ارشيف الاستراحة 2010

[bmkbmk]

أبو نورا بصراحة ماسبلناش حاجة نقولها .... تسلم يا باشا

[bmkbmk]

يللا يا مجنون ,, ههههههههههه

ربنا يهدينا و يغفرلنا جميعا يا رب و يجازيك خير يا باشا على العبرة و التذكير

[مهند سالم]

المشاركة الأصلية كتبت بواسطة AboNoRa والله يا سموحه باشا كل سطر من مشاركتك محتاج موضوع لوحدة صعب الواحد يرد عليه كده بس هحاول بالنسبة لزواج الصالونات هل فى حب بعد الزواج ولا اية طبعاً فيه حب بعد الخطوبة وبعد كتب الكتاب وبعد الجواز مش لازم الحب يجى قبل الجواز بالعكس غالباً ما بيكون الحب بعد الجواز اكثر ثباتاً واعمق واصدق وفيه ناس وانا منهم بتشوف ان الحب بعد الجواز هو الحب الكامل لانه بيبقى حب للانسان بكل حالاته واشكاله وتقلباته المزاجيه وعن معرفه بطباعة وتصرفاته واسلوبه وديه حاجات مش بيبان منها الا اليسير قبل الارتباط الكامل كمان الحب مش شرط يجى فجاءه او بقوه مره واحدة الحب الحقيقى بيتوجد فى سنين ومواقف وافعال على مدى العشره لكن مهم جداً جداً يكون فيه استعداد للحب ده قبل الجواز او بمعنى اوضح يكون فيه تفاهم وتقارب فكرى ويكون فيه قبول شكلى وموضوعى بين الطرفين ويكون فيه تناسب (مش شرط تشابه) بين الشخصيات وطريقة حياتهم قبل الجواز واتفاق على طريقة الحياة بعد الجواز اذا توفرت الشروط ديه واذا الاتنين طباعهم اميل للرومانسيه والحياه الهادئه تأكد ان بالعشره هيتوجد الحب وهل الحب قبل الزواج يفيد بعد الزواج ولا اية ممكن مش شرط خالص بالعكس دايما بنشوف ناس كتير كانت بتحب بعض قبل الجواز ومستحملوش بعد الجواز شهور مع بعض وده لان الحب قبل الجواز مبيبقاش كامل زى ماقولنا قبل كده بس لو افترضنا حتى انه كان حب حقيقى ومش ظاهرى وووو الانسان اصلا بعد الجواز بيتغير مع الوقت مع اختلاف الظروف والمسؤليات والادوار وكل حاجة ببتطراء عليك تغييرات فى تفكيرك واسلوبك ولبسك وكل حاجة برضو وبالتالى شكل الحب كمان بيتغير وممكن ميكونش افضل من الاول او يتلاشى خالص وبالتالى هتتحطو فى مشكله عمرها ماكانت فى الحسبان .. هل اقدر اعيش مع الانسان ده وانا مبحبوش ؟؟ لكن فى الغالب ده مبينجحش وبتبقى مشكلة ان ازاى كان بينا الحب ده وراح وبقينا كده وديه فى حد زاتها بتبقى منغص ممكن يؤدى لفشل العلاقه ككل ويبقى لا حب ولا زواج ناجح الاطفال تغنى عن الحب ممكن الفلوس تغنى الحب الاطفال تغنى عن الحب ممكن الفلوس تغنى الحب ممكن اى حاجة تبقى محور العلاقه بدل الحب ممكن الحياه تمشى علشان بنربى العيال وممكن علشان تشابك المصالح المادى وممكن علشان المكانه الاجتماعيه وممكن حاجات كتير لكن كمان شكل العلاقة اللى محورها تربيه العيال غير اللى محورها الحب غير اللى محورها الفلوس السؤال هنا انا اقدر اعيش حياتى فى علاقه شكلها ايه ؟ طبعاً ده اجابته بتختلف من شخص لاخر لكنها سهله لو الانسان واضح مع نفسه الطلاق ونظرة المجتمع مين الى بيضر اكتر الزوج ولا الزوجة الاتنين ونسب متفاوته حسب ظروف كل منهم بعد الطلاق وحسب طبيعة المجتمع اللى حواليهم يعنى لو بنت فقيرة وحظها من الجمال قليل ومن نسب متواضع واطلقت هتبقى فرص جوازها تضائلت اكتر وهتبقى اكثر تضرراُ ده ان مكانتش حامل كمان او معاها لسه اولاد هتبقى المشكلة اكبر نفس الكلام لو شاب ومطلق مش هتبقى مهمته سهله فى اقناع الزوجة التانيه او اهلها بكونه افضل عريس وغالباً ما سيقابل بالتسأول وبعض الامتعاض بسبب تجربته السابقه ده ان مأثرتش عليه نفسياً فعلاً وضرت العلاقه اللى بعد كده الطلاق كارثه اجتماعية وانهيار لوحدة اساسيه فى بناء المجتمعات وده اللى خلاه دائما ابغض الحلال وبعض الاديان حرمته فاكيد بينطوى على اضرار لكلا الطرفين وساعات بيتعدى ضرره ليصيب باقى الاسرتين وطبعاً الاطفال لو موجودين علشان كده الناس الكبار دايماً يقولو الجواز مش لعبه وانا ازعم انه علشان كده اصح يتم فى الصالونات مش على الكافيهات

شكرا ليك، كلام أكثر من رائع ومتكامل، وأضيف:
النظرة الساذجة الملائكية من الطرفين لبعض في حب ما قبل الزواج تؤثر بشدة على علاقة ما بعد الزواج؛ فكل طرف ينظر إلى الآخر في حب ما قبل الزواج على أنه ملاك بلا عيوب، كل شخص مفتون مغلق العينين، تحركه العواطف والشهوة، ثم بعد الزواج يتفاجأ كل شخص بأنه يحيا مع بشر يصيب ويخطئ، به مميزات وعيوب، فيه من الجمال والقبح، فيه من العصبية والهدوء، فيه من العقل والجنون.
هذه الصدمة تؤثر جدا على مقدار المحبة، إلا إذا كان الطرفان على قدر كبير من العقل والجدية.
ولذلك في كثير من الأحيان لا يدوم إلا حب ما بعد الزواج؛ سواء أكان يسبقه حب قبل الزواج أم لا؛ لأن حب ما بعد الزواج هو المبني على العقل والجدية.
وشكرا ليك يا أبو نورا ولصاحب الموضوع

[Bendary]

أبونورا ومهند قالوا كل الكلام
اجمل تحيه ليكم ولصاحب الموضوع

وفكرة قسم جديد بعنوان : انا وانت والنجوم وهواك على مصر موتورز
هيعمل شعبيه جامده اوىىىىىىى للمنتدى ويمكن المنتدى يتحول لبرنامج اعترافات ليليه

[Bendary]

اشاركك الجنون
واحييك على الموضوع المتميز

ربنا يديم علينا الجنان ده (ههههههههه)