فى ضيافة المهندسة همت..

[m.genedy]

المشاركة الأصلية كتبت بواسطة تامر ديزل واحب اقول للدكتور نوح : شد حيلك وجاوب على الخمسين سؤال اللي فوق

ههههههههه

[nktis]

المشاركة الأصلية كتبت بواسطة yahiaashraf متخفش يا باشا هجيبلك الاسئله من كتاب الوزاره نبتدى على بركة الله 1- هل عندك سياره ؟ و ما نوعها ؟ و هل راضى عليها ؟ شخصيا لا , بس مع اخويا نيفا بتاعه والدي رحمه الله ولما باحتاجها باخدها وانا مبسوط بالموتسيكلات (cb4 ) 2 - ما هى هواياتك ؟ صيد الطيور والاسماك وتربي الكلاب وزراعه نباتات الزينه والحمام واخيرااا الانتخه قدام التلفزيون ... 3 - ما هو اكثر شخص يعجبك فى المنتدى من وجهة نظرك؟ كتير ولكن اكثرهم 2 لم تتغير ابدا نظرتي فيهم وهما ا.حازم و ا.محمد جنيدي.. 4 - هل انت راض على اداء المنتدى ؟ نعم... 5 - ما هو مزاجك ؟ شاي وسجاير ... 6 - لو انت ماشى فى الشارع فى امانة الله لا بيك و لا عليك و لا حواليك و جه واحد و قالك اثبت ( مش بتكلم عن اعلان فودافون ) هههههه ما علينا ؟ طبيعي هاثبت اشوف فيه ايه بس عموما بالليل وانا مروح لا اقف لاي حد بتاتا... 7 - هل لديك اخوه؟ و هل انت اكبرهم ؟ نعم ... لا. اصغرهم ... 8 - ما هى اكلتك المفضله ؟ اللحوم بانواعها والاسماك بانواعها والطيور واهمهم الحمام والارانب ... 9 - ماهى القناه التليفزيونيه الفضله لديك؟ مفيش حاجه محدده باتن طول الليل رايح جاي بالريموت علي القنوات بس اخيرااا باستقر علي الجزيره الوثائقيه ... 10 - بتقضى وقت فراغك ازاى ؟ معنديش وقت فراغ بالمعني لان كل يوم صيدليه بس فتره الصبح لقضيها في الهوايات وري الزراعه واكل الكلب ...الخ من اعمال المزرعه الخفيفه ... 11 - لما بتحب تصيف بتروح فين ؟ لم اصيف غير مره واحده تبع المدينه الجامعيه ودونا اياميها تحت كبري ستانلي وكنت هاغرق (اتكعبلت في حجر ووقعت ) لولا ستر ربنا ومساعده اصدقائي ومن لحظتها وانا مخاصم المياه والتصييف ... 12 - رايك ايه فى الرئيس محمد مرسى ؟ واحد باشوفه كل يوم في وجوه المصريين الطيبين ابهاتنا ... 13 - لو انت نايم و لاقيت حرامى دخل البيت هتعمل ايه ؟ صعب جدااا لوجود جوز كلاب و عامه هاشوف حته خشبه بدون ما ياخد باله وعلي نافوخه... 14 - بتحب افلام الرعب ؟ جدااااااااااااااااااااااا ااااااااااااااااااااااااا اااااااااا 15 - بتصلى و لا لا ؟ و هل الصلاة بانتظام؟ و بتصلى الفجر ؟ طبعا .,. الحمد لله .,. بانتظام الا اذا كنت مسافر او راحت عليه نومه .,. بس الفجر اساسي في رمضان انما حاليا ماكدبش عليك فيه تقصير ... 16 - هل بتكره عضو فى المنتدى ؟ لا 17 - عندك اكونت على الفيس بوك ؟ نعم ... 18 - ايه هى الجريده المفضله لديك ؟ مش باقرا جرايد... 19 - هل سافرت مره مكان بره مصر ؟ و ايه هو؟ لا ... 20 - متى اخر مره قرات فيها القران الكريم ؟ صلاه المغرب انما لو تقصد القراه من المصحف فكنت محافظ علي ورد يومي صفحه واحده بس حاليا الشيطان غالبني وان شاء الله ساعاود في رمضان ... 21 - لماذا اخترت اسمك المستعار عند تسجيلك فى المنتدى وهو nktis ? n = nouh k = kamal t = taman is = فرع ابو اسماعيل ... 22 - مين هو العضو اللى تتمنى تقابله شخصي كتير ومنهم البشمهندس وائل وا.محمد جنيدي وا.حازم .ا.دملاوي وسيادتك... 23 - كيف تنظر لمستقبلك ؟ متفائل والحمد لله ... 24 - متى تقول لا ؟ للمناديب الغلساء وزباين الشكك... 25 - لو انت فى برنامج من سيربح المليون و قررت تتصل بصديق هتختار مين من اعضاء المنتدى ؟ ا.احمد فاروق ( عنده ثقافه وهينفع في الوقت ده ) 26 - لو عندك مشكله تختار مين يشاركك فى همك ؟ زوجتي ووالدتي واخواتي ... 27 - هل ممكن تبكى من اقل الاسباب ؟ لا ... 28 - موبايلك نوعه ايه ؟ نوكيا ... 29 - ما هو اللون اللذى تفضله ؟ البنيات ... 30 - ما هو اكثر ما تحبه على الانترنت ؟ مصر موتورز ... 31 - ما هى البلد الذى تحب ان تعيش فيه ؟ مصر ولو فكرت في هجره كانت هتبقي استراليا... 32 - ما هو اكثر شىء يثير غضبك ؟ لو روحت ولقيت العشاء بدون لحوم...وزوجتي لم تبلغني بالموبايل اجيب علبه تونه معايا ... 33 - كم وجبه تاكل فى اليوم ؟ 2 34 - اول لما بتدخل السوبر ماركت بتروح الاول لانهى قسم ؟ البسكوت والشيكولاته وحاجات العيال ... لازم اراضي عيال اخويا ولو يوم مفيش حاجه حلوه بيفضحوني... 35 - لو مره دخلت البيت و انت جعان و ملقتش اكل هتعمل ايه ؟ هادور الموتسيكل واطلع اجيب اكل ... 36 - لو نفسك مزدوده عن الاكل تختار مين من اعضاء المنتدى ياكل معاك و يفتح نفسك ؟ حضرتك ... 37 - ما هو مطعمك المفضل ؟ مطاعم الكشري... 38 - ما هو مشروبك المفضل ؟ الدوم ... والباباز .... 39 -بتحب اكل ابيت اكتر و لا اكل المطاعم ؟ البيت ...ونادرا لو جبت حاجه من المطعم بالرغم من اني جاري مطعم مشويات... 40 - اخر سؤال هل كنت صادق فى جميع اجاباتك ؟ نعم... ايدى وجعتنى كفايه كده دول النهارده و البقيه تاتى من باقى الاعضاء تحيا مصر يا عم الحج

