#11
|
رد: الماتور بياكل زيت اعمل ايه؟
متهيالي طالما الزيت بيجي علي البوجيه يبقي الموضوع اكبر من كاوتش صباب
و الحل المعقول في هذه الحاله هو طقم شنبر و هيعيش لان الموضوع اعتقد في بدايته... لكن انا عندي حل تاني حاول تعمله و هيجيب معاك نتيجه هات زيت التعاون متعدد الدرجات و ما تستغربش لان لحد فتره قريبه كنت بعتبره افضل زيت ممكن استعمله و اثق فيه لانه مش مغشوش المهم هات زيت التعاون و هات كانز زيت شنبر و غير الزيت و الفلتر و حط زيت الشنبر مع الزيت و انت بتغيره بس اول ما تغيره تاخد بالعربيه مشوار طويل و ليكن مثلا اسكندريه او اي مشوار المهم الزيت يتحرك و يسخن و امشي علي الزيت دا 1000 كيلو بس و بعدين نزله و غيره بنفس النوع تاني بس من غير زيت شنبر و لمده 6 شهور استعمل زيت التعاون هتلاقي الدخنه قلت كتير و العربيه انظبطط و ما تنساش تدعي ليا
__________________
حـازم خـضـر
|
#12
|
||||
|
||||
رد: الماتور بياكل زيت اعمل ايه؟
لكن بزمتك لو انت مكانة وفكيت الوش مش هاتعمل رودية بحوالى 40 جنية مع العلم اننا بنتكلم فى مشكلة نقص زيت ومش عارفين منين ممكن تاكل فى الشنابر او تسريب من جلد الصباب او جوان وش سلندر او جوات تاكيهات طب انا هاؤلك لو انت واقف عند ميكانيكى وفك الهد بالكامل والكامة عشان يوصل للصبابات ويغير الجلد بتعها هياخد كام ولو نفس الميكانيكى فك الوش بالكامل وزى الباشا بعتة للخراط وجالة متقفل جاهز هنا هياخد كام الموضوع ببصلة بنظرة عامة وشمولية وان كل واحد يشتغل فى الحاجة اللى بيفهمها يعنى الوش احسن واحد يعملة الخراط ......... وبالمرة يا سيدى يبصى على عتب الشمايز وممكن يقدر يحكم على مدى احكام الشنابر فى الشمايز اخيرا بشكر حضرتك لاثراء الموضوع
__________________
يااااااااااااا رب إرحمنا بقدرتك علينا |
#13
|
|
رد: الماتور بياكل زيت اعمل ايه؟
كلام حضرتك مزبوط واسلوبك راقي جدا...شكرا انا بتكلم على اساس انه كده بيلم الموضوع ف امدام بيلمه يبقى نقلل التكاليف وانا بتكلم عن الطريقه بتاعتي انه هيوفر مصنعيه خراط وش سلندر وتمن جوان وش السلندر وتمن القواعد والدلايل....وانا كنت بشتغل بايدي في المحركات..زوكنت لما بفك الوش في الموقع واختبره بضغط الهوا ويطلع سليم كنت بركب كل صباب مكانه من غير ما اغير اي حاجه عشان اوفر للعميل قدر الامكان.لان كل حاجه تمنها كبير في محرك الديزل وعموما انا رايي يجرب ويغير طقم كوتش صباب ويركب الزيت الي قلتله عليه...فعلا المكنه هتزبط جدا انشاء الله وخاصه ان احنا في الشتا انتو عارفين يا جماعه قبل السيفيا كان معايا بولونيز بس كانت حكايه والله وكنت مزبطها جدا جدا كنت بجيب بيها 160 و 170(مع العلم ان كارونتها كانت بايزه)وكنت بحرق عليها وبسقط كمان وكانت بتجري ولما بعتها...والله كانت منزله من الشكمان حنفيه ميه وكبس المتور كان ممتاز (بعد الكشف عليه في البنزينه طبعا). وده لاني كنت بحطلها زيت دلفاك بتاع الديزل او حتى ريميولا .الزيوت ده فعلا هيفي ديوتي للمواتير الي بتسخن او خفيفه.
__________________
اتق لله حيثما كنت...واتبع السيئه الحسنه تمحها...وخالق الناس بخلق حسن اللهم احسن وقوفنا بين يديك ولا تخزنا يوم العرض عليه اللهم اغفر لنا ولوالدينا ولمن له حق علينا |
#14
|
||||
|
||||
رد: الماتور بياكل زيت اعمل ايه؟
"sharooo " المنتدى كسب واحد زى حضرتك وبامر الله كلنا نستفاد من خبرتك
وعلى فكرة انا كمان بشتغل بايدى وبمناسبة المواقع افتكر ان سنة تقريبا 96 عملت عمرة لمولد كهرباء كاتر بلر v12 وكانت تجربة ناجحة واستفدت منها كتير وانا شخصيا اتشرف بيك وبشد على ايدك فى التواجد المستمر هنا بين اخواتك اخوك محمد مرسي
__________________
يااااااااااااا رب إرحمنا بقدرتك علينا |
#15
|
رد: الماتور بياكل زيت اعمل ايه؟
يافندم ده من ذق حضرتك والله...
انا اشتغلت 3 سنين في توكيل كمنز وتنقلت بين ورشه العمرات وبين قسم صيانه المواقع واخدت خبره كتبيره جدا ووجدت حلول لمشاكل كتير .اشتغلت في الكمنز من اول 3 سلندر لغايه ال 16 سلندر(المكن العادي والالكتروني والمارين)والحمدلله بحب الموضوع ده جدا ودايما يبقى في الاخر قول المولى(وفوق كل ذي علم عليم)
__________________
اتق لله حيثما كنت...واتبع السيئه الحسنه تمحها...وخالق الناس بخلق حسن اللهم احسن وقوفنا بين يديك ولا تخزنا يوم العرض عليه اللهم اغفر لنا ولوالدينا ولمن له حق علينا |
|
|