل انتا استنيت علي التيل لحد ما لوح الطنبوره علشان كدا بتخرطها ولا ايه خليك في الكوري الاصلي وسيبك من اللي يقولك ده تركي وده ماليزي والكلام ده

يا باشا احنا مش بنستنى على التيل لما يحك ابدا والله انا بغيرة بشكل ثابت حتى لو مخلص كل 10000
بالاصلى والله من التوكيل
بس المشكلة انى اتغابيت مرة ومكنتش اعرف الحكاية دى كانت الطنبورة جاى من سفر وسخنة جدا بطريقة جامدة ودا عيب منى لانى ماشى بسرعة وفرامل كتتتتير على سرعة عالية فعلا حقها تولع ورحت داخل فى مية بلاعة كانت بركة بمعنى الكلمة المية وصلت للطنبورة بسبب انى المية مدارية نقرة كبيرة تحتها وهوووووب اسمع صوت تشششششششش لانى طبعا دوست فرامل لما العربية ازحت فى النقرة طبعا سخن مولع وبارد لوحتها وبعدها حسيت برجة فى الفرامل على 80ك
رحت خارط لكن مش موضوع تيل وانا بشكرك جدا على متابعة حضرتك يا باشا

يبقي تشوفلك خراط محترم ومشهور علشان في خراطيين عدماء الضمير ومبيخرطوش الطنبورة كويس عن تجربة ولو لسه الرجه موجوده يبقي تريح دماغط وتجيبلك طنبورة جديدة وخلاص وبص علي التيل لو في جزء بيتأكل وجزء لا يبقي فعلا العيب في الطنبورة لكن لو كله مستوي واحد يبقي الطنبورة سليمة ونشوف سبب الرجه ديه ايه

[ايمن منصور ((عباسى ))]

اولا الرعشه دي ملهاش دعوه بالطنابير
دي غربله لازم ترصص كويس لانك ممكن تكون مرصص ومع اي مطب ممكن قطعه رصاص تقع او ممكن الجنوط تكون وحشه
ثانيا الطنابير لو فيها اي اعوجاج ده بتحس بيه لما تدوس فرامل تلاقي الدواسه بتعلا وتوطا تحت رجليك بسرعه اكنها رعشه
ثالثا مين الي خلاك تخرط الطنابير وعلشان ايه خرطهم
وياريت نعرفنا اذا كنت مركب جنوط ونوع الكاوتش ومقاسه والعربيه عامله كام كيلو

[medoelsoni]

كلام الأأستاز دة طبعا صح لو الموضوع لما تدوس فرامل بيكون من الطنابير وعلى فكرة موضوع المسح دة أنا جربتو هو بينفع بس لمدة قصيرة يعنى فى حدود 6 أشهر وبيرجع تانى بس على خفيف وعلى فكرة الموضوع بردة مش بيجى بالتغير
المشكلة فى أنك ممكن تكون بتغسل العربية وهى سخنة ودة بيخلى التيل ينشف وكمان الطنابير يحصل فيها أعوجاج ..أما موضوع الغربلة دة لو انت مركب جنوط أسبور صينى فتأكد انك عمرك مهتعرف ترصص كويس مش عارف لية بس انا رصصت أكثر من مرة وبردة بترعش ... مدام مركب جنوط شينى
والله الموفق

[memodina1]

المشاركة الأصلية كتبت بواسطة medoelsoni كلام الأأستاز دة طبعا صح لو الموضوع لما تدوس فرامل بيكون من الطنابير وعلى فكرة موضوع المسح دة أنا جربتو هو بينفع بس لمدة قصيرة يعنى فى حدود 6 أشهر وبيرجع تانى بس على خفيف وعلى فكرة الموضوع بردة مش بيجى بالتغير المشكلة فى أنك ممكن تكون بتغسل العربية وهى سخنة ودة بيخلى التيل ينشف وكمان الطنابير يحصل فيها أعوجاج ..أما موضوع الغربلة دة لو انت مركب جنوط أسبور صينى فتأكد انك عمرك مهتعرف ترصص كويس مش عارف لية بس انا رصصت أكثر من مرة وبردة بترعش ... مدام مركب جنوط شينى والله الموفق

اشكرك جدا وفعلا انا بغسلها سخنة ودا برضة كان من ضمن الاسباب لكن الوقتى بعيد بعد تام عن الغسيل السخن وعلى فكرة هى بترجع تانى فعلا شكلها مش مهم شوية كدة تمشينا ونغير طنابير كورى والله المستعان