رابطه ( قول معاك كام و انا اقولك تجيب ايه بفلوسك )

[docamr]

السلام عليكم
معايا مبلغ من 80 الى 90 الف ومحتار اجيب ايه واجيب جديد ولا مستعمل حالته كويسة..!!

[qubttan]

الاخوة الاعزاء
برجاء تفيدونى فى سعر سيارة فيات 131 موتور 1600 - موديل 81 - دهان حديث - فابريكه حوض وشنطة وقوايم - يوجد قطعتين بارومة صغيرين فى الارضية قال لى السمكرى انهم تافهين - التابلوه مشقق من الشمس - بها شغل سمكره فى حدود 500 جنيه
فيه اتنين شافوها وقالوا انها ممتازه وموتورها بحالة جيده
ياريت تفيدونى ى سعرها صاحبها عايز 22000 نهائى

فهل السعر مناسب ام لا؟
ولكم جزيل الشكر

[abdohtaby]

السلام عليكم ازيك يا استاذ يحى عامل ايه واحشني كنت عاوز عربيه في حدود من جنيه الي 155الف جنيه وتكون عاليه عن الارض وتستحمل وتكون واسعه وشيك وسيدان او 4×4 عادي اهم حاجة عاليه وتستحمل وشيك او واطيه بس مصفحة من تحت وهل الفانتازيا المانيوال مصفحو من تحت والا:Wkis s5:

[abdohtaby]

ويكون سعر اعاده بيعها كويس :Wkis s5:

[dr_bedo12345]

السلام عليكم
مجهود رائع.....الف شكر بجد
انا ماعنديش سؤال محدد بس كنت عايز اعرف العربيات اللى متقفله فى مصر زى النيسان صنى مثلا بتكون فى نفس جوده اللى جايه جاهزه من بره؟؟لانى سمعت انها بتبقى زباله اوى يعنى واحد صاحبى راح يشترى صنى بيقولى انه الباب بتاعها وهو بيقفله تحس انه عايز وزن عشان يقفل كويس والفرش اى كلام وبتهرم بسرعه مع الاستعمال؟؟؟
ولو كده بصفه عامه العربيات الخليجى متوفره وايه ميزاتها وعيوبها عن اللى من مصر؟
وايه هى العربيات الوكيل اللى تقفيلها موش مصرى؟
ولو معايا فى حدود 60-80 الف جنيه اقدر اجيب حاجه يابانى تقفيل بره زى الكورولا موديلات اقدم شويه قبل ما تتقفل فى مصر؟
لانى بصراحه عايز حاجه ما تهرمش بسرعه يعنى تفضل ماسكه نفسها وكمان مكيف قوى والى حد ما شكلها شيك لانى بصراحه معجب بالكورولا الشكل اللى قبل الجديد ياريت اعرف قطع غيارها اخبارها ايه ولو هابييع بتفضل ماسكه تمنها واو اشترى ايه جديد بنفس المواصفات اللى قلتلك عليها لو انت ما بيأيدش المستعمل

معلش طولت عليك واسئلتى كتير