24-06-2013, 05:49 PM
|
 |
|
|
تاريخ التسجيل: Dec 2009
المشاركات: 109,157
|
|
رد: التحايل "الاخوانى"!!
محمد طلبة .. مؤسس سلفيو كوستا يكتب عن قتل الشيعة أمس
لو عندك مشكلة مع شخص لانه يسب الصحابة (حيطلع فلحوس يقولك يعني انت ما عندكش مشكلة) ممكن ببساطه تقيم عليه دعوى ازدراء أديان ... زي اللي انت رفعتها على باسم يوسف كدة لما قرص على مرسي شوية... و لا انت عندك مرسي أعلى درجة من الصحابة؟! و لا اكمن ان باسم فاضحكم و بيعادي النظام بس التاني يا دوبك بيعادي الصحابة؟!! طب انت فرحان بايه مع انك ما شاركتش في ج...ريمة القتل و التمثيل بالجثة...و لا حتة ما فكرت تعمل كدة (ايوة عارف لانه حرام -يا واد يا مؤمن-) و لا ترفع عليه قضية... انت كالعادة كنباوي مهزوم متفرج .. من أنصار اللهم اهلك الظالمين بالظالمين و اخرجنا من بينهم آمنين ... و ساعدتك مش ناوي تعمل حاجة؟! اي حاجة غير الصوت العالي و مليونيات رابعة العدوية؟!!
استرجل كدة و خد موقف... اللي بارك الثورة الإيرانية كان الاخوان المسلمين .... اول اتفاقية سياحة كانت مع الإيرانيين في عهد الاخوان المسلمين ... اول زيارة لرئيس إيراني كانت من الاخوان المسلمين ...حسن شحاته كان هربان برة مصر بقاله سنين ...رجع بعد ما الاخوان ادوا الأمان المغطى للشيعة ... فهمني بس الشيعة حاجة كويسة و لا حاجة وحشة؟! فرحان باللي حصل و لا متضايق؟!! السحل ده عدل؟! طب ما نحطه في قانون العقوبات ... لانه واضح انكم ناس سادية... هل تمت استتابته؟! مجادلته او مناقشته؟! امتى كانت اخر مرة الراجل ده تعدى على الصحابة من داخل الأراضي المصرية؟!! ماذا لم كان تاب؟! حتى لو خوفا لما لقى الجموع حوله.... هل أعطيناه فرصة... ما احنا عمالين مستحملين قرفكم و اجرامكم تحت غطاء ادوله فرصة.. هو ده مفهومك للشريعة اللي بتحاول توصله للناس؟! ترك تنفيذ و تفسير العدالة للناس؟!
__________________
من مواضيع kj1 التاريخ الأسود لجماعة الأرهاب الأسود ليه لا وليس نعم مصر الجميلة الغائبة الأن
|