حراااااااااااام عليك ....ديت كلها اسئله ....

[محمد اشرف]

دى حاجه سقعه لحبيبنا استاذ نوح بعد مرد على يحيي و حتى يرد على اسئله استاذ جنيدى

[nktis]

المشاركة الأصلية كتبت بواسطة m.genedy اهلا وسهلا دكتور نوح حبيب الكل الاسئلة 1-هل حدث تغيير فى شخصيتك بعد ان رزقك الله مصطفى؟ ج-نعم ...كتير علي الاقل خفيت سجاير. وعدت الي حب الحياه والتفائل من تاني ... 2-كم تتمنى ان يكون عندك من اطفال؟ ج-3 صبيان ... 3-اعرف عنك انك جرئ وصاحب كلمة ورأى لأي مدى؟ ج- لو لقيت الطرف الاخر من الممكن يرد رد يقل قيمتي واحترامي لنفسي ...هاتوقف عن النقاش ... 4-لمن من السادة الزملاء الاعضاء تقول..... اوبااا ... أ- لا تتوقف عن الكتابة فأنت مبدع؟ كارز ادمير... ب-اتمنى عودتك فى اقرب وقت؟ كروسير وا.احمد فاروق ... ج-انت مضطرب نفسيا وسكوتك افضل؟ وليه الاحراج ...اعتقد لا يوجد ... 5- هل وصلت لمرحلة انك تريد تحطيم جهاز الكمبيوتر؟ ج- لا ... 6-ماهى مدى قناعاتك بجماعة الاخوان المسلمين؟ ج- نوعا ما وكنت مجبر اختارهم والا تبقي رسمي الثوره فشلت ... 7-هل تعاطفت مع مبارك؟ ج- لا وابدااا لن يحصل ...انا فقدت والدي بسببه وبسبب مبيداته المسرطنه ... 8-اذا اتيحت لك فرصة تشكيل وزارة من داخل مصر موتورز فمن تختار ولماذا؟ ج- ادمير وزير للبحث العلمي ... ابو نورا داخليه ... حضرتك للخارجيه ... د.كمال للصحه ... ا.ايمن المحامي للعدل ... واخيرااا ا.حازم شاهين رئيس الوزراء... 9-من تتوقع ان يفوز بكأس اوروبا لكرة القدم؟ ج- المانيا ... 10-اذا لم تكن تعيش فى مصر فأى بلد كنت تتمنى ان تقيم فيها ولماذا؟ ج. استراليا ... بلد جميله ومن خلال مشاهدتي للوثائقيه بنت عنها فكره الطبيعه العزراء ... اسئلة كلها بسيطة وانا سعيد بتواجدك يا ابو مصطفى

والله انا اكتر بس الاسئله صعبه نوعا ما ....

[محمد اشرف]

يلا يا جماعه العشاء جاهز مع انى مش بتعشا دلوقتى بس عشان خطركم هتعشا دلوقتى وكل واحد ادامه الحاجه السقعه بتعته ماشى وبالهنا والشفا يا احلى منتدى وهدى نفسك شويه يا استاذ نوح وتعالى اتعشا الاول ثم جاوب على استاذ جنيدى اتفضلوا