ظبط زوايا بالكمبيوتر

[haninatoon]

فعلا يا جماعة بعد اقتراحتكم المفيدة

انا روحت البنزينة اللى فى ميدان الاسماعلية فعلا وهناك بقى فهمت
قالى اللى ظبطلك زوايا فى بنزينة شيل " ......... تييتت بن تييييييييييت" معندهوش ضمير فعلا تخيلو سابنى اطلع من عندة ومسمار الزوايا للعجل الخلفى مفكووك وبايظ مابيربطش وحتى ماقليش وقالى كلة تمام

بس انا رجعتلة تانى بعد مافهمت لبتاع شيل ومسحت بيهم الارض قدام الناس اللى رايحة تظبط عندهم زوايا وشرحت للناس كمان معلش ما انا لازم افش غلى منهم

" لان الراجل فكل المسمار وبرم منة ومقاليش حتى لو عيب مسمار انة برم لحظة مافك على الاقل يقولى ان المسار كدة برم ومش رابط وخطر تمشى كدة " مش كلة تمام والقراءات كلها خضرا والعجلة سايبة "

وكويس ان العربية ما اتقلبتش بيا وانا ماش بيها على 120 كنت حاسس ان الكاوتش الخلفى شمال عاوز يسيب العربية ويحدف شمال وربنا ستر الحمد للة

روحت اشتريت مسمار من التوكيل اصلى فى شارع دمشق ب 20 جنية من غير صامولة هو بيتباع كدة وروحت للجماعة بتوع ميدان الاسماعيلية بجد ناس بتفهم وهى اتزان يدوى بمرايات وامبارح مشيت بالعربية على 120 تمام ولسة ان شاء اللة حجربها على سرعات اعلى قريب .

وشكرا لكل من ساهم فى الموضوع.

[rabet007]

الحمد لله اخي الكريم ان ربنا سترها معاك ومحصلش اي حاجة وانا هاروح النهارده اضبط الزوايات ان شاء الله زي ما حضرتك عملت يارب كله يبقي تمام والحمد لله ان ربنا سترها معاك وكل سنه وانت طيب يا باشا

[dr_eslam_66]

ألف مبروك التصليح.
وعموما خلي بالك من نفسك لو شكيت في حاجة في العجل بالذات ماتعاندشي وتقرر إنك تجربها على سرعات أعلى.
60 أو 60 جنيه مش مشكلة بس تصون نفسك تروح عند واحد يشيك وياخد الفلوس بس يقولك إنها صاج سليم.
وجدع إنك روحتله علشان يعرف إنه حمار لأنه غالبا كان فاكر نفسه صنايعي.

[haninatoon]

هو يا جماعة لو انا حأغير كوبلن يبقى لازم بعد ما اغيرة اظبط زوايا تانى ولا لا لانة ماصدقت اظبطها؟

من فضلكم حد يرد علييييييا

[sherif fersh]

تغيير الكبالن لا يتطلب إعادة ضبط الزوايا
و الله الموفق ‘