فتوى سلفية: السخرية من "سوستة وأبو حمالات" حرام شرعًا

[أدهم صبرى]

لكن حذارى من انك تكذبنى تانى لانى عمرى ما كنت كذاب وحذارى من انك تتعامل مع الناس على انهم كلهم من عينتكو

أولاً أنا مكدبتش حضرتك لإنى عارف إنك ناقل الخبر ومش كاتبه.

وباين من الخبر إنه خبر صحفى واللى نقله كتبه بطريقته والخبر الصحفى طبعاً لازم يتحطله بهارات لجذب الناس وبيع الجريدة.

الموضوع كله موضوع سياسى وشغل لجان الكترونية وخارج عن الساحة المخصصة لدة (ساحة الثورة) وبرضو عديتها

الموضوع فى أوله لم يكن موضوع سياسي ولكنه تطور مع الردود.
وإيه حكاية لجان إلكترونية دى ؟

وانا هعلمك حاجة سهلة علشان متتسرعش بسؤال ساذج زى ده يؤكد صفات الجهل من تسرع ورعونة قبل السذاجة

أنا مازلت مصمم على السؤال لإن حضرتك مجبتش الدليل القاطع وكلها تكهنات. ولو كان كل واحد بيتعامل مع الإخوان أو متقارب معاهم ياخد صفة إخوانجى. يبقى صباحى إخوانجى لإن حزبه نزل على قوائم الإخوان وكذلك البرادعى إخوانجى لإنهم وقفوا معاه فى الجمعية الوطنية للتغيير.

[أدهم صبرى]

لما تلاقينى انا او غيرى جايب اقتباس من حاجة علم الجملة او الفقرة ديه بالماوس وخدها كوبى وبست فى جوجل ودور عليها هتلاقى المصدر ولما متلاقيش المصدر ابقى خش شكك وقول اللى انت عايزة لو كنت عملت كدة كنت هتلاقى الفقرة ديه متاخدة من ختام مقال للمستشار الخضيرى نفسه بعنوان من المسؤول عن أحداث جمعة كشف الحساب() ونقلتها بتاريخها من اليوم السابع وده رابط المقال يا مببراتى فاشل http://www.almasryalyoum.com/node/1188076

علشان من المصرى اليوم أنا متأكد إن الجريدة مفبركاه كعادتها "الجريدة وليس حضرتك علشان ماتقولش إنى بكذبك" . وياريت حضرتك متقوليش إن المصرى اليوم مثال المهنية والأمانه وعمرها مابتفبرك حاجه.

[أدهم صبرى]

علشان ديه حاجة بتدايقنى فعلاً وانا لما بتدايق ممكن ازعل اللى قدامى وانا مش عايز ازعلك والله بالعكس انا عايز اتفرج عليك واخلى الناس تتفرج عليك علشان تعرف مدى الانحطاط الثقافى والفكرى اللى انتو بتتمتعو بيه واسلوبكم العقيم فى الحوار والتبرير وعدم الاعتراف بالحق او بالاخطاء ابداً وبالتالى الناس اللى بتزعل لما بنرفض الحوار معاكو يفهمو ويتاكدو ان الحوار معاكو ملوش قيمة

برده حضرتك مفترض إنى إخوانجى ولجان إلكترونية وبتبنى كل ردودك على هذا الإفتراض الخاطئ.
وليه أسلوب التحقير والشتم يا أستاذ وائل. هل هذه هى أخلاق الطريقة الليبرالية فى التعامل مع المخالف وياريت حضرتك ما تقوليش إنكم ماينفعش معاكم غير كده "بإفتراضك إنى إخوانجى". لإن ده مش مبرر للإسلوب اللى حضرتك بتستخدمه وإساءه لليبرالية اللى حضرتك بتدافع عنها.
وتحقير أو تجهيل المخالف هو أسلوب للهروب من الحوار.
وعلى العموم أنا مش هطالب حضرتك بأى إعتذار عن هذه الإساءات لإننى أسامحك.

[AbOnOrA]

المشاركة الأصلية كتبت بواسطة أدهم صبرى علشان من المصرى اليوم أنا متأكد إن الجريدة مفبركاه كعادتها "الجريدة وليس حضرتك علشان ماتقولش إنى بكذبك" . وياريت حضرتك متقوليش إن المصرى اليوم مثال المهنية والأمانه وعمرها مابتفبرك حاجه.

برضو مفبركاة انت مش فاهم الفرق بين خبر ومقال يا اسمك ايه انت خش اليوم السابع هتلاقى الراجل ليه مقالات بالعشرات واخر مقال لسه امبارح اهوه
http://www.almasryalyoum.com/node/1587271

انت بجد مبتفهمش والله مش عارف افهمك ازاى راجل ليه مقال دورى فى جريدة تقولى خبر متفبرك وبهارات

على فكرة يا جماعة الاخ ده بعقليتة ديه تلاقيه اذكى واحد فيهم تخيلو بقى الباقى مستواهم عامل ازاى

[أدهم صبرى]

طيب يا ناصح لما تكون انت مكانة فى مسئولية بالحجم ده ويا عينى مش قادر تشتغل تحت ضغط ومسكت البلد لقيتها خربانة ومش نافعة المفروض لو عندك ذرة كرامة او مسئولية تطلع للناس تقولهم انا اسف مش هقدر اعمل حاجة ومش هقدر اوفى بوعودى اللى قطعتها على نفسى لكن هو مكلبش ليه فى الكرسى دلوقتى لما هو مش عارف يشتغل تحت ضغط والبلد كل حاجة فيها خربانة متتصلحش !!!

ده يبقى إسمه إنسحاب وهروب من المسئولية.
والدكتور الرئيس محمد مرسي ليس إنسان إنهزامى وواثق من قدرته على التغلب على المشاكل والتحديات.
ولو كل واحد هرب من المسئولية يبقى البلد مش هيبقى فيه أى تطوير.
وهو مش زى الناس اللى انسحبت من انتخابات الرئاسة فى أول فرصة وكل شوية تنسحب وخلاص.