#11
|
||||
|
||||
رد: دليلك الشخصى لسائقى التاكسى
الحمد لله فى بورسعيد عندنا احسن حاجة ان اجرة التاكسى تتراوح من 2 جنية الى 3 جنية كأقصى مبلغ
وده تنبية منى لأى حد بيسافر بورسعيد الاجرة العادية هى 2.5 جنية المشوار المتوسط العادى ولو مشوار صغير ادفع اتنين جنية بس لو لوحدك .. ودى نعمة وفضل من عند ربنا لابناء بورسعيد .. الميزة التانية للتاكسيات هنا فى بورسعيد ان 90% تقريبا منها عربيات حديثة .. و الاغلبية العظمى منها فيرنا فيفا وبعدين فيرنا وبعدين اكسنت (بتقل يوم ورا يوم) وبعدين 504 (بقى قليل) وانواع تانية قليلة خالص (اسبيرانزا - سويفت - اكسل - اتوس) مثلا .. ومعظم التاكسيات هنا لو مش كلها شغالة غاز طبيعى وماشية زى الفل .. وبمناسبة الموضوع .. هحكيلكم موقف طريف جدا حصل معايا من سنة تقريبا .. فى يوم ابن خالتى استلف منى العربية وكان ورايا مشوارين .. المهم .. نزلت رحت الاول وخلصته ومستعجل عاوز الحق معاد التانى .. كان يوم زحمة شوية بصيت لقيت تاكسى فيرنا مبهدل خالص والمرايا اليمين طايرة وطالع منها 3 سوست (بتوع ظبت الاتجاهات) وكان منظرها مسخرة وهى ناطه لبره كده .. المهم ركبت وببص للسواق علشان اقوله العنوان واتصدمت .. حسيت انى ركبت تاكسى فى امريكا او اوروبا .. لقيت راجل عنده حوالى 50 سنة .. شعره طويل وكان رابطه بتوكه .. ولابس تيشرت قطن واسع كده وبنطلون جينز ومقطوع من عند ركبه (زى الموضه بتاعت زمان) .. شكله شبة الناس اللى بنشوفها فى الافلام الاجنبية فى الحانات وكده (اعزكم الله) .. المهم قلت اه يومنا مش فايت .. قلتله على العنوان ومن اول ما طلع بدأ الكلام .. قعد يحكيلى قصة حياته وكان ماشى بالراحة جدااا وعمال يحكى وانا كنت مستعجل .. المهم قالى انه كان عايش لمده 20 سنه (تقريبا مش فاكر) فى المانيا ومتزوج من المانية مسيحية وهو مسلم ومش عارف مخلف كام (مش فاكر لانى كنت فى حالة زهول من الشخص ده) .. انا ساعتها تيقنت ان الراجل ده مجنون .. وكمل وقالى انه درس اللغة الالمانية وعمل ماجستير ودكتواره فيها وانه عنده اراضى مش عارف كام فدان فى القنطرة وكمان عنده فيلا فى القنطرة وسبع عربيات تاكسى وعربيتين تريلا تقريبا .. وهو شغال على التاكسى ده تسليه بس .. طبعا لقانى مبلم ومش مصدق اللى عمال يقوله ده .. اتلقيته بيقولى انت مش مصدق ؟؟ طب خد ..... وراح رفع ايده على سقف العربية .. افتكرته هيخبطنى بحاجة .. اتاريه كان بيفتح اللمبة بتاعت السقف وراج جايبلى مجله قديمة مكتوب فيها خبر عنه وانه حصل على الدكتوراة فى اللغة الالمانية وفضل يرجع بلده عن العيشة بره .. ومحطوط على المقال صورته .. لقيته بيقولى بصلى كده اتاكد انى انا ... وفعلا لقيت الصورة صورته .. واخيرا وصلنى واديتله الاجرة ونزلت وانا بكلم نفسى .. المهم انى عصرت دماغى انى افتكر اسمه .. مش فاكر ابدا.. والواحد ياما شاف من سواقين التاكسيات دول .. ههههههه
__________________
رحـــمـــــــــــة الله عـــلــــــيـــــــك يا حــبـيـبـنــــــــا ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ |
#12
|
|||
|
|||
رد: دليلك الشخصى لسائقى التاكسى
ههههههههههههههههههههههههه ههههه
الله عليك يا استاذ حازم والله حضرتك مسبتش سواق تاكسي الا لما حللته نفسيا شكلك كدا ليل نهار بتركب تاكسيات معاهم |
#13
|
||||
|
||||
رد: دليلك الشخصى لسائقى التاكسى
شكرااااااااااااااااااا
|
#14
|
||||
|
||||
رد: دليلك الشخصى لسائقى التاكسى
طبعا يا باشا ... وشفت بعينى كمان واقولك حاجه !!! كان معاه واحده مش محترمه فى العربيه ( بنت ليل ) عفانا الله واياكم
__________________
خالص تحياتى واحترامى للجميع حازم عبد السلام الهيئة العامة للرقابة المالية لا تأسفن على غدر الزمان لطالما رقصت على جثث الاسود كلابا لا تحسبن برقصها تعلو على اسيادها تبقى الاسود اسودا والكلاب كلابا |
#15
|
||||
|
||||
رد: دليلك الشخصى لسائقى التاكسى
تسلم يا استاذ محمد ومشكور ع الاطلاع
__________________
خالص تحياتى واحترامى للجميع حازم عبد السلام الهيئة العامة للرقابة المالية لا تأسفن على غدر الزمان لطالما رقصت على جثث الاسود كلابا لا تحسبن برقصها تعلو على اسيادها تبقى الاسود اسودا والكلاب كلابا |
|
|